1 TƐSALONIKƐ 3:11 - WE NU GALE 1995

¹¹ E kɔ Baa lɛ Gale do tɛ̃ a, do Nwa 'da lɛ Yezu wa 'dafa wala hã lɛ na, lɛ hɔ 'da nɛ i.

1 TƐSALONIKƐ 3:11 Iomraidhean Croise

Ezai 63:16

we kɛ mɔ a baa lɛ. Oyaa lɛ, Abrahama do Yakɔbɔ wa ĩ̀ ti lɛ gɔ, nɛ ta zu wa 'bɔ ngɔ lɛ bina. Nɛ nde mɔ NWA, mɔ a baa lɛ, mɔ a wi kpasa lɛ 'da fala fai.

Yeremi 31:9

Wa kpolo sɛ tɛ wa do mili kɔ̃a li wa, nɛ wa ala sɛ nu wa tɛ si nɛ. Nɛ mi be sɛ wala hã wa, nɛ mi kã wa dɛ nu be wayanɔ. Wa la sɛ do li dia wala, nɛ wa kpá sɛ ngamɔ gɔ. Mi sɛ a baa Oisraɛlɛ, nɛ Efraimɛ sɛ a kutu bulu be 'da mi.

MALAKI 1:6

NWA tɔ̃a na: “Mi NWA ngɔ mɔ nyanga nza vɛ̃, mi tɔ̃ hã nɛ onganganɔ na: Bulu be dɔnggɔ baa a dɔngga, nɛ wi dɛa to dɛ mbula nu nwa ngɔ a dɛa. Nɛ ĩ na, mi a baa nɛ, kɔ gulu kɛ nɛ dɔ́nggɔ́ mi gɔ we ge nde? Mi a nwa ngɔ nɛ, kɔ gulu kɛ nɛ dɛ́ mbula nu mi gɔ we ge nde? Nɛ zɔ mi li nɛ yala, nɛ nɛ aka na: ‘Lɛ zɔ mɔ li lɛ yala nɛ nde?’

MATIE 6:14

“We duzu ki ni, fala kɛ nɛ mbɔkɔ ongba nɛ ngɔ 'dã mɛ 'da wa, nɛ Baa nɛ kɛ a li nza i ni, a mbɔkɔ sɛ tɛ mɛ 'bɔ nɛ.

MATIE 6:18

dɔ owinɔ wa ĩ́ na, mɔ tɛ bɛ̃ nyɔngɔmɔ we dɔnggɔ Gale gɔ. Nɛ Baa mɔ, kɛ a kɔ usu fala ni, a ĩ sɛ ma. Fala kɛ mɔ dɛ na mɛ ni, nɛ Baa mɔ, kɛ a ĩ ti mɛnɔ mɔ dɛ do usu nɛ ni, a hã sɛ si olo nɛ hã mɔ.

MATIE 6:26

Nɛ zɔ́ onɔɛnɔ kɛ wa bũlũ ngɔ gɛ, wa mí kpalɛ gɔ, nɛ wa 'bɛ̃́lɛ̃́ 'bɔ kpalɛ gɔ. Nɛ nde Baa nɛ, kɛ a li nza i ni, a hã nyɔngɔmɔ hã wa fai. Ní a tɔlɔ do nɛ, kɛ nɛ nɛa ngɔ onɔɛnɔ fala dɛlɛ wena ni nde?

MATIE 6:32

Wi a owinɔ kɛ wa kɔ̃̀ Gale gɔ ni, sɛ nɛ wa fa mɛnɔ ni fai de. Nɛ nde we duzu nɛ, Baa nɛ kɛ a li nza i ni, a ĩ na, nɛ zɔla mɛnɔ ni.

MATIE 6:4

Ma wia na, kɛ mɔ hã do usu nɛ ni, ma 'bana do usu nɛ, nɛ Baa mɔ, kɛ a zɔ usu mɛnɔ vɛ̃ zɔa ni, a si sɛ olo nɛ hã mɔ.

MATIE 6:6

Kɛ 'da mɔ, fala kɛ mɔ kɔ̃ we sambala Gale, nɛ mɔ lé kɔ mbe 'bili tɔa 'da mɔ, nɛ mɔ kpe nu nɛ, nɛ mɔ sambala Baa mɔ kɛ a kɔ usu fala ni, nɛ Baa mɔ, kɛ a zɔ usu mɛnɔ zɔa ni, a hã sɛ si olo nɛ hã mɔ.

MARKO 1:3

Nɛ wi ni a tɛ he mɔ tɛ li gba zɔ̃ i na: ‘Nɛ 'dáfá li wala 'da Nwa, kɔ ma bɔlɔ!’ ”

LUKA 12:30

Wi a owinɔ ngɔ nù gɛ, kɛ wa kɔ̃̀ Gale gɔ ni, sɛ nɛ wa fa mɛnɔ ni fai de. Nɛ nde we duzu nɛ, Baa nɛ ĩ na, nɛ zɔla mɛnɔ ni.

LUKA 12:32

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

YOANƐ 20:17

Nɛ Yezu tɔ̃ hã a na: “Mɔ tɛ 'bè tɛ mi gɔ, we kɛ mi tɛ kṹ 'da Baa mi i gɔ. Kɔ mɔ nɛ́ we tɔ̃ hã owinɔ 'da mi na, mi kũ dɛ 'da Baa mi, kɛ a 'bɔ a Baa nɛ ni. Mi kũ dɛ 'da Gale 'da mi, kɛ a 'bɔ a Gale 'da nɛ ni.”

ROMA 1:3

Sakoe ni ma tɔ̃ gulu we 'da e 'da a Yezu Kristo, kɛ a a Nwa 'da lɛ ni. A a wele, nɛ wa kua a dɛ kɔ nu fɛlɛ kula 'da nwa Davidi.

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

GALATI 1:4

Kristo fia zi we 'dã mɛnɔ 'da lɛ, takɔ a fo lɛ ti ngawi 'da 'dã mɛnɔ ngɔ nù gɛ. A dɛa ni do kɔ̃a zã 'da Baa lɛ Gale.

KƆLƆSƐ 1:2

onya lɛ winɔ 'da Gale tɛ kɔ le Kɔlɔsɛ, kɛ nɛ mba kpo do Yezu, nɛ nɛ 'bana tɛ kɔ̃ gɛnɛ a do sila nɛ kpo ni. E kɔ Baa lɛ Gale be dia zã 'da a hã nɛ, nɛ a dɛ na, nɛ dungu do gɛ̃a sila.

1 TƐSALONIKƐ 3:13

Na mɛ ni, a hã sɛ kpã sila hã nɛ, kɔ do ngba soe kɛ Nwa 'da lɛ Yezu a tɛ sɛ do owinɔ 'da a ni, nɛ fo sɛ mɔ kɔ'dɔ nɛ we nɛ bina, nɛ nɛ sɛ santo gbali Baa lɛ Gale.

1 TƐSALONIKƐ 4:16

Do ngba soe nɛ ni, nɛ mbisa we ma wele sɛ nganda wena, nɛ wa zele sɛ giti gɛlɛ gã nwa ngɔ anzɛnɔ, do giti mɔtũlũ 'da Gale. Nɛ Nwa Yezu Kristo do tɛ̃ a ngboo, a yolo sɛ li nza i, nɛ a zĩlĩ. Nɛ owinɔ kɛ wa fia, nɛ nde wa kɔ̃a zu li a kɔ̃a ni, wa tunu sɛ kɔ fio dati.

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

2 TƐSALONIKƐ 3:16

E kɔ Nwa, wele gɛa sila, a hã gɛa sila hã nɛ 'da fala fai, do walanɔ vɛ. E kɔ Nwa 'bana do nɛ vɛ.

2 TƐSALONIKƐ 3:5

E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

1 YOANƐ 3:1

Baa lɛ Gale do kɔ̃a zã dɛ 'da lɛ la li ngele! A sa li lɛ la na obenɔ 'da a. Nɛ lɛ a obenɔ 'da a gbãlã we. Owi nù wa ĩ̀ na, lɛ a obenɔ 'da Gale gɔ, we duzu kɛ wa ĩ̀ ti Baa lɛ Gale gɔ.

USU MƐNƆ 21:3

Nɛ mi zele giti gɛlɛ wele tɛ fala kpongbo nwa ni, ma wila nganda wena na: “Nɛ zɔ́, Gale dɛa fala ɔi 'da a dɛ sanga winɔ. A ɔ sɛ do wa fala nɛ kpo, nɛ wa sɛ a owinɔ 'da a. Gale ngboo sɛ fala nɛ kpo do wa.