1 TƐSALONIKƐ 3:10 - WE NU GALE 1995

¹⁰ Nɛ tũ do gba wese, lɛ sambala Gale do sila lɛ vɛ na, a hã wala hã lɛ, kɔ lɛ zɔ 'bɔ mbé tɛ nɛ, takɔ lɛ be tala mɛnɔ kɛ nɛ zɔla ma kɔ kɔ̃a we 'da nɛ ni hã nɛ.

1 TƐSALONIKƐ 3:10 Iomraidhean Croise

LUKA 2:37

nɛ wili a fe. Nɛ a ɔa olo wili a ni gbaa, nɛ a hɔ 'bu sabɛlɛ ngbɛ'dɛ'dɛ ngɔ nɛ nalɛ. A ngbí zi kɔ tɔa Tɛmpɛloe gɔ, nɛ a dɔnggɔ Gale tũ do gba wese, tɛ sambala a do bɛ̃ nyɔngɔmɔ.

Owi Nɛ Tonɔ 26:7

Nɛ mɛ a kpo kpo mbuli kɛ nu kpala lɛ 'bu ngɔ wa bɔa ni, wa ia sila wa ngɔ nɛ na, Gale a dɛ sɛ ma kpa li wa ni. Nɛ wa tɛ dɔnggɔ a we nɛ tũ do gba wese. Kɔ aa nwa, we kɛ mi tɛ e sila mi ngɔ wenɔ ni, ma kɛ Oyudanɔ wa da mi gɛ.

2 KORINTƐ 1:15

Nɛ ɔ nɛ kɛ mi zi do kafi kɔ sila mi we mɛnɔ ni sĩ bina ni, mi 'dafa zi na, mi nɛ we zɔ nɛ fala bɔa, takɔ Gale wele nu ɛ tɛ nɛ do wala 'da mi fala bɔa.

2 KORINTƐ 1:24

Lɛ kɔ̃̀ na, lɛ hɛ̃lɛ̃ nɛ we kɔ̃ mɛnɔ kɛ ma wia na nɛ kɔ̃ ma ni hɛ̃lã gɔ, we kɛ lɛ ĩ na, kɔ̃a we 'da nɛ nganda ia. Nɛ lɛ kɔ̃a we dɛ toe do nɛ do tɛlɛ tɛ kɛ na, ma hã yangga hã nɛ.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

2 KORINTƐ 13:9

Lɛ dɛ yangga 'da fala kɛ lɛ zɔ na, lɛ mbɔka, nɛ nde nɛ do ngawi boe ni. Nɛ lɛ aka Gale na, a gã 'da kɔ̃a we 'da nɛ dɛ dati.

FILIPƐ 1:25

Nɛ we duzu ki ni, mi ĩ na, mi 'bana sɛ nza, nɛ mi dungu sɛ do nɛ we gbaka nɛ, takɔ nɛ kɔ̃ gɛnɛ Gale dɛ dati fai, nɛ nɛ dɛ yangga.

KƆLƆSƐ 1:28

Ma kɛ, lɛ be we 'da Kristo hã winɔ vɛ̃. Lɛ tɔ̃ mbula, nɛ lɛ be we hã wa do wala hã zãnɔ vɛ̃ kɛ Gale hã ma hã lɛ ni, takɔ lɛ 'dafa winɔ kɛ wa mba kpo do Kristo ni na, kɔ̃a we 'da wa nganda.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 3:11

E kɔ Baa lɛ Gale do tɛ̃ a, do Nwa 'da lɛ Yezu wa 'dafa wala hã lɛ na, lɛ hɔ 'da nɛ i.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TIMOTE 1:3

'Da fala kɛ mi lengge do mɔ, nɛ mi hã iɔ̃nae hã Gale, kɛ mi dɛ toe hã a do dia linggamɔ, ɔ nɛ kɛ oyaa mi wa dɛa zɛ́ ni. Nɛ tũ do gba wese, mi sambala we mɔ fai.

FILEMƆ 1:22

Mi kɔ̃a 'bɔ na, mɔ 'dáfá fala ɔi hã mi, we kɛ mi e sila mi ngɔ Gale na, a zele sɛ sambala 'da nɛ, nɛ a gese mi hã nɛ.

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 7:15

Ma kɛ wa yolo dɛ dati kpongbo nwa 'da Gale, nɛ wa tɛ dɛ to hã a tũ do gba wese kɔ Tɛmpɛlo 'da a ni. Nɛ Wi dungu ngɔ kpongbo nwa ni, a kele sɛ zu wa.

1 SAMUƐLƐ 12:23

We duzu mi, mi lá sɛ fala sambala we duzu nɛ gɔ. Mi la fala nɛ, nɛ nde mi dɛa 'dã mɔ gbali NWA. Nɛ mi lá sɛ 'bɔ fala be bɔlɔ wala hã nɛ gɔ.