1 TƐSALONIKƐ 3:1 - WE NU GALE 1995

¹ We duzu ma, lɛ wè zi tɛ kunu 'bɔ sila lɛ gbaa gɔ, ma kɛ lɛ kɔ̃a na, lɛ 'bana tati a lɛ bɔa dɛ Atɛnɛ nga,

1 TƐSALONIKƐ 3:1 Iomraidhean Croise

Yeremi 20:9

Nɛ nde fala kɛ mi bɛ̃ na, mi tɔ̃́ 'bɔ toe 'da mɔ gɔ, nɛ mi fí 'bɔ nu mi tɛ nɛ gɔ, nɛ lɛnggɛ 'da mɔ bɛlɛ kɔ zã mi ɔ nɛ we ni. Mi fa we kpe nu mi dɛ ngɔ nɛ, nɛ nde mi wè tɛ kunu sila mi ngɔ nɛ gɔ.

Yeremi 44:22

NWA wè zi 'bɔ we kunu sila a ngɔ 'dã mɛnɔ 'da nɛ, do osɔ̃ dɛa mɛnɔ kɛ nɛ dɛ zi ma ni gɔ. Gulu nɛ hã a dɛa na, nùi 'da nɛ ma 'danga putu putu, nɛ owinɔ 'da nɛ wa kumu, nùi ma kifi olo tɔa, nɛ winɔ wa sa li ma kɔ fɔmba ni.

Owi Nɛ Tonɔ 17:15

Nɛ winɔ kɛ wa zi tɛ kã Polo ni, wa kã a ni gbaa, nɛ wa e a tɛ Atɛnɛ. Wa hɔa i mɔ, nɛ Polo gese wa. Nɛ a tombo wa hã Silasi do Timote na, wa tɛ́ dɔ̃, kɔ wa kpa ɛ sɛ.

Owi Nɛ Tonɔ 17:16

'Da fala kɛ Polo tɛ 'bɔ 'da Silasi do Timote tɛ Atɛnɛ i ni, nɛ a zɔa, nɛ nde okpikima wa dunu 'da le ni wena. A nɛa we zɔ ni, nɛ ma 'danga tɛ̃ a wena.

2 KORINTƐ 2:13

Nɛ nde sila mi zi dɛ ngɔ, we kɛ mi kpà zi nya lɛ Tito di ni gɔ. We duzu ma, nɛ mi hã balɛ hã Owi Troasi iko, nɛ mi la dɛ ngɔ nù Masedɔanɛ i.

1 TƐSALONIKƐ 2:17

Onyae, 'do kɛ lɛ gɔnɔ zi sanga tɛ ngba lɛ do nɛ we bi kɔ̃ tũi ni, lɛ gɔnɔ sanga tɛ ngba lɛ do kili tɛ lɛ iko, nɛ nde sila lɛ 'bana ngɔ nɛ fai. Ma kɛ lɛ fa do walanɔ vɛ̃ na, lɛ nɛ 'da nɛ i, we kɛ wɔ tɛ nɛ ba lɛ wena.

1 TƐSALONIKƐ 3:5

Gulu nɛ a mi wè tɛ kunu sila mi gɔ, nɛ mi tumba Timote we zɔ na, kɔ̃a we 'da nɛ ɔ tabi nɛ nde? We kɛ mi dɛ kili na, da dɛ kɔ Satana ɔ́lɔ́ nɛ, kɔ do toe 'da lɛ ɔ yala iko gɔ.