1 TƐSALONIKƐ 2:9 - WE NU GALE 1995

⁹ Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TƐSALONIKƐ 2:9 Iomraidhean Croise

2 Onwanɔ 6:2

Kɔ mɔ kɔ̃, nɛ lɛ zĩlĩ tɛ nu lì Yɔrdanɛ i, hã wele do wele gɔmɔ gã te kpo, takɔ lɛ dɛ do mbé gele tɔa ɔi dɛ dɛ.” Nɛ Elize tɔ̃ hã wa na, wa nɛ́.

NEHEMIE 5:15

Owi fɔmɔ lenɔ zi dati mi ni, wa hã zi dĩ tole hã winɔ. Wa kala nyɔngɔmɔ, do do dɛ ngɔ gili fɛ̃a mɔ bole 'bu nɛ nalɛ, kɛ wa hã zi hã wa ni. Gɛnɛ ko ongba wa wi tonɔ, nɛ wa zɛlɛ zi 'bɔ tɛ winɔ kpasaa na mɛ ni. Nɛ nde mi, mi dɛ̃ ni fala kpo gɔ, we dɛ kili Gale.

NEHEMIE 5:18

Tũ kpo kpo, wa gi zi kili ngɔmbɔ kpo, obata gazɛlɛ, do okala dɛlɛ wena hã wa. Nɛ 'do tũ 'bu 'bu, wa tɛ zi do gili dɔnɔ hã wa. Nɛ nde dĩ tole mɛnɔ ni vɛ̃ zi dɛ ngɔ mi. Gɛnɛ kɔ na mɛ ni, nɛ nde mi àkà zi we mɛnɔ kɛ wa wia we hã hã wi fɔmɔ le ni gɔ. We kɛ tonɔ winɔ wa dɛ ni zi a dĩ tole we wa.

Zumanɔ 32:4

Do tũ, do gba wese, mɔ NWA, mɔ hã zi etumbu hã mi, nɛ mi mbɔkɔ zi vɛ̃, ɔ nɛ be bɔlɔ wɔkɔsɔ do zɔlɔ sabɛlɛ ni.

Zumanɔ 88:1

Zuma 'da Kore. Wi 'dafa ma a Hemane.

GBA WENƆ 31:18

A zɔ na toe 'da a tɛ nɛ do dia nɛ, nɛ do tũi, nɛ a tũ mwinda, nɛ a dɛ toe ni dɛ dati fai.

Yeremi 9:1

Mi kɔ̃a sɔ na, mi kpa mbe fala usu tɛ wi tɛ li gba zɔ̃ i, sɛ a mi wia we yu owinɔ 'da mi dɛ i mɔ de. We kɛ wa a owi vũ to tɛ wi, do owi bɛ̃ gɛnɛ Gale.

LUKA 18:7

Ní nɛ nde Gale wè tɛ gala winɔ kɛ a saka wa, kɔ wa he dɛ 'da a tũ do gba wese ni gɔ nde? A wia tɛ zĩ tɛ̃ a zĩ, sɛ nɛ a gala wa de nde?

LUKA 2:37

nɛ wili a fe. Nɛ a ɔa olo wili a ni gbaa, nɛ a hɔ 'bu sabɛlɛ ngbɛ'dɛ'dɛ ngɔ nɛ nalɛ. A ngbí zi kɔ tɔa Tɛmpɛloe gɔ, nɛ a dɔnggɔ Gale tũ do gba wese, tɛ sambala a do bɛ̃ nyɔngɔmɔ.

Owi Nɛ Tonɔ 18:3

Nɛ́ kɛ Polo zi a wi dɛ tulu tande ɔ nɛ wa ni, nɛ a ɔa dɛ 'da wa ni, nɛ a dɛa toe fala nɛ kpo do wa.

Owi Nɛ Tonɔ 20:24

Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.

Owi Nɛ Tonɔ 20:31

Kɔ li nɛ sɔ̃́, nɛ ta zu nɛ tɛ èlè ngɔ kɛ zi 'do sabɛlɛ talɛ, mi tɛ tɔ̃ mbula hã nɛ tũ do gba wese, do mili kɔ̃a li mi ni gɔ.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

ROMA 15:16

nɛ a ia mi do wi dɛa toe 'da Yezu Kristo sanga ogele winɔ. Mi dɛa to be Dia Sakoe 'da a, ɔ nɛ kɛ mi a nganga ni, takɔ owinɔ kɛ wa a Oyuda gɔ ni, wa hɔ dia dɔnggamɔ kɛ mi hã ma hã Gale ni. Dɔnggamɛ ni, Hi Wi Santo 'dafa ma na, ma ɔ santo li Gale, nɛ ma hã yangga hã a.

ROMA 15:19

do gba sɔ̃ mɛnɔ, do ɔngbamɛnɔ do wala 'da mi, nɛ a hã 'bɔ ngawi 'da Hi Wi Santo hã mi. Ma kɛ mi yula zi Yeruzalɛmɛ, nɛ mi yɛnggɛ tɛ be Dia Sakoe 'da Kristo gbaa, nɛ mi hɔ ngɔ nù Iliri.

1 KORINTƐ 4:12

Lɛ kpa ngamɔ dɛ to do kɔ̃ lɛ we kpasa do ma. Kɔ fala kɛ winɔ wa dã lɛ, nɛ lɛ wele nu lɛ tɛ wa. Kɔ wa ma ngɔ zɛlɛ tɛ lɛ, nɛ lɛ kunu sila lɛ iko.

1 KORINTƐ 9:15

Nɛ nde mi dɛ̀ na mɛ ni fala kpo gɔ, nɛ mi kɔ̀mɔ̀ we gɛ na, Owele wa gala mi gɔ. Ma dia fɛ̃ na mi fe, olo li kɛ na, mi gɔ mɔ kɔ̃ wele ni. Mi dɔnggɔ tɛ mi do ki ni, nɛ mi kɔ̃̀ na, wele ba mɛ mi dɔnggɔ tɛ mi do ma ni kɔ̃ mi gɔ!

1 KORINTƐ 9:18

Kɔ mɛ wa nɛ futa sɛ do mi do toe 'da mi ni a ge nde? Mɛ a kɛ na, mi dɛ yangga be Dia Sakoe iko, nɛ mi tɛ fà kpamɔ olo nɛ, ɔ nɛ kɛ mi wia sɔ tɛ kpa nɛ ni gɔ.

1 KORINTƐ 9:4

Mi wè tɛ kpa nyɔngɔmɔ kɔ̃ winɔ do toe 'da mi gɔ nde?

2 KORINTƐ 11:27

Mi dɛa onga dɛa to, nɛ tɛ mi zɛlɛ wena. Mbe 'da falanɔ wena, mi wè zi tɛ ɔ yala gɔ. Mi ɔa zi wɔ, do wɔ lì, nɛ fala dɛlɛ wena, mi kpà zi fala we nyɔngɔ mɔ gɔ. Mi zɔla zi tulu, nɛ mi ɔa gɛɛ.

2 KORINTƐ 11:9

Nɛ 'da fala kɛ mi zi 'da nɛ i, nɛ mi zɔla zi mbili ni, nɛ mi gɔ̀ zi mɔ kɔ̃ wele kpo sanga nɛ ni gɔ. We duzu kɛ onya lɛ kɛ wa yula zi tɛ Masedɔanɛ i, wa gala mi do mɛnɔ vɛ̃ kɛ mi zɔla ni. Mi kɔ̃̀ zi na, mi e dĩ tole zu nɛ gɔ, nɛ mi dɛ́ sɛ ma fala kpo gɔ.

2 KORINTƐ 6:5

Wa zɛa zi lɛ, nɛ wa a lɛ bɔlɔkɔ, nɛ wa dãlã sila winɔ na, wa fi balia zu lɛ. Lɛ dɛa zi nganda dɛa to, nɛ mbe 'da fala kpo, nɛ lɛ ɔ̀ yala gɔ, nɛ lɛ nyɔ̀ngɔ̀ 'bɔ mɔ gɔ.

FILIPƐ 4:16

Nɛ 'da fala kɛ mi ɔa zi tɛ Tɛsalonikɛ i ni, nɛ nɛ zi tɛ tombo mɛnɔ kɛ mi zɔla ni hã mi fai.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 2:2

Nɛ ĩ na, dati hɔ 'da nɛ i, owi kɔ le Filipɛ wa zɛlɛ zi tɛ lɛ, nɛ wa dã zi lɛ wena. Nɛ nde Gale kpãlã zi sila lɛ we be Dia Sakoe 'da a hã nɛ. Ĩ na, ombe wa bɛ̃ zi 'bɔ gɛnɛ lɛ wena.

1 TƐSALONIKƐ 2:6

Lɛ fà zi we kpa dɔ̃lɔ̃ li tabi kɔ̃ nɛ, tabi kɔ̃ ogele winɔ gɔ.

1 TƐSALONIKƐ 3:10

Nɛ tũ do gba wese, lɛ sambala Gale do sila lɛ vɛ na, a hã wala hã lɛ, kɔ lɛ zɔ 'bɔ mbé tɛ nɛ, takɔ lɛ be tala mɛnɔ kɛ nɛ zɔla ma kɔ kɔ̃a we 'da nɛ ni hã nɛ.

1 TIMOTE 1:11

Bia wenɔ ni ma yula kɔ Dia Sakoe, kɛ Gale ba to nɛ hã mi na, mi be ma ni. Dia Sakoe ni ma tɔ̃ we dɔ̃lɔ̃ li 'da Gale do dia wi 'da a.

1 TIMOTE 4:10

Mɔ zɔ́ gulu kɛ lɛ bi nganda, nɛ lɛ gbɛ tɛ lɛ li dɛa toe gɛ a ni. Mba gɔ, lɛ gbini zã lɛ do Gale, wele kpasi, kɛ a hã kpasi hã owinɔ vɛ̃, nɛ nde dati ngboo hã wanɔ kɛ wa kɔ̃a zu li a ni.

1 TIMOTE 5:5

Wi fio wili kɛ mɔ wia tɛ gala a ni, wi a wele kɛ a do wi gala a bina, nɛ a gbini zã a do Gale, nɛ a sambala a, nɛ a ala nu hã a tũ do gba wese ni.

2 TIMOTE 1:3

'Da fala kɛ mi lengge do mɔ, nɛ mi hã iɔ̃nae hã Gale, kɛ mi dɛ toe hã a do dia linggamɔ, ɔ nɛ kɛ oyaa mi wa dɛa zɛ́ ni. Nɛ tũ do gba wese, mi sambala we mɔ fai.