1 TƐSALONIKƐ 2:8 - WE NU GALE 1995

⁸ Lɛ kɔ̃ zi gɛnɛ nɛ wena, ma kɛ lɛ bè zi hã nɛ tati a Dia Sakoe 'da Gale iko gɔ, nɛ nde lɛ kɔ̃a zi 'bɔ we ba tɛ lɛ vɛ hã nɛ, we kɛ nɛ ngɔ sila lɛ.

1 TƐSALONIKƐ 2:8 Iomraidhean Croise

LUKA 7:2

Nɛ nde mbe nwa ngɔ osoda Roma zi di ni, a do mbe wi dɛa to mɔ́ a, kɛ a kɔ̃ gɛnɛ a wena ni. Nɛ wi dɛa toe ni do zɛlɛ, nɛ a kɔla do fio.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

ROMA 10:1

Onyae, mɛ kɛ mi kɔ̃a do sila mi vɛ, nɛ mi aka Gale we nɛ, mɛ a kɛ na, a kpasa onya mi Oyudanɔ.

ROMA 15:29

Nɛ mi ĩ na, gɛnɛ mi nɛ sɛ 'da nɛ i ni, Kristo a wele sɛ nu a tɛ lɛ do nɛ wena.

2 KORINTƐ 12:15

Kɔ we mi, mi wia tɛ ɔ do yangga fala kɛ ma we na, mi 'dɔlɔ kpamɛnɔ 'da mi vɛ̃, nɛ mi 'dɔlɔ 'bɔ kili tɛ mi dɛ ngɔ nɛ we gala do kɔ̃a we 'da nɛ ni. Kɔ nɛ́ kɛ mi kɔ̃ gɛnɛ nɛ wena ni, nɛ gulu kɛ nɛ kɔ̃̀ gɛnɛ mi gɔ we ge nde?

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 4:19

Aa benɔ 'daa, tɛ mi zɛlɛ we nɛ ɔ nɛ wuko kɛ a do zɛlɛ kula ni. Nɛ tɛ mi ma zɛlɛ sɛ we nɛ ni fai gbaa na, nɛ ba tɛlɛ tɛ Kristo vɛ sɛ nɛ de.

FILIPƐ 1:8

Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

FILIPƐ 2:17

Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.

FILIPƐ 2:20

I nga gɛ, fo gele wele kɛ lɛ do a ngɔ linggamɔ kpo, nɛ a lengge nɛ ngboo lingga ni bina, wi tati a Timote iko.

FILIPƐ 4:1

We duzu ma, onyae ngɔ sila mi gɛ, mi do wɔ wena we zɔ nɛ. Mi dɛ yangga we duzu nɛ, nɛ mi dɔnggɔ tɛ mi do nɛ. Kɔ oyali ngba mi, mi aka nɛ na, nɛ yóló nganda we duzu Nwa kɛ nɛ mba do a ni.

KƆLƆSƐ 1:28

Ma kɛ, lɛ be we 'da Kristo hã winɔ vɛ̃. Lɛ tɔ̃ mbula, nɛ lɛ be we hã wa do wala hã zãnɔ vɛ̃ kɛ Gale hã ma hã lɛ ni, takɔ lɛ 'dafa winɔ kɛ wa mba kpo do Kristo ni na, kɔ̃a we 'da wa nganda.

KƆLƆSƐ 1:7

Wi bia zi we ni hã nɛ, wi a Epafrasi, yali ngba lɛ wi toe 'da Kristo, kɛ a ngɔ sila lɛ ni. A dɛ toe 'da Kristo sanga nɛ do wala do nɛ ngboo.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

FILEMƆ 1:1

Wi a mi Polo, wi bɔlɔkɔ we duzu Yezu Kristo, lɛ do nya lɛ Timote, lɛ kɔmɔ mbɛti gɛ hã mɔ Filemɔ, kɛ mɔ a yali ngba lɛ, nɛ mɔ 'bɔ a ngba lɛ wi dɛa toe 'da Kristo ni.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

1 YOANƐ 3:16

Yezu bia tɛlɛ tɛ kɛ wele wia we kɔ̃ do gɛnɛ ngba a ni hã lɛ: A hã tɛ̃ a, nɛ a fia we duzu lɛ. Kɔ ní, nɛ lɛ wia we hã tɛ mɛ 'bɔ tɛ lɛ we duzu ongba lɛ.