1 TƐSALONIKƐ 2:5 - WE NU GALE 1995

⁵ Nɛ ĩ na, lɛ bè zi wé do ɛfɛ̃ lɛnggɛ we tɛmbɛlɛ nɛ gɔ, nɛ lɛ fà zi 'bɔ we kpa mɔ kɔ̃ nɛ gɔ, nɛ Gale ĩ 'bɔ ma.

1 TƐSALONIKƐ 2:5 Iomraidhean Croise

YƆBƆ 16:19

We kɛ mi do wi tɔ̃ we ngɔ mi boe. Wi tɔ̃ we ngɔ mi a tɛ li nza i.

YƆBƆ 17:5

Wa ɔ nɛ wi kɛ wa tɔ̃ gba we 'da a, kɛ a sa mɔ hã ongba a we nyɔngɔ mɔ do a, nɛ obenɔ 'da a wa 'bɔ 'da kɛ 'da wa zãa ni.

GBA WENƆ 20:19

Wi kɛ a tɔ̃ tɛ wi ni, 'da kala kɛ a ba usu lɛnggɛ kɔ a tɔ̃ hã gele wele gɔ. Mɔ tɛ bà 'bia do wi kɛ a wele we wena ni gɔ.

GBA WENƆ 26:28

Mɔ tɔ̃ tɛ wele, nɛ nde mɔ sɛnɛ a. Mɔ 'bili bɛlɛ dɛ zu wele, nɛ ma Sɔkpɔ sɛ do 'dã nɛ.

GBA WENƆ 28:23

Mɔ poe ngba mɔ, nɛ a kɔ̃ sɛ gɛnɛ mɔ nɛ ngɔ kɛ a kɔ̃ do wi tɔ̃ ɛ̃fɛ̃ lɛnggɛ hã a ni.

Ezai 30:10

Wa tɔ̃ hã Owi gba olo nu mi na: “Nɛ tɛ àkà Gale we ĩ ti mɛnɔ a kɔ̃a ni gɔ. Nɛ tɛ tɔ̃̀ gbãlã we hã lɛ gɔ. Nɛ tɔ̃ we kɛ ma dia zala lɛ dia ni iko. Nɛ tɔ̃́ tati a linggamɔ zu nɛ hã lɛ,

Ezai 56:11

Nɛ wa ɔ 'bɔ nɛ otolo kɛ wa nyɔngɔ mɔ fai, nɛ nde zã wa hɛ̃́ gɔ ni. Onwanɔ ni, wa kpe dati owinɔ, nɛ nde wa ĩ̀ ti gɔnɔ sanga dia mɔ do 'dã mɔ gɔ. Wele kpo kpo ba li wala 'da ɛ, nɛ a dɛ nɛ́ kɛ ma ɛ̃fɛ̃ tɛ̃ a ni.

Yeremi 6:13

We duzu kɛ wele do wele, be tabi kpasa wi, a fa tati a kpasi 'da a zu a kpo. Nɛ owi gba olo nu mi, do onganganɔ, wa vɛ̃ a owi zũ iko.

Yeremi 8:10

Gulu nɛ a mi nwa, mi kala sɛ fɔnɔ 'da wa, do wukonɔ 'da wa, nɛ mi 'dɔlɔ wa hã ogele wele. We duzu kɛ wele do wele, be tabi kpasa nɛ, a fa tati a kpasi 'da a zu a kpo. Nɛ owi gba olo nu mi do onganganɔ, wa vɛ̃ a owi zũ iko.

Mike 3:5

NWA Gale dãlã we dɛ tɛ Owi gba olo nu a, kɛ wa tɔ̃ bɛlɛ do zu li a hã obe Israɛlɛ ni. A na: “Fala kɛ wele hã mbili hã nɛ, nɛ nɛ tɔ̃ hã a na, a kpa sɛ dia dungu. Kɔ fala kɛ a hã̀ mbili hã nɛ gɔ, nɛ nɛ tɔ̃ na, Owele wa bi sɛ a.

MALAKI 1:10

Ma wia sɔ na, mbe kɔ nɛ kpo nɛ, nɛ a kpe nu ngbo Tɛmpɛloe, dɔ nɛ lé 'bɔ i mɔ we dã we ngɔ gbagala, we dɔ do sa'de hã mi gɔ. Nɛ ĩ na, mi do yangga we zɔ nɛ bina, nɛ dɔnggamɛnɔ kɛ nɛ hã ma hã mi gɛ, ma dé tɛ mi gɔ. Mi NWA ngɔ mɔ nyanga nza vɛ̃, mi tɔ̃a ní.

MATIE 22:16

Nɛ wa tumba mbe winɔ 'da wa, do mbe winɔ 'da Herodɛ hã Yezu we aka a na: “Wi be mɔ, lɛ ĩ na, mɔ tɔ̃ gbãlã we fai, nɛ mɔ be tati a wala kɛ ma a bɔlɔ li Gale ni. Nɛ mɔ dɛ́ kili wele gɔ, nɛ mɔ sɔ́nzɔ́ do mɔ mɔ́ wele gɔ.

MATIE 23:13

“'Bako do nɛ, owi be mbulanɔ do Ofariziɛnɔ! Nɛ a Owi ɔlɔ wi! Nɛ kpia nu le nwa 'da Gale na, winɔ wa tɛ lè gɔ. Nɛ nɛ ngboo ni, nɛ kɔ̃̀ we le i mɔ gɔ, nɛ nɛ kele wala ti owinɔ kɛ wa kɔ̃a we le nɛ ni na, dɔ wa lé gɔ. [

Owi Nɛ Tonɔ 20:33

Mi 'bã̀ zi kpamɔ, tabi tulu mɔ́ wele gɔ.

ROMA 1:9

Gale kɛ mi dɛ toe hã a, tɛ be Dia Sakoe 'da Be 'da a do sila mi kpo ni, a ĩ na, we mi tɔ̃ ni, mɛ a ngbongbo we. A ĩ na, mi lengge do nɛ kɔ sambala 'da mi lingga fai.

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.

ROMA 9:1

We mi tɔ̃ ma hã nɛ gɛ, mɛ a gbãlã we, mi 'bílí bɛlɛ gɔ, we kɛ mi a wi 'da Kristo. Nɛ kɔ sila mi ngboo, kɛ Hi Wi Santo ɔ kɔ nɛ ni, ma ĩ 'bɔ na, mi tɔ̃ gbãlã we. Gbãlã we ni, mɛ a kɛ na:

2 KORINTƐ 12:17

Owinɔ kɛ mi tombo zi wa hã nɛ ni, wa ɔla zi mbe nɛ, nɛ wa kala mɛnɔ 'da nɛ we si do ma hã mi nde?

2 KORINTƐ 2:17

Lɛ ɔ́ nɛ ombe winɔ kɛ wa be gole Dia Sakoe, we nyɔngɔ mbili olo nɛ ni gɔ. Nɛ nde wi a Gale a tumba lɛ, nɛ lɛ mba kpo do Kristo, nɛ lɛ be we 'da Gale dɛ dati a do sila lɛ kpo.

2 KORINTƐ 4:2

Lɛ bɛa gɛnɛ mɛnɔ kɛ ma dɛ tɛ ɛ do usu nɛ, nɛ ma hã sape ni. Lɛ kɔ̃̀ we dɛ mɔ tɛ lɛ do 'dã hã gɔ, nɛ lɛ 'dángá we nu Gale gɔ. Nɛ nde lɛ be gbãlã we 'da Gale dɛ wila fala, takɔ winɔ wa kɔ̃ gɛnɛ lɛ li Gale.

2 KORINTƐ 7:2

Nɛ hṹi sila nɛ hã lɛ! Lɛ dɛ̀ 'dã mɔ do wele kpo sanga nɛ ni gɔ, lɛ zɛ̀lɛ̀ mbe sila wele kpo gɔ, lɛ ɔ̀lɔ̀ mbe wele sanga nɛ ni we kpa mɔ kɔ̃ a gɔ.

GALATI 1:20

We mi kɔmɔ hã nɛ gɛ, mɛ a ngbongbo we. Gale ĩ na, mi 'bílí bɛlɛ gɔ.

1 TƐSALONIKƐ 2:10

Nɛ nɛ zɔa tɛlɛ tɛ kɛ lɛ dungu zi sanga nɛ wi kɔ̃a wenɔ ni, nɛ Gale zɔa 'bɔ ma. Lɛ dɛ̀ mbe 'dã mɔ li Gale gɔ, nɛ dɛa to tɛ lɛ zi a bɔlɔ fai, fo zi mɔ kɔ'dɔ lɛ we nɛ ni bina.

1 TIMOTE 3:3

A tɛ ha tɛ a we dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ. Nɛ nde a ɔ́ wi gɛ̃a sila, do wi dɛ na, nɛ wɔ mbili tɛ gà li sila a gɔ.

1 TIMOTE 3:8

Ma wia na, owi 'dafa to kɔ eklezia, wa dĩlĩ tɛ mɛ 'bɔ fala tɛ wa, nɛ lɛfɛ wa tɛ sàsàlà bɔa gɔ. Wa tɛ ha tɛ wa we dɔ̃ gɔ, nɛ wa tɛ fà mbili do 'dã wala gɔ.

TITO 1:7

Mba gɔ, wi zɔ mɔ tɛ eklezia a wi dɛa toe 'da Gale, nɛ ma wè na, a dɛ mɔ kɛ wa sa kɔ'da tɛ̃ a we nɛ ni gɔ. A tɛ ɔ̀ wi dɛ gã zu tabi wi nɔ̃lɔ̃ zã gɔ. Nɛ a tɛ ò wi bá dɔ̃ tabi wi kpa we gɔ. A tɛ fà we kpa mbili do 'dã hã gɔ.

1 PETRO 5:2

nɛ zɔ́ mɔ tɛ winɔ 'da Gale kɛ a a wa dɛ kɔ̃ nɛ ni, ɔ nɛ kɛ Owi zɔ mɔ tɛ bata, wa zɔ do mɔ tɛ batanɔ 'da wa ni. Nɛ tɛ zɔ̀ mɔ tɛ wa, ɔ nɛ kɛ Owele wa ngbɔkɔ nɛ ngbɔka ni gɔ, nɛ nde nɛ zɔ́ mɔ tɛ wa do yangga, nɛ́ kɛ Gale kɔ̃a ni. Nɛ tɛ dɛ̀ toe ni we wɔ tɛ mbili gɔ, nɛ nde nɛ bá tɛ nɛ we nɛ do sila nɛ vɛ̃.

2 PETRO 2:18

Wa tɔ̃ oyia lɛnggɛ we dɔnggɔ tɛ wa hã winɔ. Nɛ wa yamba we ɔlɔ winɔ kɛ wa hɔa nza kɔ Owi dɛ 'dã mɛnɔ, nɛ wa kifi sila wa 'da kala gɔ ni, nɛ wa fa na, winɔ ni wa dɛ 'dã mɛnɔ kɛ wɔ zã wa tombo wa we nɛ ni.

2 PETRO 2:3

Owi 'bili bɛlɛnɔ ni, wa sɛ do wɔ mbili wena, nɛ wa ɔkɔlɔ sɛ nɛ do bɛlɛnɔ 'da wa we kpa mɔ kɔ̃ nɛ. Nɛ nde Gale 'bili zi we 'da wa belee ia, nɛ etumbu 'bɔ 'da wa 'bɔa iko.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.