1 TƐSALONIKƐ 2:4 - WE NU GALE 1995

⁴ Nɛ nde lɛ tɔ̃ zi fai nɛ́ kɛ Gale kɔ̃a na lɛ tɔ̃ ni. We kɛ Gale yamba zi sila lɛ dati, nɛ a zɔa na lɛ wia li a, ma kɛ a ia Dia Sakoe dɛ kɔ̃ lɛ na, lɛ be ma ni. Lɛ fá we hã yangga hã Owele gɔ, nɛ nde lɛ fa we hã ma hã Gale kɛ a ĩ ti linggamɔ kɔ sila lɛ ni.

1 TƐSALONIKƐ 2:4 Iomraidhean Croise

1 Onwanɔ 8:39

nɛ ma wia na mɔ nwa, kɛ mɔ dungu li nza i ni, mɔ zele wa, nɛ mɔ fo ku'da 'dã mɛ ni zu wa. Nɛ mɔ gala wele do wele do tɛlɛ tɛ dɛa to tɛ̃ a, do 'da kɛ mɔ ĩ ti kɔ sila a ni. Mba gɔ, mɔ zu mɔ kpo, mɔ ĩ ti kɔ sila winɔ vɛ̃.

2 Onwanɔ 16:16

Nɛ nganga Uria dɛa mɛnɔ vɛ̃ kɛ nwa Ahazɛ ba nu a hã a na, a dɛ ni.

1 Sakonɔ 29:17

“Aa Gale 'daa, mi ĩ na, mɔ ĩ ti linggamɔ zã Owele kɛ ma usu tɛ̃ ɛ usu ni, nɛ mɔ kɔ̃a gɛnɛ bɔlɔ zu dɛa mɔ. Kɔ mi hã okpamɛnɔ 'da mi gɛ hã mɔ do dia sila. Sɔɛ gɛ, mi zɔa owinɔ 'da mɔ, wa mba li ngba wa do yangga we hã mɔ hã mɔ.

Zumanɔ 139:23

Aa Gale, mɔ sókó go'do zã mi, takɔ mɔ ĩ ti mi do dia nɛ ngboo. Mɔ yámbá sila mi, takɔ mɔ ĩ ti linggamɔ zu mi.

Zumanɔ 17:3

Mɔ ĩ ti kɔ sila mi. Mɔ tɛa 'da mi do tũ, nɛ mɔ yamba sila mi, nɛ nde mɔ kpà mi do 'dã mɔ gɔ. Nɛ mi tɔ̃̀ mbe 'dã we kpo,

Zumanɔ 44:21

Ɔ do kɛ lɛ bɛ̃ sɔ gɛnɛ mɔ, Gale 'da lɛ, kɔ lɛ sambala sɔ ogele gale,

Zumanɔ 7:9

NWA, mɔ a mɔ 'bili we 'da owinɔ, mɔ gbɛ́ dia we hã mi, we kɛ mi dɛ̃ 'dã mɔ gɔ.

GBA WENƆ 17:3

Wa yamba mɔ mbali, do fɛ̃a mɔ bolo li we we ĩ ti dia nɛ. Nɛ nde wi yamba sila wele, wi a NWA Gale.

Yeremi 17:10

Nɛ nde mi NWA, mi zɔ kɔ sila winɔ zɔa, nɛ mi ĩ ti linggamɛnɔ 'da wa. Mi ĩ ti dungu 'da winɔ vɛ̃, nɛ mi si olo dɛa mɔ tɛ wele do wele hã a.”

Yeremi 32:19

Mɔ do osaka linggamɔ wena, nɛ mɔ e ma fala dɛa to do kɔ̃a zã 'da mɔ. Mɔ soko mɛnɔ owinɔ wa dɛ ni do sɔ̃a li; nɛ mɔ si olo dɛa mɔ tɛ wele do wele hã a.

Tɔlɔ Mɔ 27:16

“Aa NWA Gale, kpasi 'da winɔ vɛ̃ ngɔ nù gɛ dɛ kɔ̃ mɔ. Kɔ ma wia na, mɔ saka mbé wele olo mi, we kpe ti obe Israɛlɛ.

LUKA 12:42

Nɛ Nwa Yezu gese hã a na: “Wi dɛa toe kɛ li a sɔ̃ wena, nɛ a dɛ olo nu wele a, nɛ wele a wia we e a na, a zɔ mɔ tɛ tɔa 'da ɛ, nɛ a kɛ̃ pɔsɔ hã ongba a wi dɛa tonɔ do 'da fala ma wia ni a wio nde?

LUKA 16:11

Kɔ fala kɛ nɛ dɛ̀ mbe gbãlã we mɔ do kpamɔ zũi 'da nɛ ngɔ nù gɛ gɔ, nɛ wi nɛ hã sɛ ngbongbo kpamɔ hã nɛ a wio nde?

YOANƐ 21:17

Nɛ 'do nɛ, nɛ a aka 'bɔ fala talɛ kɛ na: “Simɔ, be 'da Yoanɛ, mɔ kɔ̃a gɛnɛ mi nde?” Nɛ 'bako ba li Petro wena, we kɛ Yezu aka a fala talɛ na: “Mɔ kɔ̃a gɛnɛ mi nde” ni. Nɛ Petro gese hã a na: “Nwa, mɔ ĩ ti mɛnɔ vɛ̃, mɔ ĩ na, mi kɔ̃a gɛnɛ mɔ.” Nɛ Yezu tɔ̃ hã a na: “Mɔ fɔ́mɔ́ winɔ 'da mi.

ROMA 8:27

Nɛ Gale kɛ a ĩ ti linggamɔ zã wele vɛ ni, a ĩ ti mɛ kɛ Hi Wi kɔ̃a we aka a we nɛ ni. Mba gɔ, Hi Wi aka Gale we duzu Owi kɔ̃a wenɔ ɔ nɛ kɛ zã Gale kɔ̃a ni.

1 KORINTƐ 7:25

Nwa hã̀ mbula hã mi we tɔ̃ hã oanggalanɔ gɔ. Kɔ mi kɔ̃a we tɔ̃ linggamɛ 'da mi ngɔ wa hã nɛ. Nɛ nɛ wia we gbini zã nɛ do ma, we kɛ Gale wila nu a tɛ mi wila.

1 KORINTƐ 9:17

Kɔ ɔ do kɛ mi saka zi toe gɛ do tɛ mi, nɛ ma wia sɔ na wa futa mi do nɛ. Nɛ nde mi a mi sàkà ma gɔ, mɛ a toe kɛ Nwa hã hã mi, nɛ ma gɔa na mi dɛ ma iko.

2 KORINTƐ 2:17

Lɛ ɔ́ nɛ ombe winɔ kɛ wa be gole Dia Sakoe, we nyɔngɔ mbili olo nɛ ni gɔ. Nɛ nde wi a Gale a tumba lɛ, nɛ lɛ mba kpo do Kristo, nɛ lɛ be we 'da Gale dɛ dati a do sila lɛ kpo.

2 KORINTƐ 4:2

Lɛ bɛa gɛnɛ mɛnɔ kɛ ma dɛ tɛ ɛ do usu nɛ, nɛ ma hã sape ni. Lɛ kɔ̃̀ we dɛ mɔ tɛ lɛ do 'dã hã gɔ, nɛ lɛ 'dángá we nu Gale gɔ. Nɛ nde lɛ be gbãlã we 'da Gale dɛ wila fala, takɔ winɔ wa kɔ̃ gɛnɛ lɛ li Gale.

2 KORINTƐ 5:11

Lɛ ĩ na, ma wia na wele dɛ kili Nwa, ma a lɛ dɛ nganda wena we be gbãlã we 'da a hã winɔ. Gale ĩ ti we kɔ̃ zã lɛ vɛ, nɛ mi lengge na, nɛ tɛ mɛ 'bɔ, nɛ ĩ ti lɛ do kɔ sila nɛ de wena.

2 KORINTƐ 5:16

We duzu ma, ngangga gɛ, lɛ zɔ́ a kili tɛ wele iko gɔ. Gɛnɛ kɔ lɛ zɔ zi Kristo dati ɔ nɛ wele ni, nɛ nde dɔ̃ ni, lɛ zɔ́ 'bɔ a na mɛ ni gɔ.

GALATI 1:10

Nɛ lengge na, mi kɔma mbɛti gɛ hã nɛ ní, takɔ mi de li winɔ nde? Gɔ! Mi fa we de li Gale. Mi fa na, Owele wa dɔnggɔ mi nde? Ɔ do kɛ mi fa sɔ na Owele wa dɔnggɔ mi, nɛ nde mi sɔ 'bɔ a wi dɛ toe 'da Kristo gɔ.

GALATI 2:7

Wa zɔa na, Gale hã to be Dia Sakoe hã ogele winɔ hã mi, ɔ nɛ kɛ a hã to be Dia Sakoe hã Oyudanɔ hã Petro ni.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

EFƐZƐ 6:6

Nɛ tɛ zèlè nu wa do ngɔ li wa iko, we de li wa gɔ, nɛ nde nɛ dɛ́ toe 'da nɛ do sila nɛ vɛ́, ɔ nɛ kɛ zã Gale kɔ̃a ni, we kɛ nɛ a ngbá 'da Kristo.

KƆLƆSƐ 3:22

Nɛ, ongbánɔ, nɛ zélé nu owele nɛ ngɔ nù gɛ kɔ mɛnɔ vɛ̃. Nɛ tɛ zèlè nu wa do ngɔ li wa iko, we de li wa gɔ, nɛ nde nɛ zélé nu wa do dia sila vɛ̃, we kɛ nɛ dɛ kili Nwa Yezu.

1 TIMOTE 6:20

Aa Timote, mɔ fɔ́mɔ́ wenɔ kɛ wa ia dɛ tambala kɔ̃ mɔ ni do dia nɛ. Mɔ yú lɛnggɛnɔ kɛ li zuma nɛ bina, nɛ ma 'danga kɔ̃a we 'da winɔ 'danga ni. Nɛ mɔ bɛ̃́ gɛnɛ oaka wenɔ 'da owinɔ kɛ wa ba tɛ wa nɛ́ owi hã zãnɔ ni do'do.

2 TIMOTE 1:14

Mɔ fɔ́mɔ́ gbãlã wenɔ 'da Gale kɛ mi a zi dɛ kɔ̃ mɔ, do wala 'da Hi Wi Santo kɛ a ɔ kɔ sila lɛ ni.

2 TIMOTE 2:2

Nɛ wenɔ kɛ mi bia zi ma dɛ li ogba gili winɔ vɛ̃, nɛ mɔ zila ni, mɔ bé tɛ mɛ 'bɔ ma hã owinɔ kɛ mɔ ĩ na, wa a ogbãlã wele, nɛ wa wia tɛ be tɛ mɛ 'bɔ ma hã ogele wele ni.

TITO 1:3

nɛ ma hɔa ngba soe kɛ a wia zi ni, nɛ a bia we nu a dɛ nza, nɛ a tumba mi na, mi tɔ̃ ma hã owinɔ. Wi a Gale, Wi kpasa lɛ hã a hã toe ni hã mi.

OHEBRE 4:13

Mɔ kɛ ma usu tɛ ɛ li Gale ni bina. Mɛnɔ vɛ́ kɛ Gale dɛa ma ni, ma ɔ li a dɛ tɛ wila fala iko. A a wi kɛ lɛ tɔ̃ sɛ gulu mɛnɔ vɛ lɛ dɛa ni hã a.

1 PETRO 4:11

Wi kɛ a a wi be mɔ, nɛ ma wia na, a be we nu Gale. Wi kɛ a a wi gala Owele, nɛ ma wia na, a dɛ ma do ngawi kɛ Gale hã ma hã a ni. Nɛ dɛ́ ni, takɔ dɛa mɔ tɛ nɛ vɛ, ma hã dɔ̃lɔ̃ li hã Gale we duzu Yezu Kristo, kɛ a do dɔ̃lɔ̃ li do ngawi kɛ ndɔti nɛ bina ni! Amɛ.

USU MƐNƆ 2:23

Dɛ ngɔ nɛ, mi gbɛ sɛ 'bɔ owinɔ wa nɛ 'dɔkɔlɔ a ni. Na mɛ ni, nɛ eklezianɔ vɛ̃ wa ĩ sɛ na, mi a wi kɛ mi zɔ kɔ sila wele, nɛ mi ĩ ti linggamɔ zu a. Nɛ mi gese sɛ do dɛa toe 'da wele do wele hã a, nɛ ma we do toe a dɛa ni.