1 TƐSALONIKƐ 2:3 - WE NU GALE 1995

³ Mba gɔ, lɛ bè zi wenɔ hã nɛ do bɛlɛ, tabi do gele linggamɔ gɔ. Nɛ lɛ fà zi 'bɔ we ɔlɔ wele gɔ.

1 TƐSALONIKƐ 2:3 Iomraidhean Croise

Tɔlɔ Mɔ 16:15

Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

Owi Nɛ Tonɔ 13:15

Nɛ Owele wa tɔlɔ kɔ 'buku mbula, do 'buki 'da Owi gba olo nu Gale. 'Do nɛ, nɛ onwa ngɔ tɔa mbula wa tombo wele hã Polo do Silasi na: “Onyae, fala kɛ nɛ ɔ do lɛnggɛ kpã sila nu nɛ we tɔ̃ hã winɔ gɛ nde, nɛ nɛ tɔ̃́.”

Owi Nɛ Tonɔ 4:36

Mbe wi kɛ a dɛa ní ni, wi a Yozɛfu kɛ wi nɛ tonɔ wa sa zi 'bɔ li a na Barnabasi (gulu nɛ na: “Wi hã kpã sila.”) A zi a wi nu fɛlɛ Levi, nɛ wa kua a ngɔ nù Siprɛ.

2 KORINTƐ 11:13

Owinɔ ni, wa a ongbongbo wi nɛ tonɔ 'da Kristo gɔ, wa dɛ toe 'da wa do bɛlɛ, nɛ wa be tɛ wa na, lo a ngbongbo wi nɛ tonɔ 'da Kristo.

2 KORINTƐ 2:17

Lɛ ɔ́ nɛ ombe winɔ kɛ wa be gole Dia Sakoe, we nyɔngɔ mbili olo nɛ ni gɔ. Nɛ nde wi a Gale a tumba lɛ, nɛ lɛ mba kpo do Kristo, nɛ lɛ be we 'da Gale dɛ dati a do sila lɛ kpo.

2 KORINTƐ 4:2

Lɛ bɛa gɛnɛ mɛnɔ kɛ ma dɛ tɛ ɛ do usu nɛ, nɛ ma hã sape ni. Lɛ kɔ̃̀ we dɛ mɔ tɛ lɛ do 'dã hã gɔ, nɛ lɛ 'dángá we nu Gale gɔ. Nɛ nde lɛ be gbãlã we 'da Gale dɛ wila fala, takɔ winɔ wa kɔ̃ gɛnɛ lɛ li Gale.

2 KORINTƐ 4:5

Lɛ bé a we 'da lɛ wele nɛ gɔ, nɛ nde lɛ be we 'da Yezu Kristo na, a a Nwa. Nɛ lɛ, lɛ hɔa Owi dɛa tonɔ 'da nɛ, we duzu Kristo.

2 KORINTƐ 6:8

Ombe winɔ wa mɔmɔ lɛ, nɛ ombe wa dɔnggɔ lɛ. Owele wa 'danga zu li lɛ, nɛ ombe wa tɔ̃ dia zu li lɛ. Wa zɔ lɛ ɔ nɛ owi 'bili bɛlɛ ni, nɛ nde lɛ tɔ̃ gbãlã we.

2 KORINTƐ 7:2

Nɛ hṹi sila nɛ hã lɛ! Lɛ dɛ̀ 'dã mɔ do wele kpo sanga nɛ ni gɔ, lɛ zɛ̀lɛ̀ mbe sila wele kpo gɔ, lɛ ɔ̀lɔ̀ mbe wele sanga nɛ ni we kpa mɔ kɔ̃ a gɔ.

1 TƐSALONIKƐ 2:11

Nɛ ĩ na, lɛ dɛ zi do wele kpo kpo sanga nɛ ni, ɔ nɛ kɛ baa be dɛ do benɔ 'da a ni.

1 TƐSALONIKƐ 4:7

Gale sà zi mɔ hã lɛ we dɛ mɔ sape gɔ, nɛ nde a sa mɔ hã lɛ na, lɛ ɔ owinɔ 'da a ngboo.

2 TƐSALONIKƐ 2:11

Ma kɛ Gale 'danga hã zã 'da wa vɛ na, wa kɔ̃ tati a gɛnɛ bɛlɛ iko.

2 PETRO 1:16

Zi dati, fala kɛ lɛ tɔ̃a zi we Nwa 'da lɛ Yezu Kristo hã nɛ na, a tɛ sɛ do ngawi 'da a ni, lɛ tɔ̃̀ zi a gba to kɛ ma yolo kɔ hã zã mɔ́ wele ni gɔ, nɛ nde lɛ zɔa zi dɔ̃lɔ̃ li 'da a do gbali lɛ ngboo.

1 SAMUƐLƐ 12:3

Ma kɛ mi yolo dati nɛ, nɛ mi aka nɛ na, nɛ tɔ̃ 'dã we tɛ mi dɛ li NWA Gale, do li nwa wele kɛ a saka a ni. Mi zũ mbe ngɔmbɔ tabi punda mɔ́ wele nde? Mi nyɔngɔ mbe mɔ kɔ̃ wele do mbana nde? Mi 'bili ngbangga mɔ́ wele do 'dã nɛ nde? Wele hã mbe mɔ hã mi na, mi umu li mi dɛ ngɔ 'dã mɛ 'da a nde? Fala kɛ mi dɛ mɔ ɔ ni, nɛ mi gese sɛ olo nɛ hã nɛ.”