1 TƐSALONIKƐ 2:16 - WE NU GALE 1995

¹⁶ Wa fa zi we kpe wala ti lɛ na, lɛ tɛ bè Dia Sakoe kɛ ma hã kpasi ni hã ogele winɔ gɔ. Nɛ we duzu ki ni, 'dã mɛnɔ 'da wa gã dɛ dati gã fai. Kɔ nɔ̃lɔ̃ zã 'da Gale tia ngɔ wa ia.

1 TƐSALONIKƐ 2:16 Iomraidhean Croise

Ndo Nyanga Dɛ Mɔ 15:16

Nɛ nde obe zã mɔ, wa ɔ sɛ i mɔ gbaa, hã wa kala okanggadɔkɔ wa, sɛ nɛ wa ĩ ti kpolo tɛ wa dɛ i nga de. We duzu kɛ 'dã mɛ 'da Oamori ma tɛ gã̀ wena do kɛ na, mi ndaka wa ngɔ nùi 'da wa gɔ.”

Ezai 45:22

“Nɛ, owinɔ tɛ ndɔti nùi 'di ni, nɛ síkí li nɛ dɛ 'da mi, nɛ nɛ kpasa sɛ. Mba gɔ, Gale wi a mi zu mi kpo. Fo gele gale olo mi bina.

DANIƐLƐ 8:23

“ ‘'Da fala dɛa to nwa 'da owinɔ ni ma kɔlɔ sɛ do Sɔkpɔ nɛ ni, nɛ o'dã winɔ wa dɛ sɛ Sɔkpɔ tala 'dã mɔ. Nɛ mbe wi 'dã sila ngboo, kɛ a ɔkɔlɔ wele wena ni, a hɔ sɛ nwa.

MATIE 12:45

Kɔ a nɛ zɔ ní, nɛ a la we kpa 'bɔ mbé o'dã hi wi zu wa sambo, kɛ wa 'danga nɛa ngɔ a wena ni, nɛ a si do wa dɛ kɔ tɔa ni. Nɛ dungi 'da wi ni 'danga nɛ ngɔ kɛ a zi do ma dati ni. Kɔ ma ɔ sɛ 'bɔ na mɛ ni, we o'dã winɔ kikina gɛ.”

MATIE 23:32

Kɔ nɛ nɛ́, hã nɛ dɛ tala toe kɛ oyaa nɛ wa ndua zɛ́ ni, kɔ ma sɔkpɔ.

MATIE 24:14

Nɛ nde dati, wa be sɛ Dia Sakoe gɛ ngɔ dɛa to nwa 'da Gale ngɔ nù gɛ vɛ̃, takɔ onu kpala winɔ vɛ̃ wa zele ma do'do, sɛ nɛ nùi 'danga de.

MATIE 24:6

Kɔ fala kɛ nɛ ma sɛ ngɔ zele sako bolonɔ kɛ winɔ wa tɛ bi nɛ, do kɛnɔ wa tɛ 'dafa we bi nɛ ni, nɛ nde nɛ tɛ dɛ̀ kili gɔ, we kɛ ma wia na, mɛnɔ ni ma dɛ tɛ̃ ɛ. Kɔ gɛnɛ kɔ ma dɛ tɛ̃ ɛ, nɛ nde mɛ sɛ a ndɔti nùi a ni gɔ.

MATIE 3:12

A ba mɔ pɛpɛ do mɔ dɛ kɔ̃ a we pɛpɛ do tɛ gbãlã mɛ. A a sɛ dia gbãlã mɛ kɔ yangga 'da a, nɛ a a kɔa kɛ li we kɛ ma bí gɔ ni.”

MARKO 16:16

Kɔ wele kɛ a kɔ̃, kɔ nɛ batisa a, nɛ Gale a kpasa sɛ a. Nɛ nde wele kɛ a kɔ̃̀ gɔ, nɛ a te sɛ li ngbangga 'da Gale.

Owi Nɛ Tonɔ 13:45

Kɔ ombe Yudanɔ wa zɔa gba gili winɔ ni, nɛ wa dɛa sɛnɛmɔ, nɛ wa 'danga wenɔ kɛ Polo be hã winɔ ni, nɛ wa dã a.

Owi Nɛ Tonɔ 13:50

Nɛ nde Oyudanɔ wa tɔndɔ go'do wukonɔ kɛ wa a gã wi, nɛ wa dɔnggɔ Gale dɔngga ni, mba do ogã winɔ kɔ le ni, takɔ wa zɛlɛ tɛ Polo do Barnabasi. Nɛ winɔ ni wa ndaka wa tɛ ngɔ nùi 'da wa do'do.

Owi Nɛ Tonɔ 14:19

Nɛ ombe Oyudanɔ kɛ wa yula Antiɔsɛ tɛ ngɔ nù Pisidi, do tɛ Ikoniumɛ i ni, wa sɔ̃ɛ winɔ dɛ tɛ Polo do Barnabasi. Nɛ wa lua Polo do ta, nɛ wa gbɔtɔ a do nù, nɛ wa e a tɛ 'do ngba le i, we kɛ wa lengge na, a fia ia.

Owi Nɛ Tonɔ 14:2

Nɛ Oyudanɔ kɛ wa kɔ̃̀ zi gɔ ni, wa tɔndɔ go'do ogele winɔ na, wa dɛ owi Kristonɔ 'danga.

Owi Nɛ Tonɔ 14:5

Nɛ Oyudanɔ ni, do ombe gele winɔ, do Onwanɔ 'da wa, wa fa zi we zɛlɛ tɛ Polo do Barnabasi, nɛ wa kɔ̃a we lo wa do ta, kɔ wa fe.

Owi Nɛ Tonɔ 17:13

Kɔ Oyudanɔ tɛ Tɛsalonikɛ i wa nɛa we zele na, Polo tɛ be we nu Gale tɛ Bere ni, nɛ wa yolo i mɔ, nɛ wa tɛ, nɛ wa 'danga zu winɔ, tɛ mu wa.

Owi Nɛ Tonɔ 19:9

Nɛ ombe nɛ wa dɛa nga zu, nɛ wa bɛ̃ we nu Polo ni. Nɛ wa tɛ 'danga gulu we 'da Nwa Yezu dɛ li gili winɔ. Nɛ Polo la wa dɛ di ni, nɛ a kala wi kɔ̃a wenɔ dɛ tɛ̃ a, nɛ tũ kpo kpo, a zi tɛ be we hã wa tɛ kɔ tɔa kɛ Tiranusi be zi do mɛnɔ 'da a ni.

Owi Nɛ Tonɔ 21:21

Nɛ wa zila na, mɔ be hã Oyudanɔ kɛ wa ɔ kɔ gele lenɔ ni na, wa lá fala dɛ mbula 'da Mɔizɛ do'do. Nɛ mɔ 'bɔ na, wa tɛ gɔ̀nɔ̀ benɔ 'da wa gɔ, nɛ wa tɛ dɛ̀ mɔ olo yaa wa gɔ.

Owi Nɛ Tonɔ 23:12

Kɔ fala nɛa we sa nɛ, nɛ ombe Yudanɔ wa ba zã zu gbɛ Polo. Nɛ wa kana tɛ wa na, lo nyɔ́ngɔ́ sɛ mɔ gɔ, nɛ lo nɔ́ sɛ lì gɔ gbaa na, lo gbɛ Polo do'do sɛ nɛ de.

Owi Nɛ Tonɔ 24:9

Nɛ Oyudanɔ di ni ni, wa yula 'do we ni, nɛ wa tɔ̃ na, ma ngboo hã ni.

Owi Nɛ Tonɔ 25:2

A hɔa i mɔ, nɛ onwa nganganɔ do onwa Yudanɔ, wa tɛ dati a, nɛ wa da Polo. Nɛ wa aka Fɛstusi na,

Owi Nɛ Tonɔ 25:7

Kɔ Polo hɔa, nɛ Oyudanɔ kɛ wa yula Yeruzalɛmɛ i ni, wa ngbolo dɛ kɛ zã a, nɛ wa ma ngɔ kala owe dɛ ngɔ a kpi do kpi. Nɛ nde fo zi mɔ kɛ ma be na, wenɔ ni a gbãlã we ni bina.

Owi Nɛ Tonɔ 4:12

Nɛ ĩ́ na, ngɔ nù gɛ vɛ̃, Gale kpásá wele do wala 'da mbé gele wele gɔ. A kpasa wa tati a do wala 'da Yezu zu a kpo.”

Owi Nɛ Tonɔ 9:23

Nɛ ma là 'do nɛ tũ dɛlɛ gɔ, nɛ Oyudanɔ wa mba ngba wa, nɛ wa 'bili na, lo gbɛ Saulo. Nɛ tũ do gba wese, wa tɛ 'bɔ 'da a tɛ nu ngba le, takɔ wa ba a, hã wa gbɛ a. Nɛ ombe wele wa tɔ̃a we nɛ hã a.

1 KORINTƐ 10:33

Nɛ ibã́ olo kɔ̃ mi! Mi dɛ nganda wena na, mɛnɔ vɛ mi dɛ ma ni, ma hã yangga hã winɔ vɛ. Mi fá dia mɔ we mi wele nɛ gɔ, nɛ nde mi fa ma we winɔ vɛ, takɔ wa kpasa.

GALATI 5:11

Onyae, nɛ zɔ́ kɛ 'da mi! Fala kɛ mi 'bana sɔ 'bɔ tɛ be na, owi Kristo wa nɛ́ gaza, nɛ gulu kɛ owele wa zɛlɛ 'bɔ tɛ mi we ge nde? Mi 'bana sɔ tɛ be we na mɛ ni, nɛ nde sako fie 'da Yezu ngɔ finda te, ma sɔ 'bɔ a zugbulu te we kɔ do nyanga wi gɔ.

EFƐZƐ 3:13

We duzu ki ni, mi aka nɛ na, nɛ tɛ zɔ̀ zɛlɛ tɛnɔ kɛ mi kpa we duzu nɛ ni, kɔ nɛ mbɔkɔ gɔ. Zɛlɛ tɛnɔ ni ma hã dia mɔ hã nɛ, nɛ nɛ dɔnggɔ tɛ nɛ do ma.

EFƐZƐ 3:8

Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

2 TƐSALONIKƐ 2:10

Nɛ o'dã mɛnɔ a dɛ ma ni, ma ɔlɔ sɛ owinɔ kɛ wa ngɔ wala fio ni. Owinɔ ni wa ngɔ wala fio, we kɛ wa bɛa gɛnɛ gbãlã we 'da Gale kɛ ma wia sɔ we kpasa wa ni.

1 TIMOTE 2:4

kɛ a kɔ̃a na winɔ vɛ wa kpasa, nɛ wa ĩ ti gbãlã we 'da a ni.

OHEBRE 6:8

Kɔ fala kɛ nùi ni ko tati a otɛ̃, do owɔkɔsɔ iko, nɛ nde mɛ a 'dã nù. Nɛ ngba soe kɛ Gale nɛ fɔmbɔ do ma ni kɔla ia, wa fi sɛ we tɛ nɛ, nɛ ma bɛlɛ vɛ̃.

USU MƐNƆ 22:11

Nɛ é wi dɛ 'dã mɔ, hã a 'bana tɛ dɛ 'dã mɛnɔ 'da a. Nɛ wi ndi 'báná tɛ ɔ wi ndi. Nɛ wi bɔlɔ zu 'báná tɛ dɛ bɔlɔ zu dɛa mɔ. Nɛ wele kɛ a a wi 'da Gale ni, a 'báná wi 'da Gale fai.”