1 TƐSALONIKƐ 2:12 - WE NU GALE 1995

¹² Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

1 TƐSALONIKƐ 2:12 Iomraidhean Croise

Ndo Nyanga Dɛ Mɔ 5:22

'Do kula 'da Matuzalɛmɛ, nɛ Henɔkɛ ɔa sabɛlɛ kama talɛ, nɛ a zi fala nɛ kpo do Gale, nɛ a ko 'bɔ mbé obulu be do oboko be.

2 Sakonɔ 17:4

Nɛ nde a hã tɛ̃ a vɛ̃ we ĩ ti Gale 'da oyaa a, nɛ a gbìnì mbulanɔ 'da Gale ɔ nɛ kɛ onwa ngɔ Israɛlɛ wa dɛ ni gɔ.

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

ROMA 8:30

Nɛ winɔ kɛ Gale saka zɛ́ wa ni, a sa zi 'bɔ mɔ hã wa na, wa hɔ owinɔ 'da a. Nɛ owinɔ kɛ a sa mɔ hã wa ni, a dɛ na, wa hɔ Owi bɔlɔ zu fi a, nɛ owinɔ kɛ a dɛa na, wa hɔ wi bɔlɔ zu ni, a hã 'bɔ dɔ̃lɔ̃ fi hã wa.

1 KORINTƐ 1:9

Gale, kɛ a dɛ olo nu a fai ni, a sa zi mɔ hã nɛ, nɛ a mba li nɛ do Be 'da a Yezu Kristo, Nwa 'da lɛ, nɛ nɛ hɔa wele kpo.

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

GALATI 5:16

We mi kɔ̃a we tɔ̃ hã nɛ gɛ, ma kɛ: Nɛ 'dáfá dungi 'da nɛ do wala kɛ Hi Wi Santo be ma hã nɛ ni. Nɛ dɛ ní, nɛ nde nɛ dɛ́ sɛ mɛnɔ kɛ wɔ kɔ kili tɛ nɛ tombo nɛ we dɛ ma ni gɔ.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

EFƐZƐ 5:8

Mba gɔ, nɛ zi a kɔ gba tũ, kɔ ngangga ni, nɛ mba kpo do Nwa, nɛ nɛ hɔa kɔ sa fala. We duzu ma, nɛ dɛ́ mɔ tɛ nɛ ɔ nɛ kɛ 'da owinɔ wa kɔ sa fala ni.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 2:6

Ɔ nɛ kɛ nɛ kɔ̃a gɛnɛ Nwa Yezu Kristo ia ni, nɛ mba do a kpo kɔ dungi 'da nɛ.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 4:12

Nɛ dɛ ní, nɛ owinɔ kɛ wa ĩ̀ ti Gale gɔ ni, wa dɔnggɔ sɛ nɛ, nɛ nɛ sɛ a dĩ tole we wele gɔ.

1 TƐSALONIKƐ 5:24

Wi kɛ a sa mɔ hã nɛ ni, a dɛ sɛ olo nu a, we kɛ a lá fala dɛ olo nu a gɔ.

2 TƐSALONIKƐ 1:10

Mɛnɔ ni ma dɛ sɛ tɛ ɛ do kpo soe kɛ Yezu a tɛ sɛ nɛ, takɔ winɔ 'da a wa dɔnggɔ a, nɛ wanɔ vɛ kɛ wa kɔ̃a zu li a ni, wa ɔngbɔ a ni. Nɛ nɛ sɛ fala nɛ kpo do owi kɔ̃a wenɔ ni, we kɛ nɛ kɔ̃a gɛnɛ Dia Sakoe lɛ bia zi hã nɛ ni.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

1 PETRO 3:9

Wele dɛ 'dã mɔ dɛ 'da nɛ, nɛ nɛ tɛ gèsè 'dã mɔ do nɛ hã a gɔ. Tabi a dã nɛ nde, nɛ nɛ tɛ dã̀ a gɔ, nɛ nde nɛ wélé nu nɛ tɛ a. Mba gɔ, 'da fala kɛ Gale sa zi mɔ hã nɛ ni, nɛ a kpua zi mbulu na, ɛ wele sɛ nu ɛ tɛ nɛ.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

2 PETRO 1:3

Wi a Yezu Kristo hã a hũi zi li lɛ we ĩ ti Gale, kɛ a sa zi mɔ hã lɛ na, lɛ le kɔ dɔ̃lɔ̃ li do dia zã 'da a ni. Nɛ ngawi 'da Kristo hã zi dia mɛnɔ kɛ ma gala lɛ we ɔ do kpasi, nɛ ma 'dafa dungi 'da lɛ na, ma de li Gale ni hã lɛ.

1 YOANƐ 2:6

Fala kɛ wele tɔ̃ na, ɛ 'bana dɛ kɔ Gale, nɛ ma wia na, a dɛ mɔ tɛ a ɔ nɛ kɛ Yezu dɛa zi ni.

3 YOANƐ 1:6

Owinɔ mɔ gala wa ni wa tɛa i nga, nɛ wa tɔ̃a sako kɔ̃a zã 'da mɔ hã eklezianɔ i nga gɛ. Mi aka mɔ na, mɔ gálá wa li wala gɛnɛnɔ 'da wa, do tɛlɛ tɛ kɛ ma a dia li Gale ni.