1 TƐSALONIKƐ 2:10 - WE NU GALE 1995

¹⁰ Nɛ nɛ zɔa tɛlɛ tɛ kɛ lɛ dungu zi sanga nɛ wi kɔ̃a wenɔ ni, nɛ Gale zɔa 'bɔ ma. Lɛ dɛ̀ mbe 'dã mɔ li Gale gɔ, nɛ dɛa to tɛ lɛ zi a bɔlɔ fai, fo zi mɔ kɔ'dɔ lɛ we nɛ ni bina.

1 TƐSALONIKƐ 2:10 Iomraidhean Croise

Yeremi 18:20

Wele dɛ dia dɛa mɔ hã mɔ, nɛ mɔ wia we si olo nɛ do 'dã mɔ nde? Ĩ na, wa ndɔa bili we ba mi. Nɛ nde ta zu mɔ tɛ èlè ngɔ kɛ mi yolo zi dati mɔ, we wele we hã mɔ we wa, takɔ sila mɔ mbɔkɔ dɛ tɛ wa ni gɔ.

Tɔlɔ Mɔ 16:15

Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

LUKA 23:41

Kɛ 'da lɛ do mɔ, gulu nɛ boe, we kɛ lɛ kpa gɛ a si olo kɛ lɛ dɛa ni. Nɛ nde kɛ 'da a, a dɛ̀ 'dã mɔ gɔ.”

Owi Nɛ Tonɔ 20:18

Kɔ wa hɔa, nɛ a tɔ̃ hã wa na: “Nɛ ĩ ti tɛlɛ tɛ kɛ mi dungu sanga nɛ, ndo do kɛ mi hɔa nɛ gbaa tɛ ngɔ nù Azi ni.

Owi Nɛ Tonɔ 20:26

Ma kɛ sɔɛ gɛ, mi tɔ̃ hã nɛ na, mbe sanga nɛ yɔ wala, nɛ nde mɛ sɛ 'bɔ a we 'da mi gɔ.

Owi Nɛ Tonɔ 24:16

Ma kɛ mi dɛ nganda wena na, mi ɔ wi bɔlɔ zu dati Gale do dati owinɔ fai ni.

2 KORINTƐ 1:12

Mɛ lɛ dɔnggɔ tɛ lɛ do ma ni, ma kɛ: Gbãlã zã lɛ ngboo ni ma tɔ̃ hã lɛ na, dungu 'da lɛ kɛ lɛ dungu nɛ ngɔ nùi gɛ ni, ma a bɔlɔ. Lɛ dɛ mɔ do wala olo nɛ, ɔ nɛ kɛ zã Gale kɔ̃a ni. Da zu nɛ wena a kɛ na, dungu 'da lɛ sanga nɛ ni ma a dia. Lɛ dɛ́ mɔ do hã zã mɔ́ winɔ ngɔ nùi gɛ gɔ, nɛ nde dia zã 'da Gale a kã lɛ.

2 KORINTƐ 11:11

Gulu kɛ mi tɔ̃a ní ni we ge nde? Tabi mi kɔ̃̀ gɛnɛ nɛ gɔ nde? Gale ĩ na, mi kɔ̃a gɛnɛ nɛ kɔ̃a.

2 KORINTƐ 11:31

Gale, Baa Nwa Yezu ĩ na, mi 'bílí bɛlɛ gɔ. E kɔ li a dɔ̃lɔ̃ fai!

2 KORINTƐ 4:2

Lɛ bɛa gɛnɛ mɛnɔ kɛ ma dɛ tɛ ɛ do usu nɛ, nɛ ma hã sape ni. Lɛ kɔ̃̀ we dɛ mɔ tɛ lɛ do 'dã hã gɔ, nɛ lɛ 'dángá we nu Gale gɔ. Nɛ nde lɛ be gbãlã we 'da Gale dɛ wila fala, takɔ winɔ wa kɔ̃ gɛnɛ lɛ li Gale.

2 KORINTƐ 5:11

Lɛ ĩ na, ma wia na wele dɛ kili Nwa, ma a lɛ dɛ nganda wena we be gbãlã we 'da a hã winɔ. Gale ĩ ti we kɔ̃ zã lɛ vɛ, nɛ mi lengge na, nɛ tɛ mɛ 'bɔ, nɛ ĩ ti lɛ do kɔ sila nɛ de wena.

2 KORINTƐ 7:2

Nɛ hṹi sila nɛ hã lɛ! Lɛ dɛ̀ 'dã mɔ do wele kpo sanga nɛ ni gɔ, lɛ zɛ̀lɛ̀ mbe sila wele kpo gɔ, lɛ ɔ̀lɔ̀ mbe wele sanga nɛ ni we kpa mɔ kɔ̃ a gɔ.

1 TƐSALONIKƐ 1:5

Mba gɔ, Dia Sakoe kɛ lɛ bia zi hã nɛ ni, lɛ bè zi do ngawi 'da lɛ iko gɔ, nɛ nde lɛ bia do ngawi 'da Hi Wi Santo. Nɛ lɛ bia hã nɛ na, Dia Sakoe ni a gbãlã we ngboo. Nɛ nɛ ĩ ti tɛlɛ tɛ kɛ lɛ dungu zi nɛ sanga nɛ we gala nɛ na, nɛ dungu do dia nɛ ni.

1 TƐSALONIKƐ 2:5

Nɛ ĩ na, lɛ bè zi wé do ɛfɛ̃ lɛnggɛ we tɛmbɛlɛ nɛ gɔ, nɛ lɛ fà zi 'bɔ we kpa mɔ kɔ̃ nɛ gɔ, nɛ Gale ĩ 'bɔ ma.

2 TƐSALONIKƐ 3:7

Nɛ do tɛ nɛ, nɛ ĩ ti tɛlɛ tɛ kɛ nɛ wia tɛ 'bã do olo kɔ̃ lɛ ni. Mba gɔ, lɛ dùngù zi sanga nɛ ɔ nɛ osulu wi gɔ.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

2 TIMOTE 3:10

Nɛ nde kɛ 'da mɔ, mɔ zila bia wenɔ 'da mi, nɛ mɔ dɛa mbula nɛ, nɛ mɔ 'bã olo kɔ̃ mi, nɛ mɔ dɛa linggamɔ zã mi. Mɔ ĩ ti kɔ̃a we 'da mi, do du sila 'da mi, do kɛ mi kɔ̃a do gɛnɛ ongba mi wena ni. Nɛ mɔ ĩ ti kɛ mi kunu do sila mi ni,

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.