1 TƐSALONIKƐ 1:9 - WE NU GALE 1995

⁹ We kɛ owinɔ vɛ wa tɔ̃a tɛlɛ tɛ kɛ lɛ nɛa zi 'da nɛ i, nɛ nɛ dɛa do gɛnɛ lɛ ni, do tɛlɛ tɛ kɛ nɛ la fala dɔnggɔ okpikimanɔ, nɛ nɛ kifi sila nɛ hã Gale, wele kpasi do wele gbãlã we, nɛ nɛ dɛ to hã a ni.

1 TƐSALONIKƐ 1:9 Iomraidhean Croise

Zumanɔ 42:2

Aa Gale, mi fa mɔ tu tu tu, ɔ nɛ kɛ zambɛlɛ 'bã nu ɛ tɛ fa fua lì ni.

Zumanɔ 84:2

Aa mɔ, NWA ngɔ mɔ nyanga nza vɛ̃, mi zɔa Tɛmpɛloe 'da mɔ, nɛ ma de tɛ mi wena.

Ezai 37:17

Aa NWA, mi aka mɔ na, mɔ ká mɔ, hã mɔ zɔ mɛnɔ ma la do lɛ gɛ. Nɛ mɔ zélé 'bɔ dɛlanɔ kɛ owi nɛ tonɔ 'da Sɛnakeribɛ, wa dã do mɔ Gale, wele kpasi ni.

Ezai 37:4

Nwa ngɔ nù Asiri tumba gã wi ngɔ sodanɔ 'da a na, a tɛ hã a dã Gale, wele kpasi. Mi ala nu mi na, e kɔ NWA Gale 'da mɔ zele dɛlanɔ ni, nɛ a hã etumbu hã wi dã a. Mi aka mɔ na, mɔ sambala nwa we duzu tala owinɔ 'da a kɛ wa 'bana gɛ.”

Yeremi 10:10

Nɛ nde ngbongbo Gale wele kpasi, wi tati a mɔ NWA. Mɔ a NWA kɛ fo ndɔti mɔ bina. Fala kɛ zã mɔ nɔ̃lɔ̃, nɛ nùi ma tana, nɛ onu kɔnggɔ winɔ wa wè tɛ yolo dati nɔ̃lɔ̃ zã 'da mɔ gɔ.

Yeremi 16:19

Aa NWA, mɔ a wi fɔmɔ mi, nɛ mɔ a mɔ hã ngawi hã mi. Mɔ a wi kele zu mi 'da fala ngamɔ. Ogele nu kɔnggɔnɔ wa yolo sɛ tɛ ndɔti nùi, nɛ wa tɛ dɛ 'da mɔ. Nɛ wa tɔ̃ sɛ na: “Sambala 'da oyaa lɛ ma zi a gbãlã we sambala gɔ, mɛ zi a mɔ bɛlɛ kɛ ma do gulu nɛ bina.

DANIƐLƐ 6:26

'Do nɛ, nɛ nwa Dariusi tumba to hã onu kɔnggɔ winɔ do nu lɛnggɛnɔ ngɔ nùi vɛ̃ na: “Mi hã balɛ hã nɛ!

SOFONI 2:11

Mɛnɔ kɛ NWA a dɛ sɛ ni, ma hã sɛ kili hã wa wena. A dɛ sɛ na, ogele galenɔ wa hɔ mɔ yala, nɛ winɔ vɛ̃, gɛnɛ kɔ wanɔ wa nyɛlɛ do nù Israɛlɛ wena ni, wa dɔnggɔ sɛ NWA Gale ngɔ nùi 'da wa.

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

MATIE 16:16

Nɛ Simɔ Petro gese na: “Mɔ a Mɛsiya, Be 'da Gale, wele kpasi.”

Owi Nɛ Tonɔ 14:15

“Onyae, gulu kɛ nɛ dɛ ni we ge nde? Lɛ a Owele ɔ nɛ nɛ gɛ iko. Lɛ tɛa we be Dia Sakoe 'da Yezu hã nɛ, takɔ nɛ lá fala dɔnggɔ osɛa tenɔ, kɛ ma do gulu nɛ bina ni, kɔ nɛ siki li nɛ dɛ 'da Gale wele kpasi, kɛ a dɛa li nza, do nùi, do gba lì, do mɛnɔ 'dɔ lìnɔ vɛ̃ ni.

ROMA 9:26

Nɛ dɛ kpo kpo kɔ lenɔ kɛ wa tɔ̃ zɛ́ hã winɔ na, wa a winɔ 'da Gale gɔ ni, wa sa sɛ 'bɔ li wa na, owinɔ 'da Gale, wele kpasi.”

1 KORINTƐ 12:2

Nɛ ĩ na, 'da fala kɛ nɛ 'bana zi opaganɔ ni, nɛ sila nɛ zi tɛ ɔkɔlɔ nɛ fai we dɔnggɔ okpikimanɔ kɛ wa wélé we gɔ ni, nɛ nɛ wè zi tɛ kunu sila nɛ gɔ.

Mbulanɔ 5:26

Mba gɔ, lɛ zɔ̀ mbe wele ɔ nɛ lɛ gɛ, kɛ a zila gɛlɛ Gale, wele kpasi tɛ wele we kɔ nyɛa we, nɛ a 'bana do tunu li a ni gɔ.

1 TƐSALONIKƐ 2:1

Aa onyae, nɛ ngboo nɛ ĩ na, olo gɛnɛ kɛ lɛ nɛa zi 'da nɛ i ni là iko gɔ.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

1 TIMOTE 4:10

Mɔ zɔ́ gulu kɛ lɛ bi nganda, nɛ lɛ gbɛ tɛ lɛ li dɛa toe gɛ a ni. Mba gɔ, lɛ gbini zã lɛ do Gale, wele kpasi, kɛ a hã kpasi hã owinɔ vɛ̃, nɛ nde dati ngboo hã wanɔ kɛ wa kɔ̃a zu li a ni.

OHEBRE 12:22

Nɛ nde nɛ, nɛ hɔa ti nyanga kala Sioni kɔ le 'da Gale, wele kpasi. Mɛ a le Yeruzalɛmɛ li nza i, kɛ gili oanzɛnɔ koto do koto wa mba ngba wa dɛ kɔ nɛ ni.

Yozue 3:10

Ngangga ni, nɛ ĩ sɛ na, NWA Gale wele kpasi fala nɛ kpo do nɛ boe ni. Mba gɔ, Sanduku Gba Tɔkɛ 'da NWA ngɔ nùi vɛ̃, ma kpe sɛ dati nɛ, we be wala kũ lì Yɔrdanɛ hã nɛ. Nɛ NWA a ndaka sɛ Okanana, do Ohiti, do Ohivi, do Opɛrizi, do Ogirgasi, do Oamori, do Oyebuzi dati nɛ.

1 YOANƐ 5:21

Aa benɔ 'daa, li nɛ sɔ̃́ we gale bɛlɛnɔ!

USU MƐNƆ 17:2

Onwanɔ nù gɛ, wa yɛnggɛ vĩ zu yɛli do a, nɛ owinɔ ngɔ nùi gɛ, wa dɛa mɔ sape do a gbaa, kɔ 'dã mɛ 'da a ba wa ɔ nɛ dɔ̃ ni.”

1 SAMUƐLƐ 17:26

Davidi aka osodanɔ kɛ zã a ni na: “Wi kɛ a gbɛ Filisti gɛ, hã a fo sape li obe Israɛlɛ ni, nɛ a kpa sɛ mɔ ge nde? Be Filisti gɛ, kɛ a a manda'ba iko, a wia we nɛ ngɔ osodanɔ 'da Gale wele kpasi nde?”

1 SAMUƐLƐ 17:36

Mi gbɛa ogbɔgbɔ do gele o'dã sa'denɔ, kɔ mi gbɛ sɛ tɛ mɛ 'bɔ be Filisti gɛ, kɛ a a manda'ba iko ni na mɛ ni. We duzu kɛ a dã osodanɔ 'da Gale wele kpasi ni.