1 TƐSALONIKƐ 1:8 - WE NU GALE 1995

⁸ Mba gɔ, we 'da Nwa yula 'da nɛ ni, nɛ ma sɔ̀kpɔ̀ dɛ Masedɔanɛ do Akai iko gɔ, nɛ nde sako kɔ̃a we 'da nɛ yɛ'ba falanɔ vɛ. Nɛ lɛ wè 'bɔ tɛ tɔ̃ mbé lɛnggɛ ngɔ ma tɔ̃a gɔ.

1 TƐSALONIKƐ 1:8 Iomraidhean Croise

Kulu Tɔa 18:9

Nɛ Yetro dɛa yangga wena we zele we dia mɛnɔ vɛ̃ kɛ NWA dɛa do'obe Israɛlɛ, do kɛ a fua wa kɔ ngbá tɛ Ezipeto i ni.

Ezai 2:3

Kɔ gba gili winɔ ni wa ma ngɔ nɛ 'di mɔ, nɛ wa tɔ̃ sɛ do 'da li wala na: “Lɛ nɛ́, lɛ kṹ ngɔ kala Sioni, kala 'da nwa, lɛ lé kɔ tɔa 'da Gale 'da Yakɔbɔ. A be sɛ mbulanɔ 'da a hã lɛ, nɛ lɛ ba sɛ wala kɛ a be hã lɛ ni. Mba gɔ, bia wenɔ 'da NWA ma yolo tɛ ngɔ kala Sioni, nɛ lɛnggɛnɔ 'da a, kɛ ma hɔ zala lɛ ni, ma yolo Yeruzalɛmɛ.”

Ezai 52:7

Yangga wena we zɔ wi toe kɛ a yolo ngɔ kalanɔ i, hã a tɛ tɛ do dia sakoe ni. A tɛ do dia sako na, owinɔ wa kpa sɛ gɛ̃a dungu, nɛ wa kpasa sɛ, nɛ wa dungu sɛ do yangga. A tɔ̃ hã Owi Yeruzalɛmɛ na: “Gale 'da nɛ a a Nwa.”

Ezai 66:19

Nɛ mi be sɛ dɛa to nwa 'da mi hã wa. Nɛ owanɔ kɛ wa kpasa sɛ li ngbangga 'da mi ni, mi tombo sɛ wa ndũu dɛ ngɔ nùnɔ 'da Otarsisi, Opulɛ, do Oludɛ kɛ wa ĩ ti da kpili wena ni. Nɛ mi tombo sɛ 'bɔ wa ndũu tɛ kɔ ngolo lì, tɛ 'da Otubalɛ do Ogrɛkɛ, do tɛ falanɔ vɛ̃ kɛ wa zèlè mbe lɛnggɛ 'da mi fala kpo gɔ ni. Nɛ wa be sɛ dɔ̃lɔ̃ li 'da mi hã owinɔ i mɔ ni.

Owi Nɛ Tonɔ 18:12

Nɛ do 'da fala wa ia Galioni do wi fɔmɔ nù Akai ni, nɛ Yudanɔ wa mba nu wa kpo, nɛ wa ba Polo, nɛ wa nɛ do a nu tɔa 'bili we i.

ROMA 1:8

Dati ngboo, mi hã iɔ̃nae hã Gale 'da mi do wala 'da Yezu Kristo, we duzu nɛ vɛ. Mba gɔ, sako kɔ̃a we 'da nɛ yɛ'ba falanɔ vɛ.

ROMA 15:26

Mba gɔ, Owi kɔ̃a wenɔ tɛ ngɔ nù Masedɔanɛ do Akai, wa kpa zi linggamɔ na, lo da mbili do sila lo, hã lo tombo ma tɛ Yeruzalɛmɛ i, we gala do Owi 'bakonɔ sanga Owi kɔ̃a wenɔ i mɔ ni.

ROMA 16:19

Nɛ nde kɛ 'da nɛ, nɛ kɔ̃a zu li Nwa, nɛ winɔ vɛ́ wa zila sako kɔ̃a we 'da nɛ, nɛ ma hã yangga hã mi wena. Nɛ mi kɔ̃a na, nɛ ĩ ti mɛ kɛ ma a dia ni, takɔ nɛ dɛ ma, nɛ nɛ tɛ kɔ̀lɔ̀ do 'dã mɔ gɔ.

1 KORINTƐ 14:36

Nɛ lengge na we nu Gale ma yula 'da nɛ nde? Tabi wi zila ma tati a nɛ iko nde?

2 KORINTƐ 2:14

Gɛnɛ kɔ na mɛ ni, nɛ nde lɛ hã́ iɔ̃nae hã Gale, we kɛ a hã ngawi hã lɛ 'da fala fai, nɛ lɛ nɛ ngɔ mɛnɔ vɛ do wala 'da Kristo ni. A ia lɛ do Owi be sakoe 'da Kristo, nɛ sakoe ni ma yɛ'bɛ falanɔ vɛ ɔ nɛ fala tɛ yɔmbɔ ni.

2 KORINTƐ 3:4

Lɛ tɔ̃ ní mba gɔ, lɛ gbini zã lɛ do Gale do wala 'da Kristo.

KƆLƆSƐ 3:16

Nɛ úsú wenɔ 'da Kristo do dia mɔ nɛ vɛ dɛ kɔ sila nɛ. Nɛ bé ma sanga tɛ ngba nɛ, nɛ nɛ tɔ̃ mbula sanga nɛ do hã zã vɛ̃. Nɛ gá ozuma hã Gale do sila nɛ vɛ, nɛ nɛ hã iɔ̃nae hã a. Nɛ gá zuma kpi do kpi, kɛ Hi Wi Santo ia dɛ nu nɛ ni.

2 TƐSALONIKƐ 1:4

Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.

2 TƐSALONIKƐ 3:1

Onyae, do ndɔti nɛ, mi aka nɛ na, nɛ sámbálá Gale we duzu lɛ, takɔ we 'da Nwa yɛ'bɛ dɛ dati, nɛ sako nɛ yɛ'bɛ falanɔ vɛ̃, ɔ nɛ kɛ ma yɛ'ba zi 'da nɛ i ni.

1 TIMOTE 2:8

Kɔ we duzu ma, mi kɔ̃a na, tɛ falanɔ vɛ̃ nɛ mba li ngba nɛ ni, nɛ Owi wilinɔ wa sambala do ba kɔ̃ wa dɛ ngɔ. Nɛ kɔ sila wa ɔ́ sa, nɛ wa tɛ ɔ̀ do mãlã, do linggamɔ kpa we gɔ.

2 TIMOTE 2:9

Nɛ we duzu Dia Sakoe ni, ma kɛ mi kpa zɛlɛ tɛ, nɛ wa ɛnzɛ mi do dɔkpɔ, nɛ wa fi mi bɔlɔkɔ ɔ nɛ wi dɛ 'dã mɔ ni. Nɛ nde wa ɛ̀nzɛ̀ we nu Gale gɔ.

3 YOANƐ 1:12

Nɛ nde kɛ 'da Demetriusi, owinɔ vɛ wa tɔ̃ dia we tɛ̃ a tɔ̃a. Gbãlã we kɔ dɛa mɔ tɛ̃ a boe, nɛ ma be 'bɔ na, a a dia wi. Nɛ lɛ tɔ̃a 'bɔ ní na, a dɛ de wena. Nɛ mɔ ĩ na, kɛ lɛ tɔ̃ ni, mɛ a ngbongbo we.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.