1 TƐSALONIKƐ 1:7 - WE NU GALE 1995

⁷ Na mɛ ni, nɛ dɛa mɔ tɛ nɛ bia wala hã owi kɔ̃a wenɔ ngɔ nù Masedɔanɛ do Akai vɛ.

1 TƐSALONIKƐ 1:7 Iomraidhean Croise

Owi Nɛ Tonɔ 1:13

Kɔ wa nɛa we hɔ tɛ Yeruzalɛmɛ nga, nɛ wa le kɔ tɔa, nɛ wa kũ dɛ kɔ mbe 'bili tɔa kpo, fala wa kpa zi do ngba wa fai ni. Wi zi a Petro, do Yoanɛ, Zake, Andre, Filipɛ, Toma, Bartelɛmi, Matie, do Zake, be 'da Alfe, do Simɔ (wele kɛ a bi zi ngɔ le 'da a na, ma hɔ ti ngbá ni), do Yuda, be 'da Zake.

Owi Nɛ Tonɔ 16:12

Nɛ lɛ yula di ni, nɛ lɛ la dɛ Filipɛ, gã le kɛ Oroma wa dɛa zi ma ngɔ nù Masedɔanɛ, nɛ wa ɔ kɔ nɛ ni. Nɛ lɛ ɔa di ni bi sĩ.

Owi Nɛ Tonɔ 18:1

'Do nɛ, nɛ Polo yula tɛ Atɛnɛ, nɛ a la dɛ Korintɛ.

Owi Nɛ Tonɔ 18:12

Nɛ do 'da fala wa ia Galioni do wi fɔmɔ nù Akai ni, nɛ Yudanɔ wa mba nu wa kpo, nɛ wa ba Polo, nɛ wa nɛ do a nu tɔa 'bili we i.

Owi Nɛ Tonɔ 19:21

'Do mɛnɔ ni, nɛ Polo kɔ̃a zi na, ɛ 'bili do ngɔ nù Masedɔanɛ do Akai, nɛ ɛ la dɛ Yeruzalɛmɛ. Nɛ a tɔ̃ na, ɛ hɔ i mɔ do'do, nɛ ɛ hɔ sɛ 'bɔ tɛ Roma.

ROMA 15:26

Mba gɔ, Owi kɔ̃a wenɔ tɛ ngɔ nù Masedɔanɛ do Akai, wa kpa zi linggamɔ na, lo da mbili do sila lo, hã lo tombo ma tɛ Yeruzalɛmɛ i, we gala do Owi 'bakonɔ sanga Owi kɔ̃a wenɔ i mɔ ni.

2 KORINTƐ 1:1

Wi a mi Polo, wi nɛ toe 'da Yezu Kristo ɔ nɛ kɛ zã Gale kɔ̃a ni, do nya lɛ Timote, lɛ kɔmɔ mbɛti gɛ hã nɛ, owinɔ kɔ eklezia 'da Gale tɛ Korintɛ, fala nɛ kpo do owinɔ 'da Gale ngɔ nù Akai vɛ̃.

2 KORINTƐ 9:2

We kɛ mi ĩ ti wɛ 'da nɛ we gala ongba nɛ ni, nɛ mi dɔnggɔ tɛ mi do nɛ hã Omasedɔanɛ. Mi tɔ̃a zi hã wa na, owinɔ ngɔ nù Akai wa ngɛma mbɔkɔ mbili 'da wa ma la dɛ sabɛlɛ kpo ia. Nɛ kɔ̃a zã 'da nɛ ma hã tɛ 'bɔ kpã sila hã ombe sanga wa wena we dɛ na mɛ ni.

1 TƐSALONIKƐ 1:8

Mba gɔ, we 'da Nwa yula 'da nɛ ni, nɛ ma sɔ̀kpɔ̀ dɛ Masedɔanɛ do Akai iko gɔ, nɛ nde sako kɔ̃a we 'da nɛ yɛ'ba falanɔ vɛ. Nɛ lɛ wè 'bɔ tɛ tɔ̃ mbé lɛnggɛ ngɔ ma tɔ̃a gɔ.

1 TƐSALONIKƐ 4:10

Nɛ mi zɔa na, nɛ dɛa na mɛ ni dɛ 'da onya nɛ tɛ ngɔ nù Masedɔanɛ vɛ̃. Nɛ nde onyae, lɛ dala 'bɔ nu lɛ hã nɛ na, nɛ kɔ̃ gɛnɛ ngba nɛ dɛ dati.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

TITO 2:7

Nɛ mɔ do tɛ mɔ, mɔ 'dáfá dɛa mɔ tɛ mɔ we do kɛ na, ma be dia wala hã winɔ. Kɔ fala kɛ mɔ be we hã Owele, nɛ mɔ bé do wala olo nɛ, nɛ́ kɛ ma wia ni.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.