1 TƐSALONIKƐ 1:6 - WE NU GALE 1995

⁶ Nɛ nɛ 'bã zi do kɔ̃ lɛ, do olo kɔ̃ Nwa Yezu. Nɛ gɛnɛ kɔ nɛ zɔ zi ngamɔ wena, nɛ nde nɛ kɔ̃a zi gɛnɛ we 'da Gale do yangga kɛ Hi Wi Santo hã ma hã nɛ ni.

1 TƐSALONIKƐ 1:6 Iomraidhean Croise

OZE 2:14

Mi 'danga sɛ fɔ vinɔnɔ do fɔ figɛnɔ, kɛ a tɔ̃ na, owili ɛ wa hã ma hã ɛ ni kɔ̃ a do'do. Mi dɛ sɛ na, fɔnɔ 'da a ma kulu, nɛ osa'de zamɔ wa nyɔngɔ sɛ mɔ di ni.

MATIE 16:24

'Do nɛ, nɛ Yezu tɔ̃ hã owi yambala mɛnɔ 'da a na: “Fala kɛ wele kɔ̃ we hɔ wi 'da mi, nɛ ma wia na, a bɛ̃ gɛnɛ kili tɛ̃ a wele nɛ, nɛ a ba tole finda te 'da a, nɛ a tɛ 'do mi.

YOANƐ 8:12

Nɛ Yezu bia 'bɔ mbé we hã ogili winɔ na: “Mi a sa fala kɛ ma sa ngɔ nù gɛ ni. Kɔ wele kɛ a tɛ 'dɔkɔlɔ mi ni, a yɛ́nggɛ́ sɛ 'bɔ kɔ gba tũ gɔ. A yɛnggɛ sɛ kɔ sa fala, nɛ ma be wala kpasi hã a.”

Owi Nɛ Tonɔ 13:52

Nɛ winɔ kɛ wa kɔ̃a zi we 'da Yezu tɛ Antiɔsɛ i ni, wa dunu zi do ngawi 'da Hi Wi Santo, nɛ wa zi do yangga wena.

Owi Nɛ Tonɔ 5:41

Nɛ Owi nɛ tonɔ wa hɔa nza sanga Owi 'bili wenɔ, nɛ wa si do yangga vɛ̃, we kɛ wa zɔa ngamɔ we duzu li Yezu ni.

Owi Nɛ Tonɔ 9:31

Do 'da fala nɛ ni, Owi kɔ̃a wenɔ tɛ ngɔ nù Yude, do Galile, do Samaria wa kpa zi dungu fio. Nɛ Hi Wi Santo hã ngawi hã wa na, wa dɛ kifi Nwa, nɛ wa dɛlɛ dɛ dati fai.

ROMA 15:13

E kɔ Gale kɛ a dɛ na, lɛ gbini zã lɛ do a ni, a dɛ 'bɔ na, sila nɛ dunu do yangga, nɛ nɛ ɔ do gɛa sila, we duzu kɔ̃a we nɛ kɔ̃a do a ni. Na mɛ ni, nɛ Hi Wi Santo hã ngawi hã nɛ na, nɛ gbini zã nɛ do Gale dɛ dati fai.

1 KORINTƐ 11:1

Kɔ nɛ 'bã́ olo kɔ̃ mi, ɔ nɛ kɛ mi 'bã do olo kɔ̃ Kristo ni.

1 KORINTƐ 11:2

Mi hã iɔ̃nae hã nɛ, we kɛ ta zu nɛ élé ngɔ mi gɔ, nɛ nɛ 'bana tɛ dɛ mɛnɔ kɛ mi bia zi hã nɛ ni.

1 KORINTƐ 4:16

Kɔ mi tɔ̃ hã nɛ na, nɛ dɛ́ ɔ nɛ kɛ mi dɛ ni.

2 KORINTƐ 6:10

Lɛ ɔ li wa nɛ Owi 'bako ni, nɛ nde lɛ fai do yangga. Wa zɔ lɛ nɛ́ Owi sã ni, nɛ nde Owele wena wa hɔa wi kpamɔ li Gale we duzu lɛ. Ma ɔ nɛ kɛ fo mɔ mɔ́ lɛ bina ni, nɛ nde lɛ zɔ̀lɔ̀ mɔ kpo gɔ.

2 KORINTƐ 8:5

Wa hã mɔ nɛa ngɔ kɛ lɛ lingga zi na, wa wia tɛ hã nɛ ni. Wa hã zi tɛ wa hã Gale dati, nɛ 'do nɛ, nɛ wa hã tɛ wa hã lɛ, ɔ nɛ kɛ zã Gale kɔ̃a ni.

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

EFƐZƐ 5:1

Nɛ 'bã́ olo kɔ̃ Gale, we kɛ nɛ a obenɔ 'da a, nɛ a kɔ̃ gɛnɛ nɛ wena.

FILIPƐ 3:17

Onyae, nɛ vɛ̃ nɛ 'bã́ olo kɔ̃ mi. Nɛ kálá li nɛ, hã nɛ zɔ mɛ kɛ winɔ dɛa mɔ tɛ wa wia kɔ̃ do kɛ nɛ zɔa kɔ̃ lɛ ni, wa dɛ ni.

2 TƐSALONIKƐ 1:4

Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.

2 TƐSALONIKƐ 3:7

Nɛ do tɛ nɛ, nɛ ĩ ti tɛlɛ tɛ kɛ nɛ wia tɛ 'bã do olo kɔ̃ lɛ ni. Mba gɔ, lɛ dùngù zi sanga nɛ ɔ nɛ osulu wi gɔ.

2 TƐSALONIKƐ 3:9

Lɛ wia zi tɛ gɔ mɔ kɔ̃ nɛ gbãlã we, nɛ nde lɛ dè ma gɔ, we kɛ lɛ kɔ̃a zi we be dia wala hã nɛ na, nɛ 'bã olo kɔ̃ lɛ.

2 TIMOTE 4:2

Mɔ bé we nu Gale hã owinɔ, nɛ mɔ dálá nu mɔ tɛ be ma. Gɛnɛ kɔ mɛ a dia ngba soe, tabi mɛ a 'dã ngba soe nde, nɛ mɔ tɛ mbɔ̀kɔ̀ tɛ be we hã wa gɔ, mɔ bé ma bia fai. Mɔ dã́lã́ dɛ tɛ wa, nɛ mɔ ha kpã sila hã wa, nɛ mɔ bé wenɔ hã wa do du sila ngboo.

OHEBRE 10:34

Nɛ nɛ kpa zi ngamɔ fala nɛ kpo do Owi bɔlɔkɔnɔ. Nɛ 'da fala wa kala mɛnɔ kɔ̃ nɛ ni, nɛ nɛ kɔ̃a gɛnɛ nɛ do yangga iko, we kɛ nɛ ĩ zi na, nɛ kpa sɛ mbé kpamɔ kɛ ma dia nɛa ngɔ ki ni, nɛ ma 'dángá sɛ gɔ fai ni.

1 PETRO 1:6

We duzu ki ni, gɛnɛ kɔ nɛ kpa ngamɔ kpi do kpi kɔ bi tũnɔ sĩ lɛ do ma gɛ nde, nɛ nɛ dɛ́ yangga.

1 PETRO 1:8

Gɛnɛ kɔ nɛ tɛ zɔ̀ Yezu do gbali nɛ gɔ, nɛ nde nɛ kɔ̃a gɛnɛ a. Nɛ gɛnɛ kɔ nɛ zɔ́ 'bɔ a di ngangga ni gɔ, nɛ nde nɛ kɔ̃a zu li a. We duzu ma, nɛ dɛ yangga gã la li, do tɛlɛ tɛ kɛ wele wè tɛ tɔ̃ ma tɔ̃a gɔ ni,

1 PETRO 3:13

Kɔ fala kɛ nɛ ba sila nɛ vɛ̃ we dɛ de mɔ, nɛ wi nɛ dɛ sɛ nɛ 'danga a wio nde?

3 YOANƐ 1:11

Aa mɔ, yali ngba mi, mɔ tɛ 'bã̀ olo kɔ̃ o'dã winɔ gɔ, nɛ nde mɔ 'bã́ olo kɔ̃ odia wele. Wi kɛ a dɛ de mɔ fai ni, a a be 'da Gale, nɛ wi kɛ a dɛ 'dã mɔ fai ni, a ĩ̀ ti Gale gɔ.