1 TƐSALONIKƐ 1:5 - WE NU GALE 1995

⁵ Mba gɔ, Dia Sakoe kɛ lɛ bia zi hã nɛ ni, lɛ bè zi do ngawi 'da lɛ iko gɔ, nɛ nde lɛ bia do ngawi 'da Hi Wi Santo. Nɛ lɛ bia hã nɛ na, Dia Sakoe ni a gbãlã we ngboo. Nɛ nɛ ĩ ti tɛlɛ tɛ kɛ lɛ dungu zi nɛ sanga nɛ we gala nɛ na, nɛ dungu do dia nɛ ni.

1 TƐSALONIKƐ 1:5 Iomraidhean Croise

Ezai 55:11

Na mɛ ni, wila we nu mi ma lá iko gɔ, ma dɛ mɛnɔ vɛ̃ kɛ mi kɔ̃a ni sɛ nɛ de.

MARKO 16:20

Nɛ owi yambala mɛnɔ wa la tɛ be Dia Sakoe hã owinɔ nyanga nza gɛ vɛ̃. Nɛ Nwa Yezu zi do wa kɔ dɛa toe 'da wa. Nɛ wa dɛa ogba sɔ̃ mɔ do ngawi 'da a, we be hã owinɔ na, wenɔ wa be ni, mɛ a ngbongbo we.]

LUKA 1:1

Aa nwa Teofilɛ, mɔ ĩ na, Owele wa yamba zi kɔmɔ lɛnggɛ ngɔ mɛnɔ kɛ ma dɛa zi tɛ̃ ɛ dɛ sanga lɛ gɛ.

Owi Nɛ Tonɔ 11:21

Nɛ Nwa Gale hã ngawi hã wa, nɛ Owele wena wa kifi sila wa, nɛ wa kɔ̃a zu li Yezu.

Owi Nɛ Tonɔ 16:14

Nɛ mbe kpo sanga wa ni, li a a Lidia, a yula Tiatirɛ, nɛ a zi a wi be gole fila tulu. A zi a wi dɔnggɔ Gale, nɛ Nwa Gale hũi linggamɛ 'da a, takɔ a zele bia we 'da Polo, nɛ a kɔ̃ gɛnɛ nɛ.

Owi Nɛ Tonɔ 2:33

Baa a Gale ia a ngɔ ngawili kɔ̃ ɛ. Nɛ a hã Hi Wi Santo kɛ a kpua zé mbulu nɛ ni hã a. Nɛ Yezu tumba Hi Wi ni dɛ ngɔ lɛ, ɔ nɛ kɛ nɛ tɛ zɔ ma, do zele ma ni.

ROMA 1:16

Mi do sape we be Dia Sakoe bina, we kɛ Dia Sakoe ni mɛ a ngawi 'da Gale we kpasa wanɔ vɛ kɛ wa kɔ̃a zu li Yezu Kristo ni. Dati ngboo a Oyudanɔ, nɛ 'do nɛ a ogele winɔ.

ROMA 15:13

E kɔ Gale kɛ a dɛ na, lɛ gbini zã lɛ do a ni, a dɛ 'bɔ na, sila nɛ dunu do yangga, nɛ nɛ ɔ do gɛa sila, we duzu kɔ̃a we nɛ kɔ̃a do a ni. Na mɛ ni, nɛ Hi Wi Santo hã ngawi hã nɛ na, nɛ gbini zã nɛ do Gale dɛ dati fai.

ROMA 2:16

Nɛ zɔ́ mɛnɔ kɛ ma dɛ sɛ tɛ̃ ɛ do ngba soe Gale nɛ be sɛ do linggamɔ kɔ sila winɔ dɛ nza, nɛ a 'bili wenɔ 'da wa do wala 'da be 'da a Yezu Kristo, ɔ nɛ kɛ mi be ma kɔ Dia Sakoe gɛ a ni.

1 KORINTƐ 1:24

Nɛ we owinɔ kɛ Gale sa zi mɔ hã wa ni, Oyudanɔ, tabi ogele winɔ, nɛ nde ngawi 'da Gale, do hã zã 'da Gale wi a Yezu Kristo.

1 KORINTƐ 10:33

Nɛ ibã́ olo kɔ̃ mi! Mi dɛ nganda wena na, mɛnɔ vɛ mi dɛ ma ni, ma hã yangga hã winɔ vɛ. Mi fá dia mɔ we mi wele nɛ gɔ, nɛ nde mi fa ma we winɔ vɛ, takɔ wa kpasa.

1 KORINTƐ 3:16

Nɛ ĩ de wena na, nɛ a tɔa 'da Gale, nɛ Hi Wi 'da Gale ɔ dɛ kɔ nɛ.

1 KORINTƐ 3:6

Ma ɔ nɛ kɛ mi mi kpalɛ, nɛ Apolosi a lì zu nɛ, nɛ Gale dɛa na kpalɛ gã ni.

1 KORINTƐ 4:20

Mba gɔ, le nwa 'da Gale, ma zɔ̀ wila we nu wi iko gɔ, nɛ nde ma zɔa dɛa to.

1 KORINTƐ 9:14

Nɛ ma tɛ mɛ 'bɔ na mɛ ni we owinɔ kɛ wa be Dia Sakoe ni, Nwa Yezu hã mbula na, wa kpasa do dɛa toe 'da wa.

2 KORINTƐ 3:6

A hã ngawi hã lɛ na, lɛ be do gulu mbé gba tɔkɛ kɛ a gba do owinɔ ni. Mbé gba tɔkɛ ni, ma yòlò kɔ mbɛti mbula gɔ, nɛ nde ma yula 'da Hi Wi Santo. Mba gɔ, mbɛti mbula kã wele dɛ tɛ fio, nɛ Hi Wi hã kpasi hã wele.

GALATI 2:2

Mi gili zi tɛ mi i mɔ, we kɛ Gale bia zi hã mi na mi nɛ. Kɔ mi hɔa i mɔ, nɛ lɛ mba li ngba lɛ tati nɛ do Owi zɔ mɔ tɛ eklezianɔ iko, nɛ mi bia gulu Dia Sakoe kɛ mi be hã winɔ kɛ wa a Oyuda gɔ ni hã wa. Mba gɔ, mi dɛ zi kili na, da dɛ kɔ dɛa toe kɛ mi tɛ dɛ ma ni, tabi kɛ mi dɛa zi ia ni, ma ɔ́ yala iko gɔ.

GALATI 5:5

Nɛ nde kɛ 'da lɛ, lɛ gbini zã lɛ do Gale. A dɛ sɛ na, lɛ hɔ Owi bɔlɔ zu li a do ngawi 'da Hi Wi Santo, we kɛ lɛ kɔ̃a zu li Kristo ni.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 3:20

Gale do ngawi we dɛ mɛnɔ kɛ ma nɛa ngɔ kɛnɔ lɛ gɔ kɔ̃ a, tabi lɛ lengge do ma ni. Nɛ a dɛ ma do ngawi 'da a kɛ ma dɛ to kɔ sila lɛ ni.

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

FILIPƐ 4:9

Nɛ dɛ́ mɛnɔ vɛ̃ kɛ mi bia zi hã nɛ, nɛ nɛ yambala zi kɔ̃ mi, nɛ nɛ zila dɛ nu mi, nɛ nɛ zɔa mi tɛ dɛ nɛ ni. Nɛ Gale, wele gɛ̃a sila sɛ fala nɛ kpo do nɛ.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

2 TƐSALONIKƐ 2:14

Gale sa zi mɔ hã nɛ do wala Dia Sakoe kɛ lɛ bia zi hã nɛ ni, takɔ nɛ kpa dɔ̃lɔ̃ li fala nɛ kpo do Nwa 'da lɛ Yezu Kristo.

2 TIMOTE 2:10

We duzu ma, mi kunu sila mi kɔ ngamɛnɔ vɛ̃, we lengge do winɔ kɛ Gale saka wa ia ni, takɔ wa kpa tɛ mɛ 'bɔ kpasi kɛ ma kɔ Yezu Kristo, do dɔ̃lɔ̃ li kɛ ma é sɛ gɔ ni.

2 TIMOTE 2:8

Tɛ zu mɔ tɛ èlè ngɔ Yezu Kristo gɔ. A a wi nu fɛlɛ Davidi, nɛ a za'da zi nza kɔ fio. Ki ni a Dia Sakoe kɛ mi be gɛ a ni.

OHEBRE 10:22

We duzu ma, lɛ é sila lɛ vɛ̃ ngɔ Gale, nɛ lɛ nɛ́, nɛ lɛ kɔ́lɔ́ do a do sila lɛ kpo, we duzu kɛ Yezu fua ndi 'dã mɔ kɔ sila lɛ, nɛ lɛ fɔla tɛ lɛ do lì kɛ ma a sa li Gale ni.

OHEBRE 6:11

Nɛ nde lɛ kɔ̃a na, wele do wele sanga nɛ ni dɛ nganda na mɛ ni fai, takɔ mɛ nɛ gbini zã nɛ do ma ni, nɛ kpa ma vɛ̃.

1 PETRO 1:12

Nɛ Gale bia hã wa na, toe kɛ ɛ tumba wa we tɔ̃ ma ni, ma we duzu wa wele nɛ gɔ, nɛ nde ma we duzu nɛ, winɔ sɔɛ gɛ. Ma kɛ ngangga gɛ, winɔ kɛ wa be Dia Sakoe ni, wa tɔ̃a toe ni hã nɛ ia. Nɛ wa tɔ̃a ma do ngawi 'da Hi Wi Santo kɛ Gale tumba a yolo do li nza i ni. Nɛ anzɛnɔ wa kɔ̃a sɔ 'bɔ we ĩ ti mɛnɔ ni.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.

2 PETRO 1:10

We duzu ki ni, onyae, nɛ dɛ́ nganda wena we 'dafa dungi 'da nɛ, takɔ nɛ be hã winɔ na, Gale sa mɔ hã nɛ, nɛ a saka nɛ gbãlã we. Kɔ nɛ dɛ ní, nɛ nde nɛ té sɛ 'bɔ li 'dã mɔ fala kpo gɔ.

2 PETRO 1:19

We duzu ma, lɛ ĩ na, toe kɛ owi gba do nu Gale wa tɔ̃a zi ni, mɛ a gbãlã we ngboo. Kɔ ma wia na, nɛ zele bia wenɔ ni, nɛ nɛ ba ma dɛ kɔ sila nɛ, we kɛ ma ɔ nɛ mwinda kɛ ma nyɛ kɔ gba tũ, gbaa we 'bɔ 'da sa fala, nɛ gbandolo titole yele kɔ sila nɛ ni.