1 TƐSALONIKƐ 1:4 - WE NU GALE 1995

⁴ Onyae, lɛ ĩ na Gale kɔ̃a gɛnɛ nɛ, nɛ a saka nɛ do owinɔ 'da a.

1 TƐSALONIKƐ 1:4 Iomraidhean Croise

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

ROMA 9:25

Ma ɔ nɛ kɛ Oze kɔma kɔ 'buki 'da a na: “Owinɔ kɛ wa zɛ́ a winɔ 'da mi gɔ ni, mi sa sɛ li wa na, winɔ 'da mi. Nɛ gele nu kɔnggɔnɔ kɛ mi kɔ̃̀ zɛ́ gɛnɛ wa gɔ ni, mi kɔ̃ sɛ gɛnɛ wa wena.

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

2 PETRO 1:10

We duzu ki ni, onyae, nɛ dɛ́ nganda wena we 'dafa dungi 'da nɛ, takɔ nɛ be hã winɔ na, Gale sa mɔ hã nɛ, nɛ a saka nɛ gbãlã we. Kɔ nɛ dɛ ní, nɛ nde nɛ té sɛ 'bɔ li 'dã mɔ fala kpo gɔ.