1 TƐSALONIKƐ 1:3 - WE NU GALE 1995

³ Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 1:3 Iomraidhean Croise

Ndo Nyanga Dɛ Mɔ 29:20

Na mɛ ni, nɛ Yakɔbɔ dɛa to hã Labanɛ 'do sabɛlɛ sambo we ba Rasɛlɛ. Sabɛlɛnɔ ni, ma dùlù zi li Yakɔbɔ gɔ, we kɛ a kɔ zi gɛnɛ Rasɛlɛ wena.

WI LENGGE WE 2:26

Mɛ a gbãlã we, Gale hã hã zã, ĩ ti mɔ, do yangga hã wi kɛ a de tɛ̃ a ni. Nɛ a dɛ na, wi kɛ dɛa mɔ tɛ̃ a dè tɛ̃ a gɔ ni, a dɛ to, nɛ a ngɛmɛ dia mɔ hã wele kɛ dɛa mɔ tɛ̃ a dia tɛ̃ a ni. Ki ni 'bɔ do gulu nɛ bina, ma ɔ nɛ kɛ wele ndaka 'do bũ iko ni.

SƆKPƆ DIA ZUMANƆ 8:7

Mɛ a nyɛa we kɛ lì bí ma gɔ, nɛ wa wè tɛ bindi ma ti lì gɔ. Fala kɛ wele fa we oso kɔ̃a zã do mbili, nɛ a 'danga sɛ kpamɛ 'da a vɛ̃, nɛ nde wa kɔ̃́ sɛ gɛnɛ a gɔ.

YOANƐ 14:15

“Fala kɛ nɛ kɔ̃ gɛnɛ mi, nɛ nɛ dɛ sɛ mbulanɔ 'da mi.

YOANƐ 15:10

Fala kɛ nɛ dɛ mbula 'da mi, nɛ mi kɔ̃ sɛ gɛnɛ nɛ fai, ɔ nɛ kɛ mi dɛ mbulanɔ 'da Baa mi, nɛ a 'bana tɛ kɔ̃ gɛnɛ mi fai ni.

Owi Nɛ Tonɔ 10:31

Nɛ a tɔ̃ hã mi na: ‘Kɔmɛyɛ, Gale kɔ̃a gɛnɛ sambala 'da mɔ, do mɛnɔ kɛ mɔ gala do Owi sãnɔ ni, kɔ a lingga do mɔ.

Owi Nɛ Tonɔ 3:19

Kɔ we duzu ki ni, nɛ kífí sila nɛ, nɛ nɛ kpolo tɛ nɛ dɛ 'da Gale, takɔ a fo ku'da 'dã mɛnɔ zu nɛ.

ROMA 12:12

Nɛ dɛ́ yangga kɛ nɛ gbíní zã nɛ do Gale ni. Nɛ kúnú sila nɛ kɔ ngamɛnɔ kɛ nɛ kpa ma ni, nɛ nɛ sámbálá Gale 'da fala fai.

ROMA 15:13

E kɔ Gale kɛ a dɛ na, lɛ gbini zã lɛ do a ni, a dɛ 'bɔ na, sila nɛ dunu do yangga, nɛ nɛ ɔ do gɛa sila, we duzu kɔ̃a we nɛ kɔ̃a do a ni. Na mɛ ni, nɛ Hi Wi Santo hã ngawi hã nɛ na, nɛ gbini zã nɛ do Gale dɛ dati fai.

ROMA 15:4

Wenɔ vɛ kɛ wa kɔma zɛ́ ma kɔ 'Buki 'da Gale ni, wa kɔmɔ we be do mɔ hã lɛ. We kɛ wenɔ ni gala lɛ na, lɛ ɔ do du sila, nɛ lɛ kpa kpã sila, we gbini zã lɛ do dia mɛnɔ kɛ lɛ kpa sɛ ma 'do gɛ ni.

ROMA 16:26

Kɔ ngangga ni, Gale bia ma dɛ wila fala tɛ kɔ 'bukunɔ 'da Owi gba do nu a. Nɛ Gale kɛ a ɔ fai ni, a ba nu a na, lɛ be usu wenɔ ni hã winɔ ngɔ nù gɛ vɛ́, takɔ wa kɔ̃ zu li Yezu, nɛ wa zele nu a.

ROMA 16:6

Nɛ nɛ há 'bɔ balɛ hã Mana, kɛ a hã zi tɛ a vɛ we dɛ to hã nɛ ni.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

1 KORINTƐ 13:13

Nɛ nde mɛnɔ talɛ gɛ ma 'bana sɛ fai. Mɛ a kɔ̃a we dɛ 'da Gale, do gbini zã wi do mbuli 'da a, do kɔ̃ ngba wi. Nɛ nde kɔ̃ ngba wi ma nɛa ngɔ tala mɛnɔ ni vɛ.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

2 KORINTƐ 2:17

Lɛ ɔ́ nɛ ombe winɔ kɛ wa be gole Dia Sakoe, we nyɔngɔ mbili olo nɛ ni gɔ. Nɛ nde wi a Gale a tumba lɛ, nɛ lɛ mba kpo do Kristo, nɛ lɛ be we 'da Gale dɛ dati a do sila lɛ kpo.

GALATI 1:4

Kristo fia zi we 'dã mɛnɔ 'da lɛ, takɔ a fo lɛ ti ngawi 'da 'dã mɛnɔ ngɔ nù gɛ. A dɛa ni do kɔ̃a zã 'da Baa lɛ Gale.

GALATI 5:13

Onyae, Gale sa zi mɔ hã nɛ na, nɛ hɔ nza ti mbula. Kɔ nɛ́ kɛ nɛ 'bànà ti mbula gɔ ni, nɛ tɛ lènggè na, nɛ wia we dɛ mɛnɔ ɔ nɛ kɛ wɔ kili tɛ nɛ tombo do nɛ ni gɔ. Nɛ nde ma wia na, kɔ̃ gɛnɛ ngba wi kɛ nɛ kɔ̃a do ngba nɛ ni, ma tombo nɛ we dɛ to hã ngba nɛ.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

GALATI 6:9

Ní nɛ lɛ tɛ mbɔ̀kɔ̀ tɛ dɛ de mɔ gɔ. Mba gɔ, 'da fala kɛ lɛ mbɔ̀kɔ̀ gɔ, nɛ lɛ kpa sɛ si olo nɛ do li zɔlɔ nɛ.

1 TƐSALONIKƐ 3:6

Nɛ nde ngangga ni, Timote kpula tɛ̃ a, nɛ a tɔ̃a dia sakoe 'da nɛ hã lɛ na, nɛ 'bana do kɔ̃a we dɛ 'da Gale, nɛ nɛ 'bana tɛ kɔ̃ ngba nɛ. A tɔ̃a 'bɔ na, nɛ 'bana tɛ lengge lɛ de wena, nɛ nɛ do wɔ we zɔ tɛ lɛ ɔ nɛ kɛ lɛ tɛ mɛ 'bɔ do wɔ we zɔ tɛ nɛ ni.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TƐSALONIKƐ 1:3

Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.

1 TIMOTE 1:14

Gbãlã we, Nwa 'da lɛ Yezu bia dia zã 'da a hã mi, nɛ ma nɛa ngɔ mɛnɔ vɛ. Nɛ a dɛa na, mi ɔ do kɔ̃a we do kɔ̃ gɛnɛ ngba wi kɛ ma yolo kɔ a ni.

1 TIMOTE 2:3

Ki ni, ma a dia, nɛ ma dɛ yangga tɛ Gale Wi kpasa lɛ,

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

OHEBRE 11:17

We duzu kɛ Abrahama zɛ́ do kɔ̃a we dɛ 'da Gale ni, ma kɛ a bɛ̃̀ zɛ́ we nu Gale 'da fala kɛ a yamba sila a ni gɔ, nɛ a ba be 'da a Izaka na, ɛ gbɛ a we dɔnggɔ do Gale. Gɛnɛ kɔ Gale kpua zi mbulu hã Abrahama na, a ko sɛ obe, nɛ nde tili bà li a we hã kpo bulu be 'da a do dɔnggamɔ hã Gale gɔ.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

OHEBRE 4:11

Kɔ lɛ dɛ́ nganda wena we le fala kpe do tɛ wi ni, nɛ da dɛ kɔ mbe kpo sanga lɛ bɛ̃́ we nu Gale, kɔ a dɛ 'dã mɔ ɔ nɛ wanɔ wa zi li gba zɔ̃ i ni gɔ.

OHEBRE 6:15

Nɛ Abrahama 'bɔa zi 'da mbuli ni do du sila, nɛ a kpa mɛ kɛ Gale tɔ̃a zi nɛ hã a ni.

1 PETRO 3:4

Nɛ nde ma wia na, dia wi 'da nɛ ma yolo kɔ sila nɛ. Nɛ ɔ́ do gɛa sila, nɛ nɛ dungu fio, we kɛ ki ni a dia wi kɛ ma 'dángá fala kpo gɔ, nɛ Gale zɔ ma na, mɛ a de mɔ ngboo.

1 YOANƐ 3:18

Benɔ 'daa, ma wè na, lɛ kɔ̃ gɛnɛ ngba lɛ do nu lɛ iko gɔ. Nɛ nde ma wia na, lɛ kɔ̃ gɛnɛ ngba lɛ do sila lɛ, nɛ ma be tɛ̃ ɛ nza kɔ dɛa mɔ tɛ lɛ.

1 YOANƐ 3:21

Aa nɛ, oyali ngba mi, fala kɛ linggamɔ zu lɛ dà lɛ hã Gale gɔ, nɛ lɛ sɛ do kili dati a bina.

1 YOANƐ 3:3

Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.

1 YOANƐ 5:3

Mba gɔ, fala kɛ lɛ kɔ̃ gɛnɛ Gale kɔ̃a, nɛ lɛ dɛ sɛ mbulanɔ 'da a. Nɛ mbulanɔ kɛ a hã hã lɛ ni, ma ngàndà la li gɔ.

USU MƐNƆ 2:19

Mi ĩ ti dɛa mɔ tɛ nɛ vɛ̃. Nɛ mi ĩ na, nɛ do kɔ̃a zã wena, nɛ nɛ 'bana do kɔ̃a we dɛ 'da mi. Nɛ mi ĩ ti tɛlɛ tɛ kɛ nɛ hã tɛ nɛ we dɛ to hã mi do kpã sila ni. Nɛ mi ĩ 'bɔ na, tonɔ nɛ dɛ ma ngangga gɛ, ma gã nɛa ngɔ kɛnɔ zi dati ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.