1 TƐSALONIKƐ 1:10 - WE NU GALE 1995

¹⁰ Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TƐSALONIKƐ 1:10 Iomraidhean Croise

Ndo Nyanga Dɛ Mɔ 49:18

“Aa NWA, mi gbini zã mi do mɔ, hã mɔ kpasa mi.

MATIE 1:21

A ko sɛ bulu be, nɛ mɔ e sɛ li be ni na Yezu. We kɛ a kpasa sɛ winɔ 'da a kɔ 'dã mɛnɔ 'da wa.”

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 16:28

Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”

MATIE 3:7

Nɛ gba gili Ofariziɛnɔ do Osadisiɛnɔ wa tɛa 'da Yoanɛ na a batisa wa. Nɛ a tɔ̃ hã wa na: “Aa nɛ, kɛ nɛ ɔlɔ wele ɔ nɛ gɔ̃nɔ gɛ! Wi tɔ̃a hã nɛ na, nɛ yu 'bili we 'da Gale, kɛ ma kɔla ia gɛ a wio nde?

LUKA 2:25

Do 'da fala ni, mbe wele zi tɛ Yeruzalɛmɛ ni, li a a Simeoni. A zi a wi bɔlɔ zu, a dɔnggɔ zi Nwa Gale wena, nɛ a zi tɛ 'bɔ we zɔ wi kɛ a nɛ fo sɛ obe Israɛlɛ kɔ ngamɛ ni. Nɛ Hi Wi Santo zi fala nɛ kpo do a.

LUKA 3:7

Nɛ gba gili Owele wa tɛa 'da Yoanɛ na, a batisa wa. Nɛ a tɔ̃ hã wa na: “Aa nɛ, kɛ nɛ ɔlɔ wele ɔ nɛ gɔ̃nɔ gɛ! Wi tɔ̃a hã nɛ na, nɛ yu 'bili we 'da Gale, kɛ ma kɔla ia gɛ a wio nde?

Owi Nɛ Tonɔ 1:11

nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”

Owi Nɛ Tonɔ 17:31

Nɛ a ia ngba soe kpo, takɔ a 'bili sɛ we 'da winɔ do bɔlɔ nɛ. Nɛ nde a saka wi kɛ a nɛ 'bili we 'da winɔ ni ia. Ma kɛ a bia hã winɔ vɛ na, wi ni sɛ a wi 'bili we 'da wa, we kɛ a tunu zi a kɔ fio.”

Owi Nɛ Tonɔ 2:24

Nɛ nde Gale tunu a. A kpasa a kɔ ngamɛ 'da fio, we kɛ fio wè zi tɛ 'bana do ngawi ngɔ a fai gɔ.

Owi Nɛ Tonɔ 2:32

Wi ni, wi a Yezu kɛ Gale tunu a kɔ fie ni. Lɛ zɔa a, nɛ lɛ a otemɔɛ nɛ.

Owi Nɛ Tonɔ 3:15

Nɛ nɛ gbɛa zi Nwa wele kpasi, nɛ nde Gale tunu a kɔ fio, nɛ lɛ zɔa a, nɛ lɛ a otemɔɛ nɛ.

Owi Nɛ Tonɔ 3:21

Nɛ nde ngangga gɛ, ma wia na, Yezu 'bana dɛ ngɔ i, gbaa we hɔ 'da fala kɛ Gale a 'dafa sɛ 'bɔ mɛnɔ vɛ̃ do mbé nɛ, ɔ nɛ kɛ a tɔ̃a zɛ́ dati belee, do wala 'da Owi gba olo nu a kɛ a saka zɛ́ wa ni.

Owi Nɛ Tonɔ 4:10

Kɔ ma wia na, nɛ, do obe Israɛlɛ vɛ̃ nɛ ĩ na, wi kɛ zɛlɛ 'da a ia, kɔ a yolo dɛ dati nɛ gɛ, a kpasa do ngawi 'da li Yezu Kristo, wi Nazarɛtɛ, kɛ nɛ bɛ̃lɛ̃ zi a ngɔ finda te, nɛ Gale tunu a kɔ fie ni.

ROMA 1:4

Hã fala kɛ mɔ lengge do hi wi 'da a kɛ ma santo ni, nɛ nde Gale bia na, a a be 'da ɛ, kɛ a do ngawi wena ni. Gale bia ma 'da fala kɛ a tunu a kɔ fio ni.

ROMA 2:7

A hã sɛ kpasi kɛ ma é gɔ ni hã wanɔ kɛ wa hã tɛ wa we dɛ toe 'da wa do dia nɛ, nɛ wa fa we kpa dɔ̃lɔ̃ li ngboo, do dĩ li Gale, do kpasi kɛ ma 'dángá gɔ ni.

ROMA 4:25

Yezu ni hã zi tɛ̃ a, nɛ wa gbɛa a ngɔ finda te we duzu 'dã mɛnɔ 'da lɛ, nɛ Gale tunu a kɔ fio, takɔ a ba lɛ na, lɛ a Owi bɔlɔ zu li a.

ROMA 8:34

Wi wia we 'bili 'dã we dɛ zu wa a a wio nde? Mba gɔ, Yezu Kristo fia, nɛ a tunu 'bɔ kɔ fio, nɛ a dungu tɛ ngɔ ngawili kɔ̃ Gale tɛ aka a we lɛ.

1 KORINTƐ 1:7

nɛ nɛ zɔ̀lɔ̀ de mɛ kɛ Gale hã ma ni kpo gɔ. Nɛ ngangga ni, nɛ tɛ 'bɔ 'da tɛa 'da Nwa 'da lɛ Yezu Kristo.

GALATI 3:13

Kristo kpa fɔmba we duzu lɛ. Na mɛ ni, a gɔna zi zu lɛ kɔ fɔmba kɛ lɛ nɛ kpa sɔ ma, we kɛ lɛ zɔla dɛ mbula ni. Mba gɔ, wa kɔma kɔ 'Buki 'da Gale na: “Wi kɛ wa gãlã a nu te ni, fɔmba 'da Gale tia ngɔ a.”

FILIPƐ 3:20

Nɛ nde kɛ 'da lɛ, le 'da lɛ ngboo a le nwa 'da Gale. Nɛ lɛ 'bɔ 'da tɛa 'da Nwa 'da lɛ Yezu Kristo, wi kpasa lɛ, kɛ a yolo sɛ i mɔ ni.

KƆLƆSƐ 1:18

A a zu Eklezia, nɛ Eklezia a kili tɛ̃ a. Nɛ a a ndua nyanga kpasi 'da Eklezia. A a kuti be, nɛ a 'bɔ a kuti wi kɛ Gale tunu a sanga ofionɔ, takɔ a dungu nwa ngɔ owinɔ do mɛnɔ vɛ̃.

1 TƐSALONIKƐ 1:7

Na mɛ ni, nɛ dɛa mɔ tɛ nɛ bia wala hã owi kɔ̃a wenɔ ngɔ nù Masedɔanɛ do Akai vɛ.

1 TƐSALONIKƐ 2:16

Wa fa zi we kpe wala ti lɛ na, lɛ tɛ bè Dia Sakoe kɛ ma hã kpasi ni hã ogele winɔ gɔ. Nɛ we duzu ki ni, 'dã mɛnɔ 'da wa gã dɛ dati gã fai. Kɔ nɔ̃lɔ̃ zã 'da Gale tia ngɔ wa ia.

1 TƐSALONIKƐ 2:7

Gbãlã we, lɛ wia sɔ we be tɛ lɛ nɛ́ gã wi ni, we kɛ lɛ a wi nɛ tonɔ 'da Kristo, nɛ nde lɛ dɛ̀ zi ni gɔ. Lɛ dungu zi sanga nɛ do dia sila, ɔ nɛ naa be kɛ a dala obenɔ 'da a, nɛ a zɔ mɔ tɛ wa ni.

1 TƐSALONIKƐ 5:9

Mba gɔ, Gale sàkà zi lɛ na, nɔ̃lɔ̃ zã 'da a te ngɔ lɛ gɔ, nɛ nde a saka lɛ na, lɛ kpa kpasi do wala 'da Nwa 'da lɛ Yezu Kristo.

2 TIMOTE 4:1

We mi nɛ tɔ̃ nɛ ni, mi tɔ̃ ma hã mɔ dɛ gbali Gale do Yezu Kristo, kɛ a tɛ sɛ we 'bili we 'da owinɔ kɛ wa 'bana nza, do wanɔ wa fia ni, nɛ mi tɔ̃ ma do zu li Kristo, kɛ a tɛ sɛ ni, do zu li dɛa to nwa 'da a. We ni ma kɛ:

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

OHEBRE 10:27

Ki ni, nɛ nde ma 'bana tati a kɛ na, lɛ tana kili 'bɔ do 'da ngbangga kɛ Gale a 'bili sɛ dɛ ngɔ owi bɛ̃ gɛnɛ a ni, mba do gba nyɛa we kɛ ma tɛ sɛ we bɛlɛ wa ni.

OHEBRE 9:28

Na mɛ ni, Kristo hã zi tɛ a hã Gale, nɛ a fia fala kpo we 'dã mɛ 'da ogili winɔ. Nɛ a hɔ sɛ 'bɔ mbé nɛ fala kpo, nɛ nde a hɔ́ sɛ we fo 'dã mɔ gɔ, a hɔ sɛ we kpasa winɔ wa 'bɔ 'da a ni.

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

1 PETRO 2:21

Mba gɔ, Gale sa mɔ hã nɛ na, nɛ zɔ ngamɔ na mɛ ni, we kɛ Kristo zɔa zi tɛ mɛ 'bɔ ngamɔ we duzu nɛ. Nɛ a bia wala hã nɛ, takɔ nɛ zɔ tɛlɛ tɛ kɛ a dɛa zi ni, nɛ nɛ 'bã do kɔ̃ a.

1 PETRO 3:18

Yezu Kristo do tɛ̃ a, a fia zi we 'dã mɛ 'da owinɔ fala kpo ia, a fé sɛ 'bɔ gɔ. A wi kɛ a dɛ̀ zi 'dã mɔ gɔ, nɛ a fia we duzu Owi dɛ 'dã mɔ, takɔ a gese nɛ dɛ 'da Gale. Wa gbɛa a, nɛ kili tɛ a fia, nɛ nde a tunu kɔ fio do ngawi 'da Hi Wi 'da Gale.

2 PETRO 3:12

Nɛ dɛ na mɛ ni gbaa we 'bɔ do 'da tũ hɔa 'da Gale, nɛ nɛ dɛ 'bɔ nganda na, kɔ̃ tũi ni ma hɔ dɔ̃. Mɛ sɛ a tũi kɛ li nza ma bɛlɛ sɛ, nɛ mɛnɔ li nza i ni ma ngutu sɛ vɛ.

2 PETRO 3:14

We duzu ma, oyali ngba mi, mi tɔ̃ hã nɛ na, 'da fala nɛ tɛ 'bɔ 'da tũ hɔa 'da Nwa 'da lɛ ni, ma wia na, nɛ dɛ nganda, dɔ nɛ hɔ́ li a do 'dã mɔ gɔ, kɔ nɛ ɔ do gɛ̃a sila dati a.

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.