1 SAMUƐLƐ 8:3 - WE NU GALE 1995

³ Nɛ nde obenɔ 'da Samuɛlɛ wa hɔ̀ a gɔ. Wa lengge tati a do mbilinɔ winɔ wa 'dɔlɔ hã wa ni, nɛ nde wa gɔ́nɔ́ wenɔ do bɔlɔ nɛ gɔ.

1 SAMUƐLƐ 8:3 Iomraidhean Croise

2 SAMUƐLƐ 15:4

Nɛ a tɔ̃ 'bɔ na: “Aa! Ɔ do kɛ mi sɔ a wi gɔnɔ we ngɔ nùi gɛ, nɛ winɔ vɛ̃ kɛ wa kpa we, tabi wa kɔ̃a we 'dafa we 'da wa ni, wa tɛ sɔ we kpa mi, nɛ mi gɔnɔ sɔ we 'da wa do bɔlɔ nɛ.”

Zumanɔ 15:5

A kɔ̃̀ na, ɛ kpa ngɔ mbilinɔ kɛ wa ba kɔ ɛ do ku'da ni gɔ. A kɔ̃̀ na, wa 'dɔlɔ omɔ hã ɛ na, ɛ tɔ̃ 'dã we dɛ ngɔ wi bɔlɔ zu gɔ. Wi kɛ a dɛ mɛnɔ gɛ vɛ̃ ni, nɛ nde mɔ kpo yɛ́kɛ́ sɛ a gɔ.

Zumanɔ 26:10

Kɔ̃ wa ili do dɛ 'dã mɔ. Wele 'dɔlɔ de mɔ hã wa, sɛ nɛ wa dɛ to hã a de.

Kulu Tɔa 18:21

Dɛ ngɔ nɛ, mɔ sáká kɔ owinɔ, nɛ mɔ kala wanɔ kɛ wa a wi dĩ, nɛ wa dɛ kili Gale dɛa, nɛ wa a wi bɔlɔ zu, nɛ wa dɛ́ to olo avoka gɔ ni. Wanɔ ni, mɔ é wa do owi zɔ mɔ tɛ ongba wa. Mɔ e sɛ wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Kulu Tɔa 23:6

“Nɛ tɛ gɔnɔ we 'da wi sã do bɛlɛ hã ma 'danga ngbangga gɔ.

Kulu Tɔa 23:8

Nɛ tɛ kɔ̃̀ gɛnɛ avoka kɛ winɔ wa futa ma hã nɛ na, nɛ kpolo linggamɛ 'da nɛ ni gɔ. Fala kɛ nɛ ba ma, hã gɛnɛ kɔ nɛ a ogbãlã wele ngboo, nɛ ma 'danga sɛ 'bili wenɔ 'da nɛ.

WI LENGGE WE 2:19

Wi ni sɛ tabi a wi hã zã, tabi yɔndɔ wi nde? Lɛ ĩ̀ gɔ. Nɛ nde a sɛ a wele mɔ olo tonɔ vɛ̃ kɛ mi dɛa ma do hã zã mi ngɔ nù gɛ ni. Ki ni a mɔ kɛ fo gulu nɛ bina.

Ezai 1:23

Onwa ngɔ nɛ, wa a Owi dɛ nga zu, wa ba 'bia do Owi zũ. Wa fa tati a mbili iko. Wele futa wa, sɛ nɛ wa dɛ to hã a de. Wa 'danga gulu we 'da be gula, nɛ wa kɔ̃́ we zele ngbangga mɔ́ wi fio wili gɔ.

Ezai 33:15

Wi kɛ a wia sɛ we 'bana kɛ zã we ni, wi a wi dɛ bɔlɔ zu dɛa mɔ, wi tɔ̃ gbãlã we, do wele kɛ a bɛ̃ dɛ ngatɛ we kpa do mɔ ni. A kɔ̃́ na, wele hã de mɔ hã ɛ, nɛ ɛ hɔ wi 'da a gɔ. A bá zã zu we do wi gbɛ wi, tabi do wi dɛ 'dã mɔ gɔ.

Mike 3:11

Owele wa hã dia mɔ hã Owi 'bili wenɔ, sɛ nɛ wa ĩ ti 'bili dia we hã wa de. Wa hã mbili hã onganganɔ, sɛ nɛ wa be mbula de. Wa hã mbili hã owinɔ kɛ wa gba olo nu Gale ni, sɛ nɛ wa tɔ̃ we mɛnɔ ma dɛ sɛ tɛ̃ ɛ ni de. Nɛ nde mɛ ni, wa 'bã nu wa, nɛ wa tɔ̃ na, NWA Gale do lo boe, nɛ nde lo kpá sɛ 'dã mɔ kpo gɔ.

Mbulanɔ 16:19

Nɛ ma wè na, wa gbɛ 'dã we hã owi dia gulu wenɔ do bɛlɛ gɔ. Wa tɛ zɔ̃ bula li wele, sɛ nɛ wa gɔnɔ dia we hã a de gɔ. Wele futa avoka hã wa na, wa 'bili dia gulu we hã ɛ, nɛ wa tɛ kɔ̃̀ gɛnɛ nɛ gɔ. We kɛ avoka ni, ma wia we lɔ li wi hã zã do wi bɔlɔ zu na, wa gɔnɔ ngbangga do 'dã nɛ.

1 TIMOTE 3:3

A tɛ ha tɛ a we dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ. Nɛ nde a ɔ́ wi gɛ̃a sila, do wi dɛ na, nɛ wɔ mbili tɛ gà li sila a gɔ.

1 TIMOTE 6:10

Mba gɔ, wɔ tɛ mbili, mɛ a gulu 'dã mɛnɔ vɛ. Ombe wele wa yɔa wala 'da Kristo kɛ wa kɔ̃a zi a ni do'do, we kɛ wa ba zi tɛ wa vɛ we mbili iko, nɛ wa kpa ngamɔ kɔ sila wa wena.

1 SAMUƐLƐ 12:2

Yolo do sɔɛ gɛ, a kpe sɛ dati nɛ, we kɛ mi dɛa gbɛlɛ do'do, nɛ mi 'bɔ do ngawi bina. Obenɔ 'da mi, wa sanga nɛ gɛ boe. Mi fɔmɔ zi nɛ, yolo ngɔ be tɛ mi gbaa we hɔ sɔɛ gɛ.

1 SAMUƐLƐ 2:35

'Do kɛ wa fe sɛ ni, nɛ mi saka sɛ nganga kɛ a dɛ olo nu mi, nɛ a dɛ mɛ zã mi kɔ̃a ni. Mi hã sɛ obe kɔ nu fɛlɛ a, nɛ wa sɛ a onganganɔ 'da mi. Nɛ wa dɛ sɛ toe 'da wa fala nɛ kpo do nwa mi nɛ saka sɛ a ni fai.