1 SAMUƐLƐ 8:1 - WE NU GALE 1995

¹ 'Da fala kɛ Samuɛlɛ hɔa kpasa wi do'do ni, nɛ a ia obenɔ 'da a do owi kpe dati obe Israɛlɛ.

1 SAMUƐLƐ 8:1 Iomraidhean Croise

NEHEMIE 7:2

Nɛ mi ba to fɔmɔ le Yeruzalɛmɛ hã nya mi Hanani, fala nɛ kpo do Hanania, gã wi ngɔ osodanɔ kɛ wa zɔ mɔ tɛ nu gba ngboe ni. We kɛ Hanania zi a wi kɛ Owele wa gbini zã wa do a, nɛ a dɛ zi 'bɔ kili Gale nɛa ngɔ tala ogele ngba a.

1 TIMOTE 5:21

Mi ba nu mi hã mɔ do zu li Gale, do zu li Yezu Kristo, do zu li anzɛnɔ kɛ a saka wa ni na, mɔ dɛ́ mbulanɔ kɛ mi tɔ̃a hã mɔ gɛ vɛ, nɛ mɔ tɛ zɔ̀ bula li wele gɔ, nɛ nde mɔ dɛ́ mɔ hã winɔ vɛ we kɔ̃.

Owi kpe dati 10:4

A zi do obulu be 'bu wa talɛ. Nɛ obenɔ ni wa zi a ogã wi ngɔ nù Galadɛ, nɛ wa zi vɛ̃ do pundanɔ 'da wa we kũ ngɔ wa boe. Wa 'bana tɛ sa li falanɔ ni gbaa tia do sɔɛ gɛ na lenɔ 'da Yairɛ.

Owi kpe dati 12:14

Abdoni zi do obe 'bu wa nalɛ, nɛ obe yaa a vɛ̃ wa zi 'bu wa talɛ, nɛ wa zi a ogã wi, nɛ wa zi vɛ̃ do pundanɔ 'da wa we kũ ngɔ wa boe. Mɛ a opunda 'bu nɛ sambo. Abdoni kpia dati obe Israɛlɛ 'do sabɛlɛ ngbɛ'dɛ'dɛ,

Owi kpe dati 5:10

Aa nɛ, ogã winɔ kɛ nɛ kũ ngɔ ofɛ̃a pundanɔ, tabi nɛ dungu ngɔ dia bunggu, tabi nɛ la do li gba walanɔ do nyanga nɛ ni, nɛ tɔ̃ sako dia mɛ kɛ NWA dɛa ma gɛ!

1 SAMUƐLƐ 12:2

Yolo do sɔɛ gɛ, a kpe sɛ dati nɛ, we kɛ mi dɛa gbɛlɛ do'do, nɛ mi 'bɔ do ngawi bina. Obenɔ 'da mi, wa sanga nɛ gɛ boe. Mi fɔmɔ zi nɛ, yolo ngɔ be tɛ mi gbaa we hɔ sɔɛ gɛ.