1 SAMUƐLƐ 7:4 - WE NU GALE 1995

⁴ Obe Israɛlɛ wa nɛa we zele ni, nɛ wa bɛ̃a gɛnɛ okpikima gale Bala, do kɛnɔ 'da gale wuke li a a Astarte ni. Nɛ wa dɔnggɔ tati a NWA zu a kpo.

1 SAMUƐLƐ 7:4 Iomraidhean Croise

1 Onwanɔ 11:33

Mi dɛ sɛ ni, we kɛ Salɔmɔ bɛ̃a gɛnɛ mi do'do, nɛ a ba tɛ̃ a we dɔnggɔ ogele gale. A dɔnggɔ Astarte, gale wuke 'da Osidoni, do Kɛmɔsi, gale 'da Omoabɛ, do Milkɔmɛ, gale 'da Oamoni. Salɔmɔ bɛ̃a we nu mi, nɛ a dɛa 'dã mɔ. A dɛ mbulanɔ 'da mi, do we nu mi, ɔ nɛ kɛ baa Davidi dɛa zi ni gɔ.

1 Onwanɔ 11:5

Nɛ Salɔmɔ ma ngɔ dɔnggɔ Astarte, gale wuke 'da Osidoni, do Milkɔmɛ, gba sɔ̃ gale 'da Oamoni.

1 Onwanɔ 8:48

Nɛ wa gbala 'dã mɛ 'da wa do sila wa vɛ̃ tɛ le 'duli i. Kɔ 'do nɛ, hã wa siki li wa dɛ tɛ nùi kɛ mɔ hã zi hã oyaa wa ni, do tɛ le kɛ mɔ saka zi, do tɛ tɔa Tɛmpɛloe mi dɛa hã mɔ gɛ, hã wa sambala mɔ do 'da fala ni,

2 Onwanɔ 23:15

A 'danga 'bɔ fala kɛ Yeroboamɛ, be 'da Nɛbatɛ 'dafa zi ma tɛ Betɛlɛ we dɔnggɔ ogale bɛlɛnɔ ni. Yeroboamɛ zi a tumba obe Israɛlɛ we dɛ 'dã mɔ. Yoziasi nɛa, nɛ a fi we tɛ fala ni, nɛ a 'danga gbagala, nɛ a dɔ kpikima gale Asera, nɛ ma ngutu, nɛ ma dɛ bũ vɛ̃.

OZE 14:3

Nɛ kpóló tɛ nɛ dɛ 'da NWA, nɛ nɛ tɔ̃ hã a na: “Mɔ a mɔ fo ku'da 'dã mɔ zu wele. Kɔ mɔ kɔ̃, nɛ mɔ zele sambala 'da lɛ.

OZE 14:8

Owinɔ 'da mi kɛ mi zɔ zi mɔ tɛ wa ni, wa kpolo sɛ tɛ wa dɛ 'da mi. Wa wa sɛ 'bɔ fɔ, nɛ ma ko sɛ kpalɛ wena, nɛ sako li wa ma yɛ'bɛ sɛ, ɔ nɛ sako li dia dɔ̃ ngɔ nù Libanɛ ni.

Owi kpe dati 2:11

Obe Israɛlɛ wa dɛa zi mɔ kɛ ma dè tɛ NWA gɔ ni, nɛ wa dɔnggɔ 'bɔ okpikima gale Bala.

Owi kpe dati 2:13

Wa bɛ̃a gɛnɛ NWA we dɔnggɔ ogale Bala do Astarte.

1 SAMUƐLƐ 7:3

Samuɛlɛ nɛa we zɔ ni, nɛ a tɔ̃ hã wa na: “Fala kɛ nɛ kɔ̃ ngboo we kpolo tɛ nɛ dɛ 'da NWA, nɛ nɛ lá fala dɔnggɔ okpikimanɔ, do ogele ogalenɔ. Nɛ nɛ hã́ tɛ nɛ hã NWA. Nɛ dɛ́ to tati nɛ hã a zu a kpo. Nɛ dɛ ni, nɛ a fo sɛ nɛ ti mbula 'da Ofilisti.”

1 SAMUƐLƐ 7:5

Samuɛlɛ tɔ̃a 'bɔ hã wa na: “Nɛ winɔ vɛ̃, nɛ mbá li ngba nɛ dɛ kɔ le Mispa, nɛ mi sambala sɛ NWA we duzu nɛ i mɔ.”