1 SAMUƐLƐ 7:3 - WE NU GALE 1995

³ Samuɛlɛ nɛa we zɔ ni, nɛ a tɔ̃ hã wa na: “Fala kɛ nɛ kɔ̃ ngboo we kpolo tɛ nɛ dɛ 'da NWA, nɛ nɛ lá fala dɔnggɔ okpikimanɔ, do ogele ogalenɔ. Nɛ nɛ hã́ tɛ nɛ hã NWA. Nɛ dɛ́ to tati nɛ hã a zu a kpo. Nɛ dɛ ni, nɛ a fo sɛ nɛ ti mbula 'da Ofilisti.”

1 SAMUƐLƐ 7:3 Iomraidhean Croise

Ndo Nyanga Dɛ Mɔ 35:2

Yakɔbɔ zila ní, nɛ a tɔ̃ hã nu fɛlɛ kula 'da a, mba do owinɔ vɛ̃ kɛ wa ɔ do a ni na: “Nɛ fo ogele galenɔ kɛ nɛ do wa ni do'do. Nɛ nɛ fɔ́lɔ́ tɛ nɛ, nɛ nɛ hɔ osa wi li Gale, nɛ nɛ kpolo tulu tɛ nɛ.

1 Onwanɔ 11:33

Mi dɛ sɛ ni, we kɛ Salɔmɔ bɛ̃a gɛnɛ mi do'do, nɛ a ba tɛ̃ a we dɔnggɔ ogele gale. A dɔnggɔ Astarte, gale wuke 'da Osidoni, do Kɛmɔsi, gale 'da Omoabɛ, do Milkɔmɛ, gale 'da Oamoni. Salɔmɔ bɛ̃a we nu mi, nɛ a dɛa 'dã mɔ. A dɛ mbulanɔ 'da mi, do we nu mi, ɔ nɛ kɛ baa Davidi dɛa zi ni gɔ.

1 Onwanɔ 8:48

Nɛ wa gbala 'dã mɛ 'da wa do sila wa vɛ̃ tɛ le 'duli i. Kɔ 'do nɛ, hã wa siki li wa dɛ tɛ nùi kɛ mɔ hã zi hã oyaa wa ni, do tɛ le kɛ mɔ saka zi, do tɛ tɔa Tɛmpɛloe mi dɛa hã mɔ gɛ, hã wa sambala mɔ do 'da fala ni,

2 Onwanɔ 17:39

Nɛ dɔnggɔ tati a mi NWA Gale 'da nɛ zu mi kpo, we kɛ wi a mi zu mi kpo hã mi wia we fo nɛ ti kɔ̃ Owi sɛnɛ nɛ vɛ̃.”

2 Onwanɔ 23:15

A 'danga 'bɔ fala kɛ Yeroboamɛ, be 'da Nɛbatɛ 'dafa zi ma tɛ Betɛlɛ we dɔnggɔ ogale bɛlɛnɔ ni. Yeroboamɛ zi a tumba obe Israɛlɛ we dɛ 'dã mɔ. Yoziasi nɛa, nɛ a fi we tɛ fala ni, nɛ a 'danga gbagala, nɛ a dɔ kpikima gale Asera, nɛ ma ngutu, nɛ ma dɛ bũ vɛ̃.

1 Sakonɔ 22:19

Nɛ nde nɛ dɛ́ mbula nu NWA Gale 'da nɛ do kɔ sila nɛ, do kili tɛ nɛ vɛ̃. Nɛ é tɛ nɛ fala dɛa to 'da NWA Gale, nɛ nɛ dɛ́ fala we dɔnggɔ do a. 'Do nɛ, nɛ nɛ ba Sanduku Gba Tɔkɛ 'da NWA, nɛ nɛ kala mɛnɔ kɛ ma santo ni, nɛ nɛ a ma kɔ tɔa kɛ nɛ dɛ sɛ we dɔ̃lɔ̃ li 'da a ni.”

1 Sakonɔ 28:9

Nɛ 'do ki ni, nɛ a tɔ̃ hã Salɔmɔ na: “Salɔmɔ be 'daa, ma wia na, mɔ ĩ ti Gale kɛ mi dɛa toe hã a ni. Nɛ mɔ dɔnggɔ a do sila mɔ kpo, do hi wi 'da mɔ vɛ̃. Mba gɔ, NWA zɔ mɔ gbaa kɔ sila wele, nɛ a ĩ ti linggamɔ zã wele. Mɔ fa a, nɛ mɔ kpa sɛ a. Kɔ mɔ bɛ̃ gɛnɛ a, nɛ a da sɛ kɔ̃ a tɛ mɔ fai.

2 Sakonɔ 19:3

Gɛnɛ kɔ ni, nɛ nde mɔ do de dɛa mɔ boe, we kɛ mɔ dɔa okpikima gale Asera ngɔ nùi 'da mɔ, nɛ mɔ dɛa mbula 'da Gale do sila mɔ vɛ̃.”

2 Sakonɔ 20:33

Gɛnɛ kɔ na mɛ ni, nɛ nde a 'dàngà zi falanɔ wa 'dafa we dɔnggɔ do okpikimanɔ ni gɔ. Nɛ we duzu nɛ, owinɔ wa gbìnì zi zã wa do Gale 'da oyaa wa gɔ.

2 Sakonɔ 30:19

“Aa NWA Gale 'da oyaa lɛ, mɔ mbɔ́kɔ́ owinɔ kɛ wa fa we dɛ olo nu mɔ do nga nɛ, nɛ nde wa fɔ̃lɔ̃ tɛ wa we hɔ sa wi li mɔ gɔ ni.”

GBA WENƆ 16:1

Wele 'dafa linggamɔ we dɛ mɔ. Nɛ nde wi wia we 'bili na, ma dɛ tɛ̃ ɛ, tabi ma tɛ dɛ̃ tɛ̃ ɛ gɔ ni, wi a NWA Gale.

Ezai 55:7

E kɔ o'dã winɔ wa kpolo linggamɔ zu wa, nɛ wa la fala 'dã mɛnɔ 'da wa, nɛ wa kifi tɛ wa dɛ 'da NWA Gale, nɛ a ĩ sɛ 'bako hã wa, nɛ a mbɔkɔ sɛ wa.

Yeremi 24:7

Mi 'dafa sɛ sila wa takɔ wa ĩ na, mi ngboo a NWA. Wa sɛ a owinɔ 'da mi, nɛ mi sɛ a Gale 'da wa, we duzu kɛ wa kpolo sɛ tɛ wa dɛ 'da mi do sila wa vɛ̃.

Yeremi 36:3

Mbe gɔ, nɛ Oyuda wa zele sɛ we ngamɛnɔ vɛ̃ kɛ mi lengge we tombo dɛ ngɔ wa ni, nɛ wa la sɛ fala 'dã dɛa to tɛ wa. Kɔ wa dɛ ni, nɛ mi fo sɛ ku'da 'dã mɛnɔ 'da wa zu wa.”

Yeremi 4:1

NWA tɔ̃a na: “Nɛ, obe Israɛlɛ, fala kɛ nɛ kɔ̃ we kpolo tɛ nɛ 'da mi, nɛ nɛ kpolo tɛ nɛ. Fala kɛ nɛ fo okpikimanɔ ngɔ li mi do'do, nɛ nde nɛ yɛ́nggɛ́ sɛ 'bɔ nde nde gɔ.

EZEKIƐLƐ 14:6

Ma kɛ mɔ tɔ̃ hã obe Israɛlɛ na, mi NWA Gale, mi kɔ̃a na, wa la fala dɔnggɔ okpikimanɔ. Wa kifi sila wa dɛ 'da mi, nɛ wa la fala dɛ 'dã mɛnɔ.

EZEKIƐLƐ 18:31

Nɛ lá fala 'dã mɛnɔ kɛ nɛ dɛ ni, nɛ nɛ kífí sila nɛ, nɛ nɛ 'dáfá linggamɔ zu nɛ. Gulu kɛ nɛ, obe Israɛlɛ, nɛ fa fio we ge nde?

OZE 14:1

“Mi Gale, mi hã sɛ etumbu hã owi Samaria, we kɛ wa dɛa nga zu dɛ tɛ mi. Owi sɛnɛ wa wa gbɛ sɛ wa li bolo, nɛ wa mbɔtɔ sanga obenɔ 'da wa, nɛ wa gba zã wi naa zãnɔ.”

MATIE 15:8

‘Winɔ gɛ wa dɔnggɔ mi do nu wa iko, nɛ nde sila wa ngɔ mi bina.

MATIE 4:10

Nɛ Yezu gese hã a na: “Mɔ fó tɛ mɔ, Satana! Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

MATIE 6:24

“Wele wè tɛ dɛ to hã onwa bɔa gɔ. Mba gɔ, a sɛnɛ sɛ mbe kpo, nɛ a kɔ̃ gɛnɛ mbee nɛ. Tabi a nɛ sɛ 'do mbe kpo, nɛ a bɛ̃ we nu mbee nɛ. Kɔ nɛ wè tɛ hã tɛ nɛ we dɛa toe 'da Gale, nɛ nɛ hã 'bɔ tɛ nɛ we mbili gɔ.

LUKA 4:8

Nɛ Yezu gese hã a na: “Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

YOANƐ 4:24

Gale a Hi Wi, nɛ ma wia na, Hi Wi 'da Gale hã ngawi hã winɔ wa dɔnggɔ a ni, kɔ wa dɔnggɔ a do gbãlã we.”

Mbulanɔ 10:20

“Nɛ dɛ́ olo nu NWA Gale 'da nɛ, nɛ nɛ dɔnggɔ tati a a zu a kpo. Nɛ ndá'dá tɛ nɛ do a, nɛ nɛ káná tɛ nɛ do li a zu a kpo.

Mbulanɔ 4:29

Nɛ nde nɛ hɔ ngɔ nùnɔ ni, kɔ nɛ fa NWA Gale 'da nɛ do sila nɛ vɛ̃, do hi nɛ vɛ̃, nɛ nɛ kpa sɛ a.

Mbulanɔ 6:13

“Nɛ dɔnggɔ sɛ NWA Gale 'da nɛ, nɛ nɛ sambala tati a a zu a kpo. Nɛ kana sɛ tɛ nɛ do zu li a zu a kpo iko.

Yozue 13:31

Nɛ Omanase, wa kpa 'bɔ nù Galadɛ, do le Asɛtarɔtɛ, do Edrei. Lenɔ bɔa ni, mɛ a ã gbɛlɛ gã lenɔ 'da nwa Ɔgɛ. Nɛ Mɔizɛ hã nùi ni vɛ̃ hã mbee nu kpala Manase, kɛ yaa wa zi a Makirɛ, be 'da Manase ni.

Yozue 24:14

Nɛ Yozue tɔ̃ 'bɔ na: “Ma wia na, nɛ dɔnggɔ NWA Gale, nɛ nɛ dɛ to hã a do sila nɛ vɛ̃, do gbisa zu. Nɛ nɛ bɛ̃ gɛnɛ gele galenɔ, kɛ oyaa nɛ wa sambala zɛ́ wa tɛ fala wa 'bana kulu lì Efratɛ, tabi tɛ Ezipeto i ni, nɛ nɛ dɛ to tati nɛ hã NWA Gale zu a kpo.

Yozue 24:23

Nɛ Yozue tɔ̃ na: “Ma ɔ ní, nɛ nɛ bɛ gɛnɛ ogele galenɔ kɛ wa 'bana sanga nɛ ni. Nɛ nɛ á sila nɛ vɛ̃ ngɔ NWA Gale 'da lɛ obe Israɛlɛ.”

Owi kpe dati 10:16

Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.

Owi kpe dati 10:6

Obe Israɛlɛ wa dɛa zi 'bɔ mɔ kɛ ma dè tɛ NWA Gale gɔ ni. Wa dɔnggɔ ogale Bala do Astarte. Nɛ wa dɔnggɔ 'bɔ ogalenɔ 'da Osiri, Osidoni, Omoabɛ, Oamoni do Ofilisti. Obe Israɛlɛ wa siki zi 'do wa, nɛ wa lo do nwa, nɛ wa bɛ̃a we dɔnggɔ a.

Owi kpe dati 2:11

Obe Israɛlɛ wa dɛa zi mɔ kɛ ma dè tɛ NWA gɔ ni, nɛ wa dɔnggɔ 'bɔ okpikima gale Bala.

Owi kpe dati 2:13

Wa bɛ̃a gɛnɛ NWA we dɔnggɔ ogale Bala do Astarte.

1 SAMUƐLƐ 31:10

Nɛ wa a mɔ bi bolonɔ olo Saulo ni kɔ tɔa tɛmpɛloe 'da gale Astarte, nɛ wa gãlã wɔlɔ Saulo tɛ gba ngbo tɛ Bɛtɛ-Seanɛ.