2 Olo kɛ wa ia Sanduku Gba Tɔkɛ 'da NWA tɛ kɔ le Kiriatɛ-Yearimɛ la sabɛlɛ dɔ wena. Ma zɔ́lɔ́ la mbe nɛ́ sabɛlɛ 'bu nɛ bɔa gɔ. Nɛ sila obe Israɛlɛ ma ngɔ tombo wa na, wa kpolo tɛ wa dɛ 'da NWA.
Ma kɛ Davidi sa mɔ hã obe Israɛlɛ tɛ ngɔ nùi 'da wa vɛ̃, yolo tɛ li ngbala nù Ezipeto si ba gɔtɔ, gbaa we hɔ tɛ Lɛbo-Hamatɛ si gbãlã ngɔ, takɔ wa nɛ we ba Sanduku Gba Tɔkɛ tɛ Kiriatɛ-Yearimɛ i.
'Da fala ni, nɛ mbe gele wi gba olo nu Gale zi kpo, li a a Uria, be 'da Sɛmaya, wi kɔ le Kiriatɛ-Yearimɛ. Nɛ a wele zi we do zu li NWA Gale, nɛ a tɔ̃a zi tɛ mɛ 'bɔ 'dã lɛnggɛ ɔ na mɛ ni dɛ ngɔ le Yeruzalɛmɛ do nù Yuda.
Wa gbálá tati a 'dã mɛnɔ 'da wa, nɛ wa tɛ kàfà na, wa bɛ̃a zi gɛnɛ mi, NWA Gale 'da wa ni gɔ. Wa gbálá tɛ wa na, wa nɛa zi 'dɔkɔlɔ ogele galenɔ tɛ ti tenɔ kɛ nwá nɛ 'bɔa nɛ ge nde ni, nɛ wa zèlè zi we nu mi gɔ. Mi NWA, mi tɔ̃a ni.”
Wa kpolo sɛ tɛ wa do mili kɔ̃a li wa, nɛ wa ala sɛ nu wa tɛ si nɛ. Nɛ mi be sɛ wala hã wa, nɛ mi kã wa dɛ nu be wayanɔ. Wa la sɛ do li dia wala, nɛ wa kpá sɛ ngamɔ gɔ. Mi sɛ a baa Oisraɛlɛ, nɛ Efraimɛ sɛ a kutu bulu be 'da mi.
Wa zila ní, nɛ wa kulu ngɔ, nɛ wa le wala. Wa nɛa fai, nɛ ma hɔa tɛ kɔ̃ tũ kɛ talɛ, nɛ wa hɔ kɔ olenɔ 'da owinɔ ni. Li lenɔ ni ma kɛ: Gabaoni, Kɛfira, Bɛerɔtɛ, do Kiriatɛ-Yearimɛ.
Owi Kiriatɛ-Yearimɛ wa kpa toe ni, nɛ wa nɛa, nɛ wa ba Sanduku Gba Tɔkɛ. Nɛ wa si do nɛ dɛ kɔ tɔa 'da Abinadabɛ, kɛ ma zi tɛ ngɔ kala. Dɛ 'do nɛ, nɛ wa ia kɔ̃ wa zu Elazarɛ, be 'da Abinadabɛ na, a ɔ wi zɔ mɔ tɛ Sanduku Gba Tɔkɛ 'da NWA.
Samuɛlɛ nɛa we zɔ ni, nɛ a tɔ̃ hã wa na: “Fala kɛ nɛ kɔ̃ ngboo we kpolo tɛ nɛ dɛ 'da NWA, nɛ nɛ lá fala dɔnggɔ okpikimanɔ, do ogele ogalenɔ. Nɛ nɛ hã́ tɛ nɛ hã NWA. Nɛ dɛ́ to tati nɛ hã a zu a kpo. Nɛ dɛ ni, nɛ a fo sɛ nɛ ti mbula 'da Ofilisti.”