1 SAMUƐLƐ 6:3 - WE NU GALE 1995

³ Nɛ onganganɔ do owi 'bɛnɛ mɛnɔ ni, wa gisa hã wa na: “Nɛ kɔ̃ we gese Sanduku Gba Tɔkɛ 'da Gale 'da obe Israɛlɛ, nɛ nɛ tɛ gèsè ma iko gɔ. Nɛ gésé ma do dɔnggamɔ, we si olo 'dã mɛ 'da nɛ. Nɛ dɛ́ ni, nɛ mbe gɔ, nɛ Gale 'da wa a kpasa sɛ nɛ. Nɛ nɛ ĩ sɛ 'bɔ gulu kɛ a hã do ngamɛ hã nɛ ni.”

1 SAMUƐLƐ 6:3 Iomraidhean Croise

YƆBƆ 10:2

Gale, mɔ tɛ 'bìlì 'dã gulu we hã mi gɔ. 'Dã mɛ mi dɛa ni a ge nde? Mɔ tɔ̃ hã mi sɛ.

Kulu Tɔa 23:15

Kuti ɛngga kɛ nɛ dungu sɛ ma, mɛ a ɛngga Nyɔngɔ Mapa kɛ wa à ina hana mapa tɛ nɛ gɔ. Ɛngga ni, nɛ dungu sɛ 'do tũnɔ sambo kɛ nɛ ia we nɛ ni, ma sɛ do zɛkɛ 'da kpo tabi zɛkɛ Abibɛ. Tua kɛ nɛ hɔa zi nza Ezipeto do zɛkɛ ni. Do 'da fala ɛngga ni, nɛ dɛ sɛ ɔ nɛ kɛ mi ba do nu mi hã nɛ gɛ: Nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ́ sɛ tɛ fala dɔnggɔ do mi do wila kɔ̃ nɛ gɔ, nɛ tɛ sɛ do mɔ we dɔnggɔ do mi.

Kulu Tɔa 34:20

Ma ɔ do kuti be wili punda, nɛ nɛ kpolo a do be wili bata, tabi be wili dua, we gbɛ a hã mi. Ní gɔ, nɛ nɛ gbini gɛlɛ be wili punda ni, nɛ nɛ gbɛ a. Nɛ gɔnɔ sɛ zu Okuti bulu benɔ 'da nɛ do mbili. “Nɛ nɛ́ sɛ tɛ fala dɔnggɔ do mi do wila kɔ nɛ gɔ, nɛ nɛ sɛ do mɔ we dɔnggɔ do mi.

Kulu Tɔa 8:15

Owi dɛ sɔ̃nɔ wa zɔa ni, nɛ wa tɔ̃ hã nwa ngɔ nù Ezipeto na: “Ngawi 'da Gale ma a dɛ mɛ gɛ.” Nɛ nde nwa ngɔ nù Ezipeto dɛa nga zu, kpasaa ɔ nɛ kɛ NWA Gale tɔ̃a zi ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 6:6

Ma wia na, we nyɛ ngɔ gbagala ni nyɛa fai, nɛ ma tɛ bì gɔ.

Mbulanɔ 16:16

“Sabɛlɛ kpo kpo, nɛ owi wilinɔ vɛ̃ sanga nɛ gɛ, wa yolo sɛ dati NWA Gale 'da nɛ fala talɛ, tɛ fala a saka na, wa dɔnggɔ do ɛ ni. Wa yolo sɛ ní do 'da fala ɛngga Hɔ Nza kɔ Ngbá, ɛngga Kala Kpalɛ, do ɛngga Ɔ ti Da. Nɛ wa nɛ sɛ tɛ fala dɔnggɔ do Gale, nɛ nde wa nɛ́ sɛ do wila kɔ̃ wa iko gɔ.

1 SAMUƐLƐ 5:11

Wa tɔ̃a ni do'do, nɛ wa sa mɔ hã ogã wi ngɔ Ofilisti, nɛ wa tɔ̃ hã wa na: “Nɛ gésé Sanduku Gba Tɔkɛ 'da obe Israɛlɛ dɛ kɔ le 'da wa wele nɛ. We kɛ ma 'bana 'da lɛ nga, nɛ lɛ fe sɛ vɛ̃.” Do 'da fala ni, nɛ nde owinɔ vɛ̃ kɔ le ni, wa zi do kili gã wena, we kɛ NWA bia zi ngawi 'da a hã wa.

1 SAMUƐLƐ 5:7

Owinɔ le ni, wa nɛa we zɔ ongamɛnɔ ma kpa wa ni, nɛ wa na: “Lɛ kɔ̃̀ 'bɔ mbé nɛ na, Sanduki Gba Tɔkɛ 'da Gale 'da obe Israɛlɛ ma 'bana dɛ 'da lɛ gɛ gɔ. Gale 'da obe Israɛlɛ a hã ngamɔ hã lɛ do hã gale 'da lɛ Dagoni wena.”

1 SAMUƐLƐ 5:9

Wa nɛa we hɔ do nɛ i mɔ, nɛ nwa bia ngawi 'da a hã owinɔ kɔ le Gatɛ ni. Kili ma ba wa dè gɔ, nɛ yole hɔa go'do wa vɛ̃, yolo ngɔ be bi sĩ we hɔ ngɔ kpasa wi.

1 SAMUƐLƐ 6:8

Nɛ kpó wa ni do'do, nɛ nɛ ba Sanduku Gba Tɔkɛ 'da NWA, nɛ nɛ e ma kɔ ngilingili ni. Nɛ kala sɛ omɔ mbalinɔ, nɛ nɛ a ma dɛ kɔ be sanduku, nɛ nɛ hã ma hã Gale, we si olo 'dã mɛ 'da nɛ. Nɛ e sɛ mɛnɔ ni dɛ kɛ zã Sanduku Gba Tɔkɛ ni. Dɛ 'do nɛ, nɛ nɛ e sɛ ngilingili na ma la.

1 SAMUƐLƐ 6:9

Ma ma ngɔ la nɛ, nɛ nɛ zɔ̃ wala ma nɛ la nɛ ni. Fala kɛ ma ba wala nù Israɛlɛ do si li wala Bɛtɛ-Semɛsi, nɛ nde ma bia na, Gale 'da obe Israɛlɛ hã a dɛa 'dã mɛ gɛ vɛ̃ do lɛ. Hã fala ma bà li wala ni gɔ, nɛ lɛ ĩ sɛ na, wi dɛ̃ 'dã mɛnɔ ni do lɛ, wi a a gɔ. Ní, nɛ nde ma hɔa hã lɛ iko.”