1 SAMUƐLƐ 4:4 - WE NU GALE 1995

⁴ Wa tɔ̃a ni do'do, nɛ wa tombo Owele tɛ Silo i na, wa tɛ do Sanduku Gba Tɔkɛ 'da NWA Gale, kɛ a do nganda, nɛ a dungu ngɔ Sanduku Gba Tɔkɛ, tɛ sanga ohi mɛnɔ kɛ ma ɔ nɛ wele ni. Wa ba Sanduku Gba Tɔkɛ do'do, nɛ benɔ 'da Heli, Hofni do Pinasi wa nɛa do wa.

1 SAMUƐLƐ 4:4 Iomraidhean Croise

2 SAMUƐLƐ 15:24

Nganga Sadɔkɛ zi di ni boe fala nɛ kpo do olevitɛnɔ tɛ ba ngbangbo Sanduku Gba Tɔkɛ 'da Gale. Wa ia Sanduki nù, nɛ nganga Abiatarɛ hã odɔnggamɔ hã nwa gbaa na, owinɔ vɛ̃ kɛ wa yula Yeruzalɛmɛ i ni, wa la do'do sɛ.

2 SAMUƐLƐ 6:2

Nɛ a la do wa dɛ Bala, tɛ ngɔ nù Yuda, we ba Sanduku Gba Tɔkɛ 'da Gale. Sanduki ni, mɛ a kɛ wa sa li NWA Gale zu nɛ, nɛ a dungu ngɔ nɛ tɛ sanga okerubinɛnɔ ni.

2 Onwanɔ 19:15

Nɛ a sambala na: “Aa NWA Gale 'da lɛ obe Israɛlɛ, mɔ a mɔ dɛa li nza do nù. Nɛ mɔ dungu ngɔ kpongbo nwa 'da mɔ, ngɔ okerubinɛnɔ. Nɛ mɔ zu mɔ kpo a Gale, nwa ngɔ lenɔ ngɔ nù gɛ vɛ̃.

Zumanɔ 80:1

Zuma 'da Asafɛ

Zumanɔ 80:2

Aa mɔ, wi zɔ mɔ tɛ lɛ obe Israɛlɛ, mɔ zélé lɛ sɛ! Mɔ kɛ mɔ kpe dati lɛ ɔ nɛ wi kpe dati obata ni, mɔ gɛ́ zala mɔ hã mɔ zele lɛ sɛ. Mɔ kɛ mɔ dungu ngɔ kpongbo nwa 'da mɔ ngɔ kerubinɛnɔ ni, mɔ bé dɔ̃lɔ̃ li 'da mɔ dɛ nza,

Zumanɔ 99:1

Gale 'da lɛ a nwa, a ia kpongbo nwa 'da a ngɔ okerubinɛ. We duzu ma, owinɔ wa tana kili, nɛ nùi ma yaka.

Ezai 37:16

“Aa NWA Gale ngɔ mɔ nyanga nza vɛ̃, Gale 'da lɛ obe Israɛlɛ, mɔ a mɔ dɛa li nza do nùi. Nɛ mɔ dungu ngɔ kpongbo nwa 'da mɔ, ngɔ Okerubinɛnɔ. Nɛ mɔ zu mɔ kpo a Gale, nwa ngɔ lenɔ ngɔ nù gɛ vɛ̃.

MALAKI 1:9

“Nɛ, onganganɔ, nɛ álá nu nɛ hã mi Gale 'da nɛ, takɔ mi ĩ 'bako hã winɔ 'da mi. Nɛ lengge zã nɛ na, 'do mɛ kɛ nɛ dɛa gɛ, nɛ mi zele sɛ nɛ do dia nɛ nde? Fala kpo gɔ.

Tɔlɔ Mɔ 4:15

Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.

Tɔlɔ Mɔ 4:5

'Da fala obe Israɛlɛ wa kulu sɛ ngɔ we la nɛ ni, nɛ Aroni do obenɔ 'da a wa fo sɛ ku'bi ma gɔnɔ sanga tɔa Tande ni, nɛ wa lɔmbɔ sɛ do 'do Sanduku Gba Tɔkɛ.

Tɔlɔ Mɔ 7:89

'Da fala Mɔizɛ lia kɔ tɔa Tande we wele we do NWA ni, nɛ a zele gɛlɛ a, ma yula do si 'biti fala ohi mɛnɔ bɔa ngɔ mɔ nu Sanduku Gba Tɔkɛ wa do nɛ ni. Ohi mɛnɔ ni ma ɔ nɛ wele ni, nɛ sala 'baka ma boe. Nɛ NWA wila we do a.

1 SAMUƐLƐ 1:24

'Da fala kɛ be gɔnɔ bele do'do, nɛ gɛnɛ kɔ sabɛlɛ 'da a dɔ̀ gɔ, nɛ nde Ana ba a, nɛ a nɛ do a tɛ kɔ tɔa 'da NWA tɛ Silo 'di. Wa do wili a, wa ba wili ngɔmbɔ kɛ a dɛa sabɛlɛ talɛ ni, do sani fũ kpo, do gã daka dɔ̃ kpo dɛ kɔ̃ wa.

1 SAMUƐLƐ 14:3

Do 'da fala ni, nɛ nde omɛnɔ kɛ ma santo we aka do Gale ni, ma zi dɛ kɔ̃ nganga Ahia. Ahia a be 'da Ahitubɛ, nɛ a a yamba Ikabɔdɛ. (Ikabɔdɛ zi tɛ mɛ 'bɔ a be 'da Pinasi, nɛ a a be yaa Heli kɛ a zi a nganga 'da Gale tɛ kɔ le Silo.) Nɛ 'da fala kɛ Yonatanɛ nɛa we la ma ni, nɛ nde wele kpo kɔ sodanɔ ĩ̀ zi fala nɛ gɔ.

1 SAMUƐLƐ 2:22

Heli dɛ zi gbɛlɛ wena. Nɛ a zila we 'dã mɛnɔ vɛ̃, kɛ benɔ 'da a wa dɛ ma dɛ 'da obe Israɛlɛ ni. Nɛ a zila 'bɔ we kɛ wa ɔ do owukonɔ, kɛ wa dɛ toe tɛ nu tɔa we le dɛ kɔ tɔa Tande 'da Gale ni,