1 SAMUƐLƐ 4:3 - WE NU GALE 1995

³ Nɛ tala obe Israɛlɛ kɛ wa fè gɔ ni, wa si dɛ fala ɔi 'da wa i, nɛ okumu Israɛlɛ wa tɔ̃ na: “Gulu kɛ NWA ia lɛ dɛ kɔ̃ Ofilisti, hã wa gbɛa lɛ ni we ge nde? Lɛ nɛ́, hã lɛ bá Sanduku Gba Tɔkɛ 'da nwa tɛ Silo i. Kɔ nwa ɔ dɛ sanga lɛ, nɛ a kpasa sɛ lɛ ti kɔ̃ Owi sɛnɛ lɛ.”

1 SAMUƐLƐ 4:3 Iomraidhean Croise

2 SAMUƐLƐ 15:25

Nɛ nwa Davidi tɔ̃ hã Sadɔkɛ na: “Mɔ kpóló tɛ mɔ do Sanduku Gba Tɔkɛ dɛ Yeruzalɛmɛ i. Fala NWA kɔ̃ we dɛ de mɔ we mi, nɛ a dɛ sɛ na, mi kpolo tɛ mi, nɛ mi zɔ sɛ 'bɔ Sanduki gɛ do fala santoe 'da a.

1 Sakonɔ 17:1

Do 'da fala nwa Davidi si kɔ tɔa nwa 'da a ni, nɛ mbe ngba soe kpo, nɛ a tɔ̃ hã Natanɛ, wi gba olo nu Gale na: “Mi ɔ kɔ tɔa kɛ wa dɛa ma do te sɛdrɛ, nɛ Sanduku Gba Tɔkɛ 'da NWA ɔ kɛ 'dɛ ɛ ti tɔa tande iko. Kɔ mɔ lengge nɛ na ge nde?”

Zumanɔ 74:1

Zuma 'da Asafɛ Aa Gale, gulu kɛ mɔ bɛ̃a gɛnɛ lɛ fai we ge nde? Gulu kɛ zã mɔ nɔ̃lɔ̃ dɛ tɛ lɛ owinɔ 'da mɔ fai we ge nde?

Zumanɔ 74:11

Gulu kɛ mɔ kasa kɔ̃ mɔ dɛ ngu'du mɔ, nɛ mɔ kɔ̃ we gala lɛ gɔ we ge nde?

Ezai 50:1

“Aa nɛ, owinɔ 'da mi, nɛ lengge na, mi bɛ̃a gɛnɛ nɛ, ɔ nɛ kɛ wi wili bɛ̃ do kɛnɛ ɛ ni nde? Nɛ mbɛti bɛ̃ ngba wi, kɛ mi dɛa hã nɛ ni, ma a ni do nde? Nɛ lengge wá na, mi bia gole nɛ na, nɛ hɔ ngbá, ɔ nɛ kɛ wele be do gole benɔ 'da a we gese do ku'da zu a ni nde? Ma ni gɔ! Wa kala nɛ, nɛ wa 'dɔlɔ nɛ, we duzu 'dã mɛnɔ 'da nɛ.

Ezai 58:3

Nɛ wa tɔ̃ na: ‘nwa zɔ́ mɛnɔ kɛ lɛ dɛ ma gɛ gɔ, nɛ a ĩ́ 'bɔ we ma gɔ. Kɔ gulu kɛ lɛ ba tɛ lɛ dɛ nù, nɛ lɛ bɛ̃ nyɔngɔmɔ we ge nde?’ “Nɛ mi nwa, mi gisa hã wa na: Nɛ ĩ de wena na, do ngba soe kɛ nɛ bɛ̃ nyɔngɔmɛ ni, nɛ nde nɛ 'bana tɛ fa odia mɔ mɔ́ nɛ, nɛ nɛ zɛlɛ tɛ Owi dɛa tonɔ 'da nɛ.

Ezai 59:1

Aa nɛ, obe Israɛlɛ, nɛ tɛ lènggè na, NWA do ngawi we gala nɛ bina gɔ. Nɛ tɛ lènggè 'bɔ na, zala a la la, kɔ a zélé sa mɛ 'da nɛ gɔ ni gɔ.

Ezai 59:2

Mba gɔ, mɛ a 'dã mɛnɔ 'da nɛ hã ma kɛ̃a sanga nɛ do Gale 'da nɛ, nɛ ma dɛa na, a tɛ zèlè sa mɛ 'da nɛ gɔ.

Yeremi 3:16

Nɛ 'da fala kɛ nɛ dɛlɛ sɛ ngɔ nùi ni, nɛ nde Owele wa tɔ̃́ sɛ 'bɔ we Sanduku Gba Tɔkɛ gɔ. Wi lengge sɛ 'bɔ do ma bina, nɛ ta zu wele gbá sɛ 'bɔ ngɔ nɛ gɔ. Wa dɛ́ sɛ 'bɔ wɔ tɛ ma gɔ, nɛ wa dɛ́ sɛ 'bɔ mbé nɛ gɔ.

Yeremi 7:4

Mbe winɔ wa ɔkɔlɔ tɛ wa na: ‘Tɛmpɛloe 'da NWA ma kɛ! Lɛ kpasa ia! Tɛmpɛloe 'da NWA ma kɛ! Tɛ lɛ nganda ia!’ Nɛ tɛ zèlè lɛnggɛ bɛlɛnɔ wa tɔ̃ ni gɔ.

Tɔlɔ Mɔ 10:33

Obe Israɛlɛ wa kulu ngɔ tɛ kala 'da NWA, nɛ wa la gbaa 'do tũ talɛ. Nɛ Sanduku Gba Tɔkɛ 'da NWA zi do dati wa, takɔ ma fa fala kɛ wa wia we 'dafa do fala ɔi 'da wa ni.

Tɔlɔ Mɔ 10:35

Nɛ 'da falanɔ vɛ̃ kɛ wa nɛ we kulu ngɔ we la do Sanduki Gba Tɔkɛ ni, nɛ Mɔizɛ he mɔ na: “NWA, mɔ kúlú ngɔ, hã mɔ pɛ́sɛ́ owi sɛnɛ mɔ, sɛ a wa yu dati mɔ de.”

Tɔlɔ Mɔ 31:6

Nɛ Mɔizɛ tumba wa vɛ̃ we bi bole. Nɛ nganga Pinasi, be 'da Elazarɛ kã wa. A nɛa do ombe mɛnɔ kɛ ma santo ni li bole, nɛ a nɛ 'bɔ do omɔtũlũ na, a dama ma we he hiamɔ bolo.

Mbulanɔ 29:24

Nɛ Owele wa gese sɛ na: ‘Ma hɔa ni mba gɔ, obe Israɛlɛ wa yala gba tɔkɛ kɛ wa gba zi sanga ngba wa do NWA Gale 'da oyaa wa, do 'da fala kɛ a fua zi wa ngɔ nù Ezipeto dɛ nza ni.

Mbulanɔ 31:26

“Nɛ bá 'buku mbula 'da NWA Gale 'da nɛ gɛ, kɔ nɛ e ma dɛ kɛ zã Sanduku Gba Tɔkɛ 'da a. Ma wia na, ma ɔ dɛ di ni ɔ nɛ temɔɛ 'da Gale we obe Israɛlɛ ni.

2 TIMOTE 3:5

Wa be sɛ tɛ wa ɔ nɛ kɛ wa kɔ̃a Gale kɔ̃a ni, nɛ nde do kɔ sila wa, wa bɛa ngawi kɛ wa wia sɔ we kpa kɔ kɔ̃a we ni. Kɔ mɔ yú owinɔ wa dɛ ní ni do'do.

OHEBRE 9:4

Nɛ mɛnɔ fala ni, mɛ a gbagala kɛ wa dɛa ma do mɔ mbali, nɛ wa dɔ yɔmbɔ hã Gale ngɔ nɛ ni, do sanduku gba tɔkɛ, kɛ 'do nɛ vɛ a mɔ mbali ni. Nɛ mɛ kɔ sanduki, mɛ a kpana mɔ mbali, nɛ dɛ kɔ kpana ni, mɛ a nyɔngɔmɛ kɛ li nɛ a mana ni. Nɛ mbe 'bɔ mɛ kɔ sanduki, mɛ a dɔndɔlɔ 'da Aroni, kɛ ma kunu zɛ́ mbé tɔlɔ nwá ni, do tanɔ kɛ Mɔizɛ kɔma zɛ́ mbula gba tɔkɛ ngɔ nɛ ni.

Yozue 4:7

nɛ nɛ gese hã wa na, lì Yɔrdanɛ gɔnɔ zɛ́ sanga tɛ ngbɛ ɛ, nɛ ma la fala fo nɛ, do 'da fala kɛ onganganɔ wa lia do Sanduku Gba Tɔkɛ 'da NWA 'dɔ nɛ ni. Do gbãlã we, tanɔ ni ma gba sɛ ta zu obe Israɛlɛ ngɔ ɔngbamɛ kɛ NWA dɛa gɛ fai.”

Yozue 6:6

Nɛ Yozue, be 'da Nunɛ, sa mɔ hã onganganɔ, nɛ a tɔ̃ hã wa na: “Nɛ bá Sanduku Gba Tɔkɛ dɛ zu 'baka nɛ, nɛ Owele sambo kɔ nɛ gɛ wa kala mɔtũlũ dɛ kɔ̃ wa, nɛ wa kpe dati Sanduki.”

Yozue 7:7

Nɛ Yozue ma ngɔ sambala Gale do nga gɛlɛ na: “Aa NWA Gale! Gulu kɛ mɔ dɛa na, lɛ kũ dɛ kulu lì Yɔrdanɛ nga we ge nde? Mɔ dɛa ni takɔ mɔ 'dɔlɔ lɛ hã Oamori na, wa gbɛ lɛ nde? Ma dia sɔ fɛ̃ na, lɛ 'bana dɛ kulu lì 'di.

Yozue 7:8

Aa NWA, osodanɔ 'da lɛ wa yu owi sɛnɛ lɛ. Kɔ mi nɛ tɔ̃ 'bɔ na ge nde?

1 PETRO 3:21

Nɛ lì ni, ma be lì batisimɔ kɛ ma kpasa nɛ kɔ 'dã mɛ 'da nɛ di ngangga gɛ ni. Nɛ lì nɛ kpa do batisimɔ ni, mɛ a kɛ ma fɔlɔ ndi tɛ nɛ ni gɔ, nɛ nde mɛ a kɛ lɛ aka do Gale na, a fo 'dã mɛ kɔ sila lɛ do'do ni. Batisimɔ ma kpasa nɛ, we duzu kɛ Yezu Kristo a tunu kɔ fio,

YUDA 1:5

Gɛnɛ kɔ nɛ ĩ ti wenɔ kɛ mi nɛ tɔ̃ hã nɛ gɛ ĩ, nɛ nde mi kɔ̃a we gba 'bɔ ta zu nɛ ngɔ nɛ. Nwa Gale a kpasa zɛ́ obe Israɛlɛ tɛ ngɔ nù Ezipeto, nɛ a fua wa dɛ nza. Nɛ 'do nɛ, nɛ a gbɛa 'bɔ wanɔ kɛ wa kɔ̃̀ zi we nu a gɔ ni.

1 SAMUƐLƐ 1:24

'Da fala kɛ be gɔnɔ bele do'do, nɛ gɛnɛ kɔ sabɛlɛ 'da a dɔ̀ gɔ, nɛ nde Ana ba a, nɛ a nɛ do a tɛ kɔ tɔa 'da NWA tɛ Silo 'di. Wa do wili a, wa ba wili ngɔmbɔ kɛ a dɛa sabɛlɛ talɛ ni, do sani fũ kpo, do gã daka dɔ̃ kpo dɛ kɔ̃ wa.

1 SAMUƐLƐ 14:18

Saulo nɛa we zɔ ni, nɛ a tɔ̃ hã nganga Ahia na: “Mɔ bá tulu nganga, kɛ koe mɛnɔ kɛ ma santo we aka do Gale tɛ nɛ ni, kɔ mɔ tɛ nɛ sɛ.” Do 'da fala ni, nɛ nde Ahia zi a wi he'de tuli ni, dati obe Israɛlɛ.

1 SAMUƐLƐ 4:2

Ofilisti wa 'dafa tɛ wa we bi bolo do obe Israɛlɛ. Wa ndua bole ni, nɛ ma nganda wena. Ofilisti wa nɛa ngɔ obe Israɛlɛ do ngawi, nɛ wa gbɛ wa wena. Nɛ wa gɛ wa fia tɛ li fanda bole ni, wa zi a Owi wili kɔlɔ do koto nalɛ.