1 SAMUƐLƐ 4:2 - WE NU GALE 1995

² Ofilisti wa 'dafa tɛ wa we bi bolo do obe Israɛlɛ. Wa ndua bole ni, nɛ ma nganda wena. Ofilisti wa nɛa ngɔ obe Israɛlɛ do ngawi, nɛ wa gbɛ wa wena. Nɛ wa gɛ wa fia tɛ li fanda bole ni, wa zi a Owi wili kɔlɔ do koto nalɛ.

1 SAMUƐLƐ 4:2 Iomraidhean Croise

ALA NU 3:40

Lɛ lengge ngɔ dɛa mɔ tɛ lɛ, do wala lɛ ba ma ni, nɛ lɛ kpóló tɛ lɛ dɛ 'da NWA.

Levitɛnɔ 26:37

Wa yu sɛ, nɛ wa lo li wa do ngba wa, ɔ nɛ kɛ wa yu dati wi sɛnɛ wa ni.

Tɔlɔ Mɔ 14:45

Nɛ Oamalɛkɛ do Okanana, kɛ wa ɔ ngɔ kalanɔ ni, wa zĩlĩ, nɛ wa bi wa, nɛ wa nɛ ngɔ wa. Nɛ wa ndaka 'do wa gbaa tɛ Horma.

Yozue 7:12

Gã gulu kɛ wa wè tɛ nɛ ngɔ owi sɛnɛ wa gɔɛ gɛ, ma hã ni. Wa 'danga we 'da wa do tɛ wa wele nɛ ngboo. Na mɛ ni, wa yu sɛ owi sɛnɛ wa fai. Ma wia na, nɛ 'danga mɛnɔ kɛ mi bɛ̃a na, nɛ tɛ bà gɔ ni. Kɔ fala kɛ nɛ 'dàngà ma gɔ, nɛ nde mi sɛ 'bɔ 'do nɛ bina.

1 SAMUƐLƐ 17:21

Osoda Filisti do osoda Israɛlɛ, wa 'dafa ngɔ gili bolonɔ 'da wa we kpa ngba wa.

1 SAMUƐLƐ 17:8

Goliatɛ yula nù dɛ dati osoda Israɛlɛ, nɛ a he mɔ na: “Gulu kɛ nɛ yula, nɛ nɛ 'dafa tɛ nɛ we bi bolo ni we ge nde? Mi a be Filisti, nɛ nɛ a ongbánɔ 'da Saulo. Nɛ sáká mbe wi wili kpo kɔ nɛ, kɔ a zĩlĩ we bi bolo do mi.

1 SAMUƐLƐ 4:1

Mbe tũ kpo, nɛ obe Israɛlɛ wa gɔnɔ dati Ofilisti we bi do wa. Wa 'dafa fala ɔi 'da wa tɛ kɔ le wa sa li ma na: “Ta Gala Wi.” Nɛ Ofilisti wa 'dafa tɛ mɛ 'bɔ kɛ 'da wa tɛ Afɛkɛ.

1 SAMUƐLƐ 4:10

Ofilisti wa bi bole, nɛ wa nɛa ngɔ obe Israɛlɛ, nɛ wa ndaka wa gbaa dɛ tɛ fala ɔi 'da wa i. Nɛ obe Israɛlɛ wa fia li bole dè gɔ. Ofilisti wa gbɛa sodanɔ 'da wa 'bu koto talɛ,

1 SAMUƐLƐ 4:3

Nɛ tala obe Israɛlɛ kɛ wa fè gɔ ni, wa si dɛ fala ɔi 'da wa i, nɛ okumu Israɛlɛ wa tɔ̃ na: “Gulu kɛ NWA ia lɛ dɛ kɔ̃ Ofilisti, hã wa gbɛa lɛ ni we ge nde? Lɛ nɛ́, hã lɛ bá Sanduku Gba Tɔkɛ 'da nwa tɛ Silo i. Kɔ nwa ɔ dɛ sanga lɛ, nɛ a kpasa sɛ lɛ ti kɔ̃ Owi sɛnɛ lɛ.”