1 SAMUƐLƐ 3:9 - WE NU GALE 1995

⁹ Nɛ a tɔ̃ hã Samuɛlɛ na: “Mɔ kpóló tɛ mɔ, hã mɔ ɔ nù. Kɔ fala kɛ a sa 'bɔ mbé mɔ hã mɔ, nɛ mɔ gese sɛ na: ‘NWA, mɔ tɔ̃ hã mi, wi dɛa to 'da mɔ, hã mi zele.’ ” Nɛ Samuɛlɛ kpolo tɛ̃ a, nɛ a ɔ nù.

1 SAMUƐLƐ 3:9 Iomraidhean Croise

Zumanɔ 85:8

Aa NWA, mɔ gbáká lɛ, mɔ bé dia zã 'da mɔ hã lɛ.

Zumanɔ 85:9

Mi zele we kɛ NWA Gale tɔ̃ ni, a kpua mbulu hã lɛ owinɔ 'da a na, fala kɛ lɛ kpòlò tɛ lɛ tɛ dɛ mɔ yɔnda gɔ, nɛ a hã sɛ gɛ̃a dungu hã lɛ.

Kulu Tɔa 20:19

Nɛ wa tɔ̃ hã Mɔizɛ na: “Mɔ tɔ̃ we hã lɛ do tɛ mɔ, nɛ lɛ zele sɛ nu mɔ iko. Nɛ nde lɛ dɛ kili na, fala kɛ Gale do tɛ̃ a ngboo, a wele we hã lɛ, nɛ lɛ fe sɛ.”

Ezai 6:8

'Do nɛ, nɛ mi zila gɛlɛ NWA tɛ aka na: “Wi kɛ mi nɛ tombo a a wio nde? Wi nɛ nɛ we tɔ̃ toe 'da mi a wio nde?” Nɛ mi gisa na: “Wi a mi. Mɔ tómbó mi!”

DANIƐLƐ 10:19

Nɛ a tɔ̃ hã mi na: ‘Gale kɔ̃ gɛnɛ mɔ wena, kɔ mɔ tɛ dɛ̃ kili gɔ. Mɔ ɔ̃ do gɛ̃a sila, nɛ mɔ ngo tɛ mɔ, kɔ ngawi 'da mɔ ma tɛ dɛ olo nɛ.’ 'Da fala a tɛ wele we hã mi ni, nɛ ngawi 'da mi ma ngɔ tɛ dɛ olo nɛ. Kɔ mi nɛa we zɔ ni, nɛ mi tɔ̃ hã a na: Aa nwa, mɔ wélé we hã mi dɛ dati, we kɛ mɔ ma ngɔ wele we, nɛ ma hã ngawi hã mi.

Owi Nɛ Tonɔ 9:6

Kɔ mɔ kúlú ngɔ, hã mɔ lé dɛ kɔ le i, nɛ wa tɔ̃ sɛ we mɛ mɔ wia tɛ dɛ ma ni hã mɔ.”

Yozue 5:14

Nɛ wi ni gese na: “Ɔ̃ ɔ̃! Mi a nwa ngɔ owi bolonɔ 'da NWA Gale, hɔ mɔ́ mi a mi hɔ gɛ.” Yozue nɛa we zele ní, nɛ a gu li a nù ti a, nɛ a tɔ̃ hã a na: “Mi a wi dɛa to 'da mɔ. Kɔ mɛ mɔ kɔ̃a na mi dɛ ni a ge nde?”

1 SAMUƐLƐ 3:10

Nɛ NWA tɛa, nɛ a yolo, nɛ a sa mɔ ɔ nɛ kɛnɔ sɔ dati ni. A na: “Samuɛlɛ, Samuɛlɛ!” Nɛ Samuɛlɛ gese na: “NWA, mɔ tɔ̃́ hã mi, wi dɛa toe 'da mɔ, hã mi zele.”

1 SAMUƐLƐ 3:8

Fala talɛ kɛ, nɛ NWA sa 'bɔ mɔ hã Samuɛlɛ na: “Samuɛlɛ!” Nɛ Samuɛlɛ kulu ngɔ, nɛ a nɛ 'bɔ 'da Heli i, nɛ a na: “Mɔ sa mɔ hã mi nde, mi kɛ.” Do 'da fala ni, nɛ Heli ĩ na, wi a nwa hã a sa mɔ hã be.