1 SAMUƐLƐ 3:1 - WE NU GALE 1995

¹ Samuɛlɛ 'bana zi do be, nɛ a dɛ toe hã NWA ti Heli. Nɛ nde do 'da fala ni, NWA wélé we do wele ngbo ngbo gɔ, nɛ a bé 'bɔ mɔ li wele wena wena gɔ.

1 SAMUƐLƐ 3:1 Iomraidhean Croise

Zumanɔ 74:9

Lɛ zɔ́ 'bɔ mɔ kɛ ma be na, mɔ sanga lɛ boe ni gɔ. Fo wi gba olo nu mɔ kɛ a 'bana ni kpo bina. Nɛ wele kpo sanga lɛ gɛ, a ĩ̀ ti ngba soe kɛ mɛnɔ ni vɛ̃ ma Sɔkpɔ sɛ nɛ ni gɔ.

GBA WENƆ 29:18

Fala kɛ fo wele we gba olo nu Gale hã winɔ bina, nɛ nde wa dɛ́ sɛ mbula gɔ. Nɛ nde wele kɛ a dɛ mbula, nɛ ma hã sɛ yangga hã a.

Ezai 13:12

Mi dɛ sɛ na, winɔ ngɔ nù gɛ wa tɛ 'bànà dɛlɛ gɔ, wa sɛ a bi sĩ ɔ nɛ dia mɔ mbali kɛ wa kpa ma kɔ le Ofirɛ ni.

EZEKIƐLƐ 7:26

Ngamɔ ma kpolo sɛ ngbɛ ɛ dɛ ngɔ wa, nɛ o'dã sako ma hɔ sɛ hã wa dɔ wena. Wa ala sɛ nu wa hã wi gba olo nu Gale na, a tɔ̃ gulu mɛnɔ ni hã wa, nɛ nde a wé sɛ we tɔ̃ nɛ gɔ. Nganga bé sɛ 'bɔ we nu mi gɔ, nɛ okumunɔ wa tɔ̃́ sɛ 'bɔ mbula hã winɔ gɔ.

1 SAMUƐLƐ 2:11

'Do sambala ni, nɛ Ɛlkana si dɛ tɛ Rama 'di. Nɛ Samuɛlɛ 'bana do zu ɛ dɛ tɛ Silo, we dɛ to 'da NWA dɛ ti Heli.

1 SAMUƐLƐ 2:18

Nɛ nde do 'da falanɔ ni, Samuɛlɛ tɛ dɛ toe 'da a fai dati NWA. Nɛ a he'de zi tulu linɛ we dɛ do toe ni.

1 SAMUƐLƐ 2:35

'Do kɛ wa fe sɛ ni, nɛ mi saka sɛ nganga kɛ a dɛ olo nu mi, nɛ a dɛ mɛ zã mi kɔ̃a ni. Mi hã sɛ obe kɔ nu fɛlɛ a, nɛ wa sɛ a onganganɔ 'da mi. Nɛ wa dɛ sɛ toe 'da wa fala nɛ kpo do nwa mi nɛ saka sɛ a ni fai.

1 SAMUƐLƐ 2:36

Nɛ wele kɛ a 'bana sɛ do tunu li a, kɔ nu fɛlɛ mɔ ni, a nɛ sɛ 'da nganga ni, nɛ a gu sɛ gba zugolo dati a, nɛ a gɔ 'bulu mbili do 'bulu nyɔngɔmɔ kɔ̃ a. A tɔ̃ sɛ hã nganga ni na, ɛ ala nu ɛ hã a na, a hã be to sĩ hã ɛ dɛ kɛ zã onganganɔ gɛ, sɛ a ɛ kpa 'bulu nyɔngɔmɔ we nyɔngɔ nɛ de.”

1 SAMUƐLƐ 3:15

NWA tɔ̃a we hã Samuɛlɛ ni do'do, nɛ a la. Nɛ dɛ olo nɛ ni, nɛ Samuɛlɛ ɔa nù gbaa titole. Nɛ do titole ni, nɛ a kulu ngɔ, nɛ a hũi nu tɔa Tɛmpɛloe. Nɛ a dɛa kili be gulu mɛ a zɔa ni hã Heli do'do.

1 SAMUƐLƐ 3:21

NWA 'bana zi tɛ be tɛ̃ a tɛ Silo i bia fai. Mba gɔ, mɛ a fala a be do tɛ̃ a hã Samuɛlɛ, nɛ a be do gulu lɛnggɛ 'da a, sɛ nɛ Samuɛlɛ gba nu nɛ hã nu kɔnggɔ Israɛlɛ vɛ̃ de.