1 SAMUƐLƐ 20:3 - WE NU GALE 1995

³ Nɛ Davidi gese hã a na: “Baa mɔ ĩ de wena na, mɔ kɔ̃ gɛnɛ mi wena. Ma kɛ a kɔ̃̀ na, mɔ ĩ fala nɛ gɔ. We kɛ mɔ ĩ fala nɛ, nɛ mɔ sɛ do 'bako wena. Nɛ nde mi kana tɛ mi hã mɔ do zu li NWA wele kpasi na, mi ti mi gɛ do fɛna fio.”

1 SAMUƐLƐ 20:3 Iomraidhean Croise

2 Onwanɔ 2:6

Nɛ Elia tɔ̃ 'bɔ hã Elize na: “Mɔ 'báná dɛ dɛ, we kɛ NWA tumba mi tɛ nu lì Yɔrdanɛ.” Nɛ Elize gese hã a na: “Mi kana tɛ mi do zu li NWA wele kpasi, nɛ mi kana 'bɔ tɛ mi do zu li mɔ ngboo na, mi lá sɛ mɔ gɔ!” Nɛ wa la dɛ nu lì Yɔrdanɛ i.

1 SAMUƐLƐ 27:1

Davidi lingga mɔ, nɛ a tɔ̃ do kɔ sila a na: “Gɛnɛ kɔ gbaa, nɛ Saulo a gbɛ sɛ mi. Ni a mbé mɔ na, mi dɛ dɛa bina, dia nɛ na, mi yu dɛ ngɔ nù 'da Ofilisti i. Mi dɛ ní, nɛ Saulo a la sɛ fala ndaka 'do mi do ngɔ nù Israɛlɛ gɛ, nɛ mi kpasa sɛ ti kɔ̃ a.”

1 SAMUƐLƐ 25:26

Wi a nwa hã a ga mɔ na, mɔ tɛ bìlì nu gbã 'dã mɛ 'da owi sɛnɛ mɔ hã wa gɔ. Kɔ di dɔ̃ gɛ, mi kana tɛ mi do zu li NWA wele kpasi na, Owi sɛnɛ mɔ do owinɔ wa kɔ̃a we dɛ 'dã mɔ do mɔ ni, wa kpa sɛ etumbu ɔ nɛ kɛ Nabalɛ nɛ kpa ma ni.

Mbulanɔ 6:13

“Nɛ dɔnggɔ sɛ NWA Gale 'da nɛ, nɛ nɛ sambala tati a a zu a kpo. Nɛ kana sɛ tɛ nɛ do zu li a zu a kpo iko.

2 Onwanɔ 2:4

Nɛ Elia tɔ̃ 'bɔ hã Elize na: “Mɔ 'báná dɛ dɛ, we kɛ NWA tumba mi tɛ Yeriko.” Nɛ Elize gese hã a na: “Mi kana tɛ mi do zu li NWA wele kpasi, nɛ mi kana 'bɔ tɛ mi do zu li mɔ ngboo na, mi lá sɛ mɔ gɔ!” Nɛ wa la dɛ Yeriko i.

2 Onwanɔ 2:2

kɔ wa nɛa we hɔ sanga wala i, nɛ Elia tɔ̃ hã Elize na: “Mɔ 'báná dɛ dɛ, we kɛ NWA tumba mi tɛ Betɛlɛ.” Nɛ Elize gese hã a na: “Mi kana tɛ mi do zu li NWA wele kpasi, nɛ mi kana 'bɔ tɛ mi do zu li mɔ ngboo na, mi lá sɛ mɔ gɔ!” Nɛ wa la dɛ Betɛlɛ i.

1 SAMUƐLƐ 1:26

Nɛ Ana aka Heli na: “Baa mi, ta zu mɔ 'bana ngɔ mi nde? Mi a wuke kɛ, mbe ngba soe kpo, nɛ mi yula zi do mɔ we sambala nwa ni. Mi tɔ̃ hã mɔ do gbãlã we na, wi zi a mi.

OHEBRE 6:16

Kɔ 'da fala owele wa nɛ zonggo tɛ wa, nɛ wa zonggo do zu li wi kɛ a nɛa ngɔ wa ni. Nɛ zonggo tɛ wi ni, ma fo kafi sanga tɛ ngba wa.

Yeremi 38:16

Nɛ nwa Sedekiasi gese hã mi do usu nɛ na: “Do zu li Gale wele kpasi, kɛ a hã kpasi hã lɛ gɛ, mi kana tɛ mi na, mi gbɛ́ sɛ mɔ gɔ, nɛ mi 'dɔ́lɔ́ sɛ 'bɔ mɔ hã winɔ kɛ wa kɔ̃a we gbɛ mɔ ni gɔ.”

Yeremi 4:2

Fala kɛ nɛ kana tɛ nɛ do zu li mi, kɔ nɛ hɔ wi bɔlɔ zu, do wi tɔ̃ gbãlã we, do wi dɛ olo nu mi, nɛ ogele winɔ wa zɔ sɛ ni, nɛ wa aka mi na, mi wele nu mi tɛ wa, nɛ wa dɔnggɔ sɛ tɛ wa do mi.”

Zumanɔ 116:3

Ngawi 'da fio zĩ zi mi takpa, nɛ nu ngbo 'da ofionɔ kpia dɛ ngɔ mi, nɛ kili ba mi, nɛ mi dɛ 'bako wena.

2 SAMUƐLƐ 15:21

Nɛ nde Itai gese na: “Nwa, mi kana tɛ mi dati mɔ do zu li nwa, wele kpasi na, falanɔ vɛ̃ mɔ la sɛ ni, ma ɔ do fala kpasi tabi fala fio nde, nɛ lɛ sɛ fala nɛ kpo do mɔ.”

1 SAMUƐLƐ 17:55

'Da fala Saulo zɔa zi Davidi tɛ nɛ we bi bole do Goliatɛ ni, nɛ a aka Abnɛrɛ, gã wi ngɔ osodanɔ 'da a na: “Abnɛrɛ, be gɛ a be 'da wio nde?” Nɛ Abnɛrɛ gese hã a na: “Nwa, mi ĩ̀ ti a gɔ. Ta mi ngɔ a bina.”

Mbulanɔ 28:66

Nɛ hɔ sɛ fɛna fio fai, nɛ tũ kpo kpo, sila nɛ ma dunu sɛ do kili fio.

1 SAMUƐLƐ 20:2

Nɛ Yonatanɛ gese na: “Mɛ a bɛlɛ iko, mɔ fé sɛ gɔ. Baa mi tɔ̃ we mɛnɔ vɛ̃ a dɛ ni hã mi tɔ̃a. Gɛnɛ kɔ mɛ a mɔ kɛ ma do gã gulu nɛ, tabi gɔ, nɛ nde a úsú mɔ kpo do mi gɔ.”

1 SAMUƐLƐ 20:4

Nɛ Yonatanɛ aka a na: “Mɛ mɔ kɔ̃a na, mi dɛ hã mɔ ni a ge nde?”