1 SAMUƐLƐ 2:9 - WE NU GALE 1995

⁹ “Gale zɔ mɔ tɛ owinɔ kɛ wa dɛ olo nu a ni. Nɛ nde owanɔ kɛ wa kɔ̃̀ we dɛ olo nu a gɔ ni, wa le sɛ tɛ tũ fala, nɛ wa fe. We kɛ ngawi dɛ mɔ mɔ́ wele ma yóló kɔ a wele nɛ gɔ.

1 SAMUƐLƐ 2:9 Iomraidhean Croise

YƆBƆ 18:18

Wa ndaka sɛ a sanga owinɔ do'do. Wa fo sɛ a tɛ sa fala, nɛ wa fi a kɔ gba tũ.

YƆBƆ 40:13

Mɔ ílí wa dɛ kɔ le 'da ofionɔ, nɛ mɔ mi wɔlɔ wa fala nɛ kpo. Nɛ mɔ kpe nu le 'da ofionɔ dɛ ngɔ wa, nɛ ta zu wele ele ngɔ wa.

YƆBƆ 5:16

Nɛ Gale hã 'bɔ mbé linggamɔ kpasi hã Owi sãnɔ, nɛ a kpe nu Owi dɛ 'dã mɛnɔ.

YƆBƆ 5:24

Mɔ kpa sɛ dungu fio kɔ tɔa 'da mɔ. Nɛ fala kɛ mɔ tɔlɔ osa'denɔ 'da mɔ, nɛ nde mbe kpo yɔ́ sɛ gɔ.

Zumanɔ 1:6

NWA zɔ mɔ tɛ odia winɔ. Nɛ nde o'dã winɔ, kɛ wa ĩ̀ ti a gɔ ni, wa ba wala fɛna fio.

Zumanɔ 105:37

'Do nɛ, nɛ Gale kpia dati obe Israɛlɛ, nɛ wa kala mɔ mbali do fɛ̃a mɔ bolo kɔ̃ Oezipeto, nɛ wa hɔa nza ngɔ nùi ni, nɛ wa la do lɔa tɛ wa.

Zumanɔ 121:3

A zɔ sɛ mɔ tɛ mɔ fai do sɔ̃a li, a lá sɛ mɔ na mɔ te gɔ.

Zumanɔ 121:5

NWA a zɔ sɛ mɔ tɛ mɔ, a 'bana sɛ dɛ kɛ zã mɔ we kele zu mɔ.

Zumanɔ 121:8

NWA a zɔ sɛ mɔ tɛ mɔ li wala gɛnɛ 'da mɔ vɛ̃, yolo do kɛ mɔ kulu ngɔ ni gbaa na mɔ hɔa nde. A dɛ sɛ ní ngangga gɛ, do kɔ sabɛlɛ do sabɛlɛ.

Zumanɔ 145:20

NWA zɔ mɔ tɛ owinɔ wa kɔ̃a gɛnɛ a ni, nɛ a kumu sɛ o'dã winɔ vɛ̃.

Zumanɔ 31:17

Mɔ kpɔ kɔ̃ mɔ ti mi, wi dɛa toe 'da mɔ. Mɔ kpásá mi do kɔ̃a zã 'da mɔ.

Zumanɔ 37:28

We kɛ NWA kɔ̃a gɛnɛ bɔlɔ zu dɛa mɔ, nɛ a dá li a ngɔ owinɔ 'da a gɔ. A zɔ mɔ tɛ wa ndɔti nɛ bina, nɛ nde a fo sɛ obe zã 'dã winɔ do'do.

Zumanɔ 94:18

Fala kɛ mi he mɔ na: “Mi nɛ ti tia!”, nɛ mɔ NWA, mɔ yolo gba sala 'do mi do kɔ̃a zã 'da mɔ.

Zumanɔ 97:10

NWA kɔ̃a gɛnɛ winɔ kɛ wa sɛnɛ 'dã mɔ ni. A zɔ mɔ tɛ owinɔ 'da a na, wa 'bana do kpasi fai, nɛ a kpasa wa ti kɔ̃ o'dã winɔ.

GBA WENƆ 16:9

Wele 'dafa linggamɔ we dɛ mɔ. Nɛ nde wi kɛ a dɛ na, mɛ ni dɛ tɛ̃ ɛ ni wi a NWA.

GBA WENƆ 2:8

A gbaka wanɔ wa dɛ ngba wa do li zuma nɛ ni, nɛ a fɔmɔ winɔ kɛ wa hã te wa hã a ni.

GBA WENƆ 3:26

We kɛ nwa sɛ do mɔ boe, a zɔ sɛ mɔ tɛ mɔ, nɛ a kɔ̃̀ sɛ na, mɔ te li bili gɔ.

WI LENGGE WE 5:17

Ma hã mi zɔa na, dia mɛ kɛ wele wia we kpa kɔ bi dungu nza kɛ Gale hã hã a ni, mɛ tati a nyɔngɔ mɔ, nɔ dɔ̃, do dɛ yangga mɔ olo dɛa toe 'da a. Mba gɔ, wele mɛ ni a mɔ́ a.

WI LENGGE WE 9:11

Mi zɔa mɔ dɔ wena ngɔ nù gɛ: Owinɔ kɛ wa do gbɛngɛ tɛ wena ni, wa dɛ sa yu, nɛ nde wa hɔ́ fai dati gɔ. Nɛ owi sɔ̃a gbãlã tɛnɔ wa bi bolo, nɛ nde wa fai a wi nɛ ngɔ ngba wa gɔ. Wi hã zãnɔ wa nyɔ́ngɔ́ mɔ do mbɔkɔ tɛ gɔ, nɛ wi siki gbãlã zãnɔ wa fai a wi kpa mɔ gɔ. Owi ĩ ti mɛnɔ, wa fai a wi kpa dɔlɔ li gɔ. Wele kpo kpo wia we ɔ do 'dã 'dɔkɔlɔ.

Ezai 27:3

“Mi NWA, mi a wi zɔ mɔ tɛ fɔ vinɔɛ gɛ. 'Da fala fai, mi tɛ a lì zu ma. Do tũ tabi do gba wese, nɛ mi zɔ mɔ tɛ nɛ na, da dɛ kɔ wele lá do kɔ nɛ gɔ.

Ezai 47:5

NWA tɔ̃a hã Obabilɔnɛ na: “Nɛ dúngú nù, nɛ nɛ kpé nu nɛ. Nɛ úsú tɛ nɛ tɛ tũ fala. Mba gɔ, le 'da nɛ 'bɔ a gã le nwa gɔ, nɛ ma 'bɔ a nwa ngɔ ogele nùnɔ gɔ.

Yeremi 8:14

Nɛ owinɔ 'da Gale wa na: “Gulu kɛ lɛ 'bana dɛ dɛ we ge nde? Lɛ ngɛ́mɛ́ ngba lɛ, hã lɛ yú dɛ kɔ lenɔ kɛ gba ngbonɔ zĩ ma takpa ni, hã lɛ 'bɔ́ fie do i mɔ! NWA Gale 'da lɛ a 'dɔlɔ lɛ hã fio ia. A dɛa na, lɛ zɔ ngamɔ, ɔ nɛ wi kɛ a nɔa 'dã ina ni, we duzu kɛ lɛ dɛa 'dã mɔ gbali a.

Yeremi 9:23

Fala kɛ wele kɔ̃ we dɔnggɔ tɛ̃ ɛ, nɛ a dɔnggɔ tɛ̃ a na, ɛ ĩ ti mi NWA, nɛ ɛ ĩ na, kɔ̃a zã 'da mi dɛ 'da winɔ ma yɛ́kɛ́ tɛ̃ ɛ gɔ, nɛ mi kɔ̃a gbãlã we, do bɔlɔ zu dɛa mɔ. Ki ni a mɛnɔ kɛ ma de li mi NWA ni.”

NAHUMƐ 1:8

Nɛ nde a gbɛ owanɔ kɛ wa bɛ̃ we nu a ni, nɛ a tombo wa kɔ le 'da fionɔ.

SOFONI 1:15

Mɛ sɛ a kɔ tũ dã 'da NWA, nɛ owinɔ wa dɛ sɛ kili, nɛ wa sɛ do gã 'bako, nɛ mɛnɔ vɛ̃ ma kumu sɛ. Mɛ sɛ a kɔ tũ gba tũ kpirr, nɛ li nza ma kpe sɛ do gba kutu kpã kpã.

Tɔlɔ Mɔ 6:24

‘E kɔ NWA wele nu a tɛ nɛ, nɛ a zɔ mɔ tɛ nɛ!

MATIE 8:12

Nɛ nde wanɔ wa wia sɔ we le kɔ le nwa 'da Gale ni, wa lé sɛ gɔ. Gale a da sɛ wa nza kɔ gba tũ, tɛ fala kɛ wa he sɛ kɔ̃a, nɛ wa nyɔngɔ li gogo wa ni.”

ROMA 3:19

Lɛ ĩ na, wenɔ kɛ mbula tɔ̃ ni, ma tɔ̃ ma hã winɔ kɛ wa ti mbula ni, takɔ owinɔ vɛ wa kpe nu wa, nɛ wa te li ngbangga 'da Gale.

Mbulanɔ 33:3

NWA kɔ̃a gɛnɛ owinɔ 'da a, obe Israɛlɛ, nɛ a fɔmɔ owinɔ vɛ̃ kɛ wa a mɔ a ni. Ma kɛ lɛ gu nù dɛ ti nyanga a, nɛ lɛ zele ombulanɔ 'da a.

1 PETRO 1:5

Nɛ́ kɛ nɛ do kɔ̃a we dɛ 'da Gale ni, ma kɛ a fɔmɔ nɛ do ngawi 'da a gbaa na, nɛ kpa sɛ kpasi ni. Mɛ a kpasi kɛ ma be sɛ tɛ̃ ɛ nza do ndɔti nùi ni.

2 PETRO 2:17

Owi be we bɛlɛnɔ ni, wa ɔ nɛ 'de kɛ ma ɔ̃sã, tabi gba tũ kolo kɛ bũ kala ma do'do, nɛ kole tɛ̀ gɔ ni. Gale 'dafa fala hã wa kɔ gba tũ kpirr.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.

YUDA 1:13

Wa ɔ nɛ ngele gba lì ni, wa dúngú zirr gɔ, nɛ 'dã mɛnɔ 'da wa ma be tɛ́ ɛ nza ɔ nɛ ngɔnzɔlɔ ndi kɛ fua lì a ma nu kolo lì ni. Wa ɔ́ nɛ osɔla kɛ wa yɔa wala olo wa do'do ni. Gale 'dafa fala kɔ gba tũ hã wa, nɛ wa 'bana sɛ dɛ di ni fai ndɔti nɛ bina.

YUDA 1:3

Aa oyali ngba mi, mi zi do wɔ wena we kɔmɔ mbɛti gɛ hã nɛ, takɔ mi tɔ̃ mbe gulu kpasi kɛ Gale hã ma hã lɛ do nɛ ni. Nɛ mi zɔa na, mi wia we kɔmɔ mbɛti gɛ hã nɛ, we hã kpã sila hã nɛ, takɔ nɛ bi nganda ngɔ we nu Gale, kɛ a hã ma hã owinɔ 'da a, nɛ ma yápá sɛ gɔ ni.

1 SAMUƐLƐ 25:26

Wi a nwa hã a ga mɔ na, mɔ tɛ bìlì nu gbã 'dã mɛ 'da owi sɛnɛ mɔ hã wa gɔ. Kɔ di dɔ̃ gɛ, mi kana tɛ mi do zu li NWA wele kpasi na, Owi sɛnɛ mɔ do owinɔ wa kɔ̃a we dɛ 'dã mɔ do mɔ ni, wa kpa sɛ etumbu ɔ nɛ kɛ Nabalɛ nɛ kpa ma ni.