1 SAMUƐLƐ 2:2 - WE NU GALE 1995

² “Fo santo kpo ngɔ nù gɛ ɔ nɛ nwa ni bina. Gele gale kɛ a wia we kele zu lɛ ni bina, tati a mɔ Gale kɛ lɛ dɔnggɔ mɔ ni, mɔ a mɔ wia we kele zu lɛ.

1 SAMUƐLƐ 2:2 Iomraidhean Croise

2 SAMUƐLƐ 22:3

Aa Gale 'da mi, mɔ a kpangba ta, kɛ mi wia we usu kɔ nɛ ni, mɔ a ngele kɛ ma kele mi li bolo, mɔ a gba ngbo kɛ ma usu zu mi. Mɔ amba zu mi, nɛ mɔ kpasa mi ti kɔ̃ owi sɛnɛ mi.

2 SAMUƐLƐ 22:32

NWA a Gale zu a kpo, a a Gale 'da lɛ, wi amba zu lɛ wi a a zu a kpo.

2 SAMUƐLƐ 7:22

NWA Gale 'da mi, mɔ gã wena. Fo wi we kɔ̃ do mɔ bina. Mɔ zu mɔ kpo a Gale, ɔ nɛ kɛ lɛ zele fai ni.

1 Onwanɔ 8:23

Nɛ a sambala na: “Aa NWA Gale 'da lɛ obe Israɛlɛ, fo gele gale tɛ li nza ngɔ i, do tɛ ngɔ nù gɛ ɔ nɛ mɔ ni bina! Mɔ tɛ èlè gba tɔkɛ mɔ gba zi do owinɔ 'da mɔ ni gɔ. Kɔ fala kɛ wa wele nɛ, wa dɛ mbulanɔ 'da mɔ vɛ̃, nɛ sila mɔ 'bana sɛ ngɔ wa fai.

Zumanɔ 111:9

A fua owinɔ 'da a ti mbula 'da ogele winɔ, nɛ a kpua mbulu hã wa, nɛ mbuli ni ma 'bana sɛ fai. A a Gale santo, a a wi hã kili hã wi.

Zumanɔ 18:2

Aa nwa, mɔ a wi amba bolo zu mi, mɔ a wi kpasa mi.

Zumanɔ 18:31

Gale kpe dati mi, nɛ a be dia wala hã mi. A tɔ̃ mbula hã mi, nɛ olo nu a dɛ tɛ̃ ɛ. NWA ɔ nɛ ngele ni, a kele zu owinɔ wa yu dɛ 'da a ni.

Zumanɔ 71:19

Aa Gale, bɔlɔ zui 'da mɔ gã, nɛ ma nɛa gbaa li nza i. Mɔ dɛa ogba mɔ wena. Gale, wi kɛ a wia kɔ̃ do mɔ a wio nde?

Zumanɔ 71:3

Mɔ kélé zu mi ɔ nɛ gba ngbo ni, nɛ mɔ bi ngɔ mi we kpasa mi. Gbãlã we, mɔ a kpangba ta kele zu mi, mɔ a gba ngbo amba zu mi.

Zumanɔ 73:25

Wi kɛ a we sɛ we gbaka mi tɛ li nza i, wi tati a mɔ Gale. Kɔ nɛ́ kɛ mi sɛ do mɔ ni, wɔ tɛ mbé mɔ kpo ngɔ nù gɛ bá mi gɔ.

Zumanɔ 86:8

Sanga ogalenɔ vɛ̃, fo wi we kɔ̃ do mɔ NWA bina, nɛ fo 'bɔ wi dɛ mɛnɔ mɔ dɛa ni bina.

Zumanɔ 89:6

E kɔ oanzɛnɔ wa dɔnggɔ mɔ NWA tɛ li nza i, we duzu ɔngbamɛnɔ mɔ dɛ ma ni. E kɔ wa dɔnggɔ dia zu li mɔ kɔ mba li ngba wi 'da wa.

Zumanɔ 89:8

Aa Gale, wa dɛ kili mɔ tɛ kɔ mba li ngba wi 'da oanzɛnɔ, wa dɛ kili mɔ nɛ ngɔ winɔ kɛ wa kɛ zã mɔ ni vɛ̃.

Zumanɔ 99:3

Wele vɛ̃ wa dɔnggɔ zu li a, kɛ ma gã wena, nɛ ma hã kili hã winɔ ni. Gbãlã we, a a santo!

Zumanɔ 99:5

Lɛ dɔ́nggɔ́ NWA Gale 'da lɛ, lɛ gú nù dati kpongbo nwa 'da a. Gbãlã we, nwa a santo!

Zumanɔ 99:9

Lɛ dɔ́nggɔ́ NWA Gale 'da lɛ, lɛ gú nù, nɛ lɛ siki li lɛ si 'biti kala 'da a kɛ ma santo. Gbãlã we, NWA Gale 'da lɛ a santo!

Kulu Tɔa 15:11

“Aa NWA, gele gale kɛ a wia kɔ̃ do mɔ a wio nde? Gele gale santo ɔ nɛ mɔ gɛ boe nde? Mɔ a wi dɛ oɔngbamɔ, lɛ dɔnggɔ mɔ gbãlã we.

Ezai 40:18

Wi kɛ wa wia we we Gale do a ni, wi a wio nde? Nɛ wi kɛ wa wia we we tɛlɛ tɛ̃ a do a ni, wi a wio nde?

Ezai 44:6

NWA ngɔ mɔ nyanga nza vɛ̃, kɛ a kpasa nɛ, obe Israɛlɛ, nɛ a kpe dati nɛ ni, a tɔ̃a na: “Gale wi a mi zu mi kpo. Mi a Gale kɛ mi ndua zi mɛnɔ vɛ̃, nɛ mi a mi Sɔkpɔ sɛ ma vɛ̃. Fo gele gale olo mi bina.

Ezai 44:8

Aa nɛ, owinɔ 'da mi, nɛ tɛ dɛ̀ kili gɔ. Mba gɔ, mi tɔ̃a we mɛnɔ kɛ ma dɛ sɛ tɛ̃ ɛ ni hã nɛ zɛ́ belee, nɛ nɛ a Otemɔɛnɔ 'da mi. Fo mbé gele gale olo mi bina. Nɛ gale kɛ a do ngawi ɔ nɛ mi gɛ kpo bina.”

Ezai 57:15

Mi a Gale santo, mi nɛa ngɔ mɛnɔ vɛ̃, nɛ mi 'bana sɛ fai. Mi ɔ ndũu li ngɔ i, tɛ fala kɛ ma santo. Nɛ mi 'bɔ fala nɛ kpo do owinɔ kɛ wa kifi sila wa, nɛ wa ba tɛ wa dɛ nù ni na, mi nganda sila wa kɔ mɛnɔ kɛ wa dɛ ma ni.

Ezai 6:3

Nɛ oanzɛnɔ ni wa he mɔ hã ngba wa na: “Santo, santo, santo! NWA ngɔ mɔ nyanga nza vɛ̃ a santo! Dɔ̃lɔ̃ li 'da a ma kpa ngɔ nù gɛ vɛ̃.”

Yeremi 10:6

Aa NWA, mbé gele gale kɛ a wia kɔ̃ do mɔ ni bina. Mɔ nganda wena, nɛ dɔ̃lɔ̃ li to nwa 'da mɔ ma gã wena.

Levitɛnɔ 11:44

Mi a NWA Gale 'da nɛ, nɛ mi a santo. Ma kɛ ma wia na, nɛ dɛ mɔ tɛ nɛ ɔ nɛ Owele kɛ wa santo ni. Nɛ te nyɔngɔ obe sa'denɔ kɛ wa yɛnggɛ do nù gɛ, kɔ nɛ hɔ wi ndi li mi gɔ.

Levitɛnɔ 11:45

Wi a mi, NWA, kɛ mi fua zi nɛ ngɔ nù Ezipeto dɛ nza, takɔ mi hɔ Gale 'da nɛ ni. Kɔ ma wia na, nɛ dɛ mɔ tɛ nɛ ɔ nɛ Owele kɛ wa santo ni, we kɛ mi santo.”

Levitɛnɔ 19:2

a e mbulanɔ gɛ hã obe Israɛlɛ na: “Nɛ ɔ́ santo, we kɛ mi NWA Gale 'da nɛ, mi santo.

ROMA 15:4

Wenɔ vɛ kɛ wa kɔma zɛ́ ma kɔ 'Buki 'da Gale ni, wa kɔmɔ we be do mɔ hã lɛ. We kɛ wenɔ ni gala lɛ na, lɛ ɔ do du sila, nɛ lɛ kpa kpã sila, we gbini zã lɛ do dia mɛnɔ kɛ lɛ kpa sɛ ma 'do gɛ ni.

ROMA 4:8

Yangga do wi kɛ Nwa lénggé do 'dã mɛnɔ 'da a gɔ ni.”

Mbulanɔ 3:24

‘NWA Gale 'da mi, mi ĩ na, mɔ bia hã mi tati a ndo nyanga gã mɛnɔ do dia mɛnɔ mɔ kɔ̃a we dɛ ma ni. Mbé gele gale li nza i, tabi ngɔ nù gɛ wè tɛ dɛ mɔ ngawinɔ kɛ mɔ dɛa ni gɔ.

Mbulanɔ 32:20

Nɛ a tɔ̃a na: ‘Mi gálá sɛ 'bɔ wa mbé nɛ gɔ, kɔ mi zɔ mɛ ma nɛ hɔ hã wa ni, we kɛ wa a owi dɛ vĩ zu dɛa mɔ, mi wè tɛ gbini zã mi do wa gɔ. Wa dɔnggɔ mi gɔ, nɛ wa dɛ́ kili mi gɔ.

Mbulanɔ 32:39

“Gale na: ‘Mi zu mi kpo a ngbongbo Gale, fo mbé gele gale, kɛ a a ngbongbo Gale ni bina. Mi a mi gbɛ wele, nɛ mi 'bɔ a mi hã kpasi hã wele. Mi e dani tɛ wele, nɛ mi dɛ 'bɔ na, dani ni ma ɛ̃. Wele kpo wè tɛ amba mi gɔ.

Mbulanɔ 32:4

“NWA kele zu owinɔ 'da a, nɛ a dɛ mɔ do wala olo nɛ, nɛ dɛa mɔ tɛ̃ a vɛ̃ a bɔlɔ. Gale 'da lɛ a Gale tɔ̃ gbãlã we, a lá fala dɛ olo nu a gɔ. A dɛ mɔ kɛ ma a bɔlɔ, nɛ a do du sila.

Mbulanɔ 4:35

“NWA dɛa zi mɛnɔ ni vɛ̃, takɔ a be hã nɛ na, ɛ zu ɛ kpo, ɛ a Gale, nɛ fo mbé gele gale bina.

Mbulanɔ 4:39

Sɔɛ gɛ, nɛ ĩ́ na mɛ ni, nɛ tɛ nɛ ɔ ngɔ na, NWA a a Gale li nza do nù gɛ. Mbé gele gale bina.

1 PETRO 1:16

Mba gɔ, wa kɔma kɔ 'Buki 'da Gale na: “Nɛ ɔ́ santo, we kɛ mi Gale, mi santo.”