1 SAMUƐLƐ 2:1 - WE NU GALE 1995

¹ Nɛ Ana sambala na: “Kɔ sila mi dunu do yangga we duzu mɛ nwa dɛa hã mi ni. We duzu NWA, ma kɛ mi nɛa ngɔ owi sɛnɛ mi, nɛ mi wia we mɔmɔ wa. Mi dɛ yangga we kɛ Gale a gbaka mi.

1 SAMUƐLƐ 2:1 Iomraidhean Croise

2 Sakonɔ 20:27

'Do nɛ, nɛ Yozafatɛ kpia dati owinɔ 'da a, nɛ wa si dɛ Yeruzalɛmɛ i do gã yangga, we kɛ NWA kpasa wa ti kɔ̃ Owi sɛnɛ wa.

NEHEMIE 11:17

Matania, be zã Asafɛ, do Zabdi, do Mika. Matania a a wi dati we ba gɛlɛ ozuma dɔnggɔ do Gale, 'da fala sambala. Bakbukia, mbe kpo kɔ onya Matania. A hã a gbaka Matania, tɛ ba gɛlɛ zuma. Abda, be zã Yɛdutunɛ, do Galalɛ do Samua.

YƆBƆ 16:15

Mi hi'da tulu gɛla, nɛ mi so bũ dɛ zu mi.

Zumanɔ 118:14

NWA hã gã ngawi hã mi, nɛ mi kpasa we duzu ma.

Zumanɔ 13:5

Ní gɔ, nɛ wi sɛnɛ mi, a dɔnggɔ sɛ tɛ̃ a na, ɛ nɛa ngɔ mi. Nɛ owinɔ kɛ wa bi mi ni, wa dɛ sɛ yangga fio 'da mi.

Zumanɔ 148:14

Obe Israɛlɛ wa ngɔ sila a, a gisa ngawi 'da wa dɛ olo nɛ, nɛ wa dɔnggɔ a we duzu ma. Aleluya, lɛ dɔnggɔ NWA!

Zumanɔ 18:2

Aa nwa, mɔ a wi amba bolo zu mi, mɔ a wi kpasa mi.

Zumanɔ 20:5

Mɛnɔ kɛ mɔ kɔ̃a gɛnɛ nɛ ni, e kɔ a hã ma hã mɔ, nɛ a dɛ 'bɔ na, mɛnɔ vɛ̃ kɛ mɔ 'dafa we dɛ ma ni, ma Sɔkpɔ do dia nɛ. E kɔ a dɛ mɛnɔ vɛ̃, kɛ mɔ aka a we nɛ ni hã mɔ.

Zumanɔ 21:2

Aa NWA Gale, nwa 'da lɛ dɛ yangga, we kɛ mɔ hã ngawi hã a. Mɔ gala a we nɛ ngɔ wi sɛnɛ a, nɛ ma dia tɛ̃ a nɛ ge nde ni.

Zumanɔ 35:9

Nɛ mi, mi dunu sɛ do yangga, we duzu kɛ nwa kpasa mi ni.

Zumanɔ 51:15

Nɛ mi be sɛ mbula 'da mɔ hã Owi dɛ 'dã mɛnɔ, nɛ wa kpolo sɛ tɛ wa dɛ 'da mɔ.

Zumanɔ 71:8

Mi sambala mɔ tũ kpo kpo, nɛ mi dɔnggɔ dɔ̃lɔ̃ li 'da mɔ fai.

Zumanɔ 75:10

Nɛ mi, mi lá sɛ fala ga zuma hã Gale 'da Yakɔbɔ gɔ, mi dɔnggɔ sɛ zu li a fai.

Zumanɔ 89:17

Wa dɛ yangga we kɛ mɔ a Gale 'da wa, nɛ wa dɔnggɔ tɛ wa tũ kpo kpo, we duzu bɔlɔ zui 'da mɔ.

Zumanɔ 89:18

Mɔ a mɔ hã gã ngawi 'da mɔ hã lɛ, nɛ mɔ a mɔ dɛ na, lɛ nɛ ngɔ owi sɛnɛ lɛ.

Zumanɔ 89:24

Mi o sɛ sanga Owi sɛnɛ a dati a, nɛ mi gbɛ sɛ Owi handa a do'do.

Zumanɔ 9:14

Aa NWA, mɔ ĩ́ 'bako hã mi. Mɔ a wi kɛ mɔ kpasa mi kɔ fio, mɔ zɔ́ zɛlɛ tɛ kɛ Owi sɛnɛ mi, wa hã ma hã mi gɛ hã mɔ kpásá mi ti kɔ̃ wa.

Zumanɔ 92:10

Lɛ ĩ na, owi sɛnɛ mɔ NWA, wa fe sɛ, nɛ owinɔ vɛ̃ kɛ wa dɛ 'dã mɛnɔ ni, wa pɛsɛ sɛ.

Kulu Tɔa 15:1

Nɛ Mɔizɛ do obe Israɛlɛ wa ga zuma gɛ hã NWA na: “Mi nɛ ga zuma we dɔnggɔ do NWA. A bia ngawi 'da a dɛ nza, nɛ a nɛa ngɔ owi sɛnɛ a vɛ̃. A da ombalatanɔ do owi kũ ngɔ wa 'dɔ gba lì.

Kulu Tɔa 15:21

Wa ga zuma, nɛ Miriamɛ kɔ̃ nu nɛ na: “Nɛ gá zuma we dɔnggɔ do NWA! A bia ngawi 'da a dɛ nza. A da ombalatanɔ, do owi kũ ngɔ wa 'dɔ gba lì.”

HABAKUKƐ 3:1

Kɛ gɛ a sambala ala nui 'da Habakukɛ, wi gba olo nu Gale.

HABAKUKƐ 3:18

Gɛnɛ kɔ na mɛ ni, nɛ nde mi kpa yangga 'da mi kɔ̃ NWA Gale, nɛ mi ga zuma do zu li a, Wi kpasa mi.

LUKA 1:69

A tumba wi kpasa wi hã lɛ. Wi ni do ngawi wena, a a be zã Davidi, wi toe 'da a.

ROMA 5:11

Nɛ tati a ki ni iko gɔ, nɛ nde lɛ dɛ 'bɔ yangga dɛ 'da Gale, do wala 'da Nwa 'da lɛ Yezu Kristo, kɛ a 'dafa sanga tɛ ngba lɛ do a ni.

Mbulanɔ 33:17

E kɔ Yozɛfu kpa dɔ̃lɔ̃ li. A nganda ɔ nɛ wili ngɔmbɔ ni. A do ozamba a bɔa ɔ nɛ oza yele ni, nɛ a ndaka do ogele nu kɔnggɔnɔ, nɛ wa yu nyɛlɛ dɛ ndɔti nùi. Mbee za ni kpo, wi a ogba gili obe zã Efraimɛ, nɛ mbee nɛ kpo wi a owanɔ 'da Manase.”

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

FILIPƐ 4:4

Nɛ dɛ́ yangga fai, we kɛ nɛ mba kpo do Nwa ni. Mi dala 'bɔ nu mi hã nɛ na, nɛ dɛ́ yangga!

FILIPƐ 4:6

Nɛ tɛ bì tɛ nɛ we mɔ kpo gɔ, nɛ nde 'da falanɔ vɛ̃ nɛ sambala Gale ni, nɛ nɛ álá nu nɛ hã a we mɛnɔ nɛ zɔla ni, nɛ nɛ gɔ́ mɔ kɔ̃ a, nɛ nɛ hã́ iɔ̃nae hã a.

1 PETRO 1:8

Gɛnɛ kɔ nɛ tɛ zɔ̀ Yezu do gbali nɛ gɔ, nɛ nde nɛ kɔ̃a gɛnɛ a. Nɛ gɛnɛ kɔ nɛ zɔ́ 'bɔ a di ngangga ni gɔ, nɛ nde nɛ kɔ̃a zu li a. We duzu ma, nɛ dɛ yangga gã la li, do tɛlɛ tɛ kɛ wele wè tɛ tɔ̃ ma tɔ̃a gɔ ni,

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

1 SAMUƐLƐ 1:6

Pɛnina, gula Ana, hã zi sape hã Ana fai, we duzu kɛ a a ndɔlɔ ni.

1 SAMUƐLƐ 1:7

Ma dɛ zi tɛ̃ ɛ ni sabɛlɛ kpo kpo, fala kɛ Ana nɛ tɛ Silo i ni. Ma hɔa ngba soe kpo kɔ mbe sabɛlɛ kpo, nɛ Ana ndua he kɔ̃a, nɛ a kɔ̃̀ we nyɔngɔ mɔ gɔ.