1 SAMUƐLƐ 13:5 - WE NU GALE 1995

⁵ Nɛ osoda Filisti wa mba tɛ mɛ 'bɔ ngba wa we bi bolo do obe Israɛlɛ. Wa do ongilingili bolo 'bu koto talɛ, owi kũ mbalata koto gazɛlɛ. Nɛ osodanɔ wa dɛlɛ zi nɛ kɛnzɛ nu lì ni. Wa nɛa, nɛ wa hɔ tɛ Mikmasi, le kɛ mɔ yolo Bɛtɛ-Avɛnɛ, nɛ nde ma si 'biti gba wese. Nɛ wa 'dafa fala ɔi 'da wa dɛ di ni.

1 SAMUƐLƐ 13:5 Iomraidhean Croise

1 SAMUƐLƐ 14:23

gbaa, we hɔ 'do Bɛtɛ-Avɛnɛ i. Nɛ zɔ́, tɛlɛ tɛ kɛ nwa fua obe Israɛlɛ ti kɔ̃ Ofilisti do ngba soe ni gɛ a ni.

Yozue 11:4

'Da fala Onwanɔ ni vɛ̃ wa kpa toe ni, nɛ wa le wala do gili osodanɔ 'da wa kɛ wa dɛlɛ ɔ nɛ gbãlã kɛnzɛ nu gba lì ni. Nɛ wa kala 'bɔ ogili ngilingili do ombalata we gbɔtɔ ma.

Yozue 18:12

Li ngbala nùi kɛ si gbãlã ngɔ, yolo zi do nu lì Yɔrdanɛ, nɛ ma kũ dɛ Yeriko, si gbãlã ngɔ. Nɛ ma la si 'biti gɛ̃a wese do tɛ lenɔ ngɔ kalanɔ, gbaa we hɔ tɛ li gba zɔ́ Bɛtɛ-Avɛnɛ.

OZE 10:5

Owi kɔ le Samaria, wa dɛ sɛ kili, nɛ wa zɛ nu wa do 'bako, we kɛ fo sɛ 'bɔ be ngɔmbɔ mɔ mbali we dɔnggɔ ma tɛ Betɛlɛ i bina. Nɛ owi Samaria do onganganɔ 'da wa kɛ wa dɔnggɔ kpikima ni, wa he sɛ kɔ̃a 'bako, nɛ wa bi sɛ tɛ wa, we kɛ ngɔmbɔ mɔ mbali wa dula ni sɛ 'bɔ do dɔlɔ li bina.

OZE 5:8

NWA tɔ̃a na: “Nɛ dámá mɔtũlũ bolo tɛ Gibea do Rama. Nɛ nɛ hé hiamɔ bolo tɛ Betɛlɛ. Nɛ nɛ, onu kpala Bɛnzamɛ, nɛ hámá do owi sɛnɛ nɛ, wa tɛ ndi 'do nɛ.

OZE 4:15

“Aa nɛ, obe Israɛlɛ, nɛ dɛa ndumba. Nɛ nde dɔ Oyuda wa dɛ́ kpo 'dã mɛ ni gɔ. Nɛ tɛ nɛ we dɔnggɔ galenɔ tɛ Gilgalɛ i, tabi tɛ Bɛtɛ-Avɛnɛ gɔ. Nɛ nɛ tɛ zònggò tɛ nɛ do zu li mi nwa, wele kpasi i mɔ gɔ.

Yeremi 15:8

Mi dɛa na, owi fio wili wa dɛlɛ ngɔ nùi 'da nɛ, ɔ nɛ gbãlã kɛnzɛ nu gba lì ni. Mi gbɛa ozagbãlã sodanɔ 'da nɛ, nɛ 'bako kala nyanga naa wa, nɛ ma lo wa nù, nɛ wa tana kili nganda wena.

Ezai 48:19

Nɛ obe zã nɛ wa dɔ sɔ wena ɔ nɛ gbãlã kɛnzɛ ni. Nɛ nde mi fá sɔ we hã ngamɔ hã wa, takɔ mi kumu wa do'do gɔ.”

2 Sakonɔ 1:9

Nɛ nde NWA Gale, mɔ dɛ́ olo nu mɔ kɔ mbuli kɛ mɔ kpua zi ma hã baa mi Davidi ni. Mɔ ia mi do nwa ngɔ Owele kɛ wa dɛla ɔ nɛ gbãlã kɛnzɛnɔ nù gɛ.

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

Yozue 7:2

Wa 'bana tɛ Yeriko, nɛ Yozue tombo owi miã bɔa na, wa nɛ, hã wa zɔ le Ai, do lenɔ kɛ zã nɛ ni. Ai ma dɔ̃ɔ do Betɛlɛ, tɛ si 'biti gba wese. Ma nyɛ̀lɛ̀ do le Bɛtɛ-Avɛnɛ gɔ. Nɛ owinɔ wa nɛa nɛ́ kɛ Yozue tɔ́a ni. Nɛ wa si,

Ndo Nyanga Dɛ Mɔ 22:17

mi wele sɛ nu mi tɛ mɔ, nɛ mi dɛ sɛ na, obe zã mɔ wa dɛlɛ wena nɛ osɔlanɔ li nza, tabi gbãlã kɛnzɛ nu gã lì ni. Nɛ obe zã mɔ wa nɛ sɛ ngɔ owi sɛnɛ wa, nɛ wa kala sɛ lenɔ 'da wa.

ROMA 9:27

Nɛ Ezai tɔ̃a 'bɔ si ngɔ obe Israɛlɛ na: “Gɛnɛ kɔ obe Israɛlɛ wa dɛlɛ sɔ ɔ nɛ kɛnzɛ nu gba lì, nɛ nde owanɔ wa nɛ kpasa sɛ ni, wa dɛ́lɛ́ sɛ gɔ.

1 SAMUƐLƐ 7:13

Bole tia do Ofilisti wena. Tɛ kɔ dungu nza 'da Samuɛlɛ vɛ̃, NWA bia zi ngawi 'da a hã Ofilisti, nɛ wa bì zi 'bɔ le 'da obe Israɛlɛ gɔ.

1 SAMUƐLƐ 13:11

Nɛ Samuɛlɛ tɔ̃ hã a na: “Mɛ mɔ dɛa ni a ge nde?” Nɛ Saulo gese na: “Mi zɔa na, mɔ hɔ do kɔ̃ tũi mɔ wia zi ni gɔ, kɔ osodanɔ wa pɛ pɛsa iko. Dɛ ngɔ nɛ, mi ĩ 'bɔ na, osoda Filisti wa mba ngba wa tɛ Mikmasi.

1 SAMUƐLƐ 17:1

Mbe 'da fala kpo, nɛ osoda Filisti wa mba ngba wa dɛ kɔ le Soko, tɛ ngɔ nù Yuda we bi bolo. Wa 'dafa fala ɔi 'da wa tɛ Efɛsi-Damimɛ, tɛ sanga le Soko do Azeka.

2 SAMUƐLƐ 17:11

“Mɔ zɔ linggamɛ 'da mi ma kɛ: Mɔ ngɛmɛ osoda Israɛlɛ vɛ̃, yolo ndɔti le we hɔ Sɔkpɔ nɛ, kɔ wa dɛlɛ ɔ nɛ kɛnzɛ ni. Nɛ mɔ do tɛ mɔ ngboo mɔ kã wa li bole.

1 Onwanɔ 20:27

Nɛ Akabɛ ngɛmɛ tɛ mɛ 'bɔ li osoda Israɛlɛ vɛ̃, nɛ a hã mɛnɔ vɛ̃ kɛ ma wia we gala wa ni hã wa, nɛ wa nɛ we kpa ngba wa do Owi sɛnɛ wa. Wa hɔa i mɔ, nɛ wa kɛ̃a sanga wa bɔa, nɛ wa dɛ fala ɔi 'da wa, nɛ ma ka mɔ dɛ li kɛ 'da osoda Siri. Nɛ nde osoda Israɛlɛ wa dɔ̀ zi gɔ. Wa ɔ zi dati osoda Siri nɛ odua wa mba ngba wa ngɔ gili bɔa ni. Ĩ na, gba gili osoda Siri wa kpa zi do fala ni vɛ̃.

Ezai 10:28

Osodanɔ kɛ wa nɛ bi le Yeruzalɛmɛ ni, wa ba le Ayatɛ ia. Wa la dɛ tɛ Migroni, nɛ wa a tolenɔ 'da wa tɛ Mikmasi.

1 SAMUƐLƐ 14:52

Kɔ to nwa 'da Saulo vɛ̃, a bi zi bolo do Ofilisti wena. We duzu ma, fala kɛ Saulo zɔ zi wi wili kɛ a ĩ na, gbãlã tɛ̃ a a sɔ̃ wena, tabi a nganda wena ni, nɛ a ba a do soda 'da a.