1 SAMUƐLƐ 12:5 - WE NU GALE 1995

⁵ Nɛ Samuɛlɛ na: “NWA Gale mba do wele kɛ a saka a hã nɛ ni, wa a Otemɔɛnɔ 'da mi sɔɛ gɛ na, nɛ kpà mbe mi do 'dã mɔ kpo gɔ.” Nɛ wa gese na: “Ĩi, mɛ a gbãlã we.”

1 SAMUƐLƐ 12:5 Iomraidhean Croise

Ndo Nyanga Dɛ Mɔ 31:50

Nɛ Labanɛ tɔ̃ na: “Fala kɛ mɔ hã ngamɔ hã oboko benɔ 'da mi, tabi mɔ kala ogele wuko dɛ ngɔ wa nde, nɛ mɔ dɛ zĩ, nɛ mɔ lengge ngboo sɛ. Nɛ mɔ ĩ́ na, gele wele a dúngú sɛ temɔɛ sanga lɛ do mɔ gɔ, nɛ nde wi a Gale do tɛ a ngboo.

YƆBƆ 16:19

We kɛ mi do wi tɔ̃ we ngɔ mi boe. Wi tɔ̃ we ngɔ mi a tɛ li nza i.

YƆBƆ 42:7

NWA Gale wila we do Yɔbɔ ia do'do, nɛ a tɔ̃ hã Elifazɛ, be Temanɛ na: “Zã mi NWA nɔ̃lɔ̃ dɛ tɛ mɔ do oyali ngba mɔ bɔa ni. Mba gɔ, nɛ tɔ̃̀ we 'da mi do gbãlã we ɔ nɛ wi toe 'da mi Yɔbɔ gɔ.

Zumanɔ 17:3

Mɔ ĩ ti kɔ sila mi. Mɔ tɛa 'da mi do tũ, nɛ mɔ yamba sila mi, nɛ nde mɔ kpà mi do 'dã mɔ gɔ. Nɛ mi tɔ̃̀ mbe 'dã we kpo,

Kulu Tɔa 22:4

“Wi kɛ a la osa'denɔ 'da a, hã wa 'danga kpalɛ tabi wala te li fɔɛ 'da ngba a, nɛ a gese sɛ dia kpalɛ tabi dia wala te li fɔɛ 'da a olo nɛ.

YOANƐ 18:38

Nɛ Pilatɛ aka a na: “Gbãlã we gɛ a ge nde?” Pilatɛ tɔ̃a wenɔ ni do'do, nɛ a hɔ nza mbé nɛ, nɛ a tɔ̃ hã Oyudanɔ na: “Mi kpà 'dã gulu we 'da wi gɛ gɔ.

Owi Nɛ Tonɔ 23:9

Nɛ wa ma ngɔ he mɔ gboo, nɛ ombe wi be mbulanɔ sanga Ofariziɛnɔ ni, wa kulu ngɔ, nɛ wa amba wa. Nɛ wa tɔ̃ do nga gɛlɛ na: “Lɛ zɔ̀ 'dã mɛ kɛ wi gɛ a dɛa ma ni gɔ. Mbe gɔ, nɛ nde hi wi tabi anzɛ tɔ̃a we hã a tɔ̃a!”

Owi Nɛ Tonɔ 24:16

Ma kɛ mi dɛ nganda wena na, mi ɔ wi bɔlɔ zu dati Gale do dati owinɔ fai ni.

Owi Nɛ Tonɔ 24:20

Kɔ ni gɔ, nɛ winɔ gɛ wa wia zi we tɔ̃ gulu 'dã mɛ wa kpa do mi ni, 'da fala wa ia zi mi dati Owi 'bili wenɔ ni.

1 KORINTƐ 4:4

We kɛ tɛ zu mi ngɔ 'dã mɛ mi dɛa ni bina. Nɛ nde ma kɔ̃̀ we tɔ̃ na, mi do 'dã mɔ bina ni gɔ. Wi 'bili we 'da mi, wi a Nwa Gale zu a kpo.

2 KORINTƐ 1:12

Mɛ lɛ dɔnggɔ tɛ lɛ do ma ni, ma kɛ: Gbãlã zã lɛ ngboo ni ma tɔ̃ hã lɛ na, dungu 'da lɛ kɛ lɛ dungu nɛ ngɔ nùi gɛ ni, ma a bɔlɔ. Lɛ dɛ mɔ do wala olo nɛ, ɔ nɛ kɛ zã Gale kɔ̃a ni. Da zu nɛ wena a kɛ na, dungu 'da lɛ sanga nɛ ni ma a dia. Lɛ dɛ́ mɔ do hã zã mɔ́ winɔ ngɔ nùi gɛ gɔ, nɛ nde dia zã 'da Gale a kã lɛ.

1 SAMUƐLƐ 12:4

Nɛ obe Israɛlɛ wa gese na: “Ma a mɔ tɔ̃a ni. Fala kpo mɔ ɔ̀kɔ̀lɔ̀ lɛ, tabi mɔ zu mɔ kɔ lɛ gɔ. Mɔ kpà mɔ kɔ̃ wele iko gɔ.”

1 SAMUƐLƐ 26:9

Nɛ Davidi gese hã a na: “Mɔ tɛ gbɛ a gɔ. Mɔ lengge na, wele wia tɛ dɛ 'dã mɔ do nwa kɛ Gale saka a ni, nɛ a zɔlɔ kpa etumbu nde?