1 SAMUƐLƐ 12:3 - WE NU GALE 1995

³ Ma kɛ mi yolo dati nɛ, nɛ mi aka nɛ na, nɛ tɔ̃ 'dã we tɛ mi dɛ li NWA Gale, do li nwa wele kɛ a saka a ni. Mi zũ mbe ngɔmbɔ tabi punda mɔ́ wele nde? Mi nyɔngɔ mbe mɔ kɔ̃ wele do mbana nde? Mi 'bili ngbangga mɔ́ wele do 'dã nɛ nde? Wele hã mbe mɔ hã mi na, mi umu li mi dɛ ngɔ 'dã mɛ 'da a nde? Fala kɛ mi dɛ mɔ ɔ ni, nɛ mi gese sɛ olo nɛ hã nɛ.”

1 SAMUƐLƐ 12:3 Iomraidhean Croise

2 SAMUƐLƐ 22:22

Mi dɛ mbulanɔ 'da NWA Gale 'da mi, nɛ mi bɛ̃ we nu a gɔ.

NEHEMIE 5:11

Kɔ yolo do sɔɛ gɛ, nɛ gésé ofɔnɔ, do ote vinɔnɔ, do ote olivɛnɔ, do otɔanɔ 'da Owi ba ku'danɔ 'da nɛ hã wa. Nɛ nɛ tɛ sà 'bɔ mɔ 'da ble, do dɔ̃, tabi do nɔnɔ kɛ nɛ ia zi zu wa do ku'da ni, nɛ nɛ fa we kpa mbili ngɔ nɛ gɔ.”

Zumanɔ 15:5

A kɔ̃̀ na, ɛ kpa ngɔ mbilinɔ kɛ wa ba kɔ ɛ do ku'da ni gɔ. A kɔ̃̀ na, wa 'dɔlɔ omɔ hã ɛ na, ɛ tɔ̃ 'dã we dɛ ngɔ wi bɔlɔ zu gɔ. Wi kɛ a dɛ mɛnɔ gɛ vɛ̃ ni, nɛ nde mɔ kpo yɛ́kɛ́ sɛ a gɔ.

Kulu Tɔa 20:17

“Mɔ tɛ è sila mɔ ngɔ mɔ mɔ́ ngba mɔ gɔ. Mɔ tɛ è sila mɔ ngɔ tɔa 'da a, kɛnɛ a, owi tonɔ 'da a, ngɔmbɔ, punda, tabi gele mɔ mɔ a kpo gɔ.”

Kulu Tɔa 22:4

“Wi kɛ a la osa'denɔ 'da a, hã wa 'danga kpalɛ tabi wala te li fɔɛ 'da ngba a, nɛ a gese sɛ dia kpalɛ tabi dia wala te li fɔɛ 'da a olo nɛ.

Kulu Tɔa 23:8

Nɛ tɛ kɔ̃̀ gɛnɛ avoka kɛ winɔ wa futa ma hã nɛ na, nɛ kpolo linggamɛ 'da nɛ ni gɔ. Fala kɛ nɛ ba ma, hã gɛnɛ kɔ nɛ a ogbãlã wele ngboo, nɛ ma 'danga sɛ 'bili wenɔ 'da nɛ.

GBA WENƆ 15:27

Wi kɛ a fa mbili do 'dã hã ni, nɛ ma 'danga sɛ nu fɛlɛ a. Mɔ sɛnɛ kpa avoka kɔ dɛa to, nɛ mɔ ɔ sɛ dɔa kɔ̃ tũ ngɔ nù gɛ.

Levitɛnɔ 6:4

'Do nɛ, nɛ a kpolo tulunɔ tɛ̃ a ni, nɛ a ba bũi ni hɔ do ma dɛ 'do ngbo ɔi i, tɛ fala kɛ ma sa li Gale ni.

Levitɛnɔ 6:5

Nɛ we ngɔ gbagala ni, ma tɛ bì gɔ. Titole kpo kpo, nɛ nganga a a sɛ ogua ngɔ gbagala, nɛ a 'dafa sa'de we dɔ a dɛ ngɔ guanɔ ni. 'Do nɛ, nɛ a dɔ Okɛndɔ sa'de do dɔnggamɔ kɛ ma be dɛa na ni dɛ ngɔ nɛ.

Tɔlɔ Mɔ 16:15

Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

MATIE 22:21

Nɛ wa gese hã a na: “Mɛ a kpongbolo zu gã nwa ngɔ nù Roma.” Nɛ Yezu tɔ̃ hã wa na: “Na mɛ ni, nɛ gésé mɛ 'da nwa ngɔ nù Roma hã a, nɛ nɛ hã́ kɛ 'da Gale tɛ mɛ 'bɔ hã Gale.”

LUKA 19:8

Wa hɔa i mɔ ni, nɛ Zakayo kulu ngɔ, nɛ a tɔ̃ hã Nwa Yezu na: “Aa Nwa, mi kɔ̃a we gɔnɔ sanga kpamɛnɔ 'da mi dɛ gbogbo, nɛ mi hã mbee nɛ hã Owi sãnɔ. Kɔ fala kɛ mi ɔlɔ zi wele, kɔ mi kala mbili kɔ̃ a nde, nɛ mi gese sɛ olo nɛ hã a fala nalɛ.”

Owi Nɛ Tonɔ 20:33

Mi 'bã̀ zi kpamɔ, tabi tulu mɔ́ wele gɔ.

2 KORINTƐ 12:14

Mi kɔla fala nɛ talɛ gɛnɛ 'da mi 'da nɛ i ia. Nɛ mi kɔ̃ sɛ 'bɔ we kpa mɔ kɔ̃ nɛ gɔ. We kɛ mi kɔ̃̀ we kpa mbili kɔ̃ nɛ gɔ, mi kɔ̃a gɛnɛ kili tɛ nɛ ngboo. Mba gɔ, ma wè na obe wa fa mbili we dala do wele wa gɔ, nɛ nde Owele benɔ wa a wa fa mbili we dala do obenɔ 'da wa.

Mbulanɔ 16:19

Nɛ ma wè na, wa gbɛ 'dã we hã owi dia gulu wenɔ do bɛlɛ gɔ. Wa tɛ zɔ̃ bula li wele, sɛ nɛ wa gɔnɔ dia we hã a de gɔ. Wele futa avoka hã wa na, wa 'bili dia gulu we hã ɛ, nɛ wa tɛ kɔ̃̀ gɛnɛ nɛ gɔ. We kɛ avoka ni, ma wia we lɔ li wi hã zã do wi bɔlɔ zu na, wa gɔnɔ ngbangga do 'dã nɛ.

1 TƐSALONIKƐ 2:10

Nɛ nɛ zɔa tɛlɛ tɛ kɛ lɛ dungu zi sanga nɛ wi kɔ̃a wenɔ ni, nɛ Gale zɔa 'bɔ ma. Lɛ dɛ̀ mbe 'dã mɔ li Gale gɔ, nɛ dɛa to tɛ lɛ zi a bɔlɔ fai, fo zi mɔ kɔ'dɔ lɛ we nɛ ni bina.

1 TƐSALONIKƐ 2:5

Nɛ ĩ na, lɛ bè zi wé do ɛfɛ̃ lɛnggɛ we tɛmbɛlɛ nɛ gɔ, nɛ lɛ fà zi 'bɔ we kpa mɔ kɔ̃ nɛ gɔ, nɛ Gale ĩ 'bɔ ma.

1 PETRO 5:2

nɛ zɔ́ mɔ tɛ winɔ 'da Gale kɛ a a wa dɛ kɔ̃ nɛ ni, ɔ nɛ kɛ Owi zɔ mɔ tɛ bata, wa zɔ do mɔ tɛ batanɔ 'da wa ni. Nɛ tɛ zɔ̀ mɔ tɛ wa, ɔ nɛ kɛ Owele wa ngbɔkɔ nɛ ngbɔka ni gɔ, nɛ nde nɛ zɔ́ mɔ tɛ wa do yangga, nɛ́ kɛ Gale kɔ̃a ni. Nɛ tɛ dɛ̀ toe ni we wɔ tɛ mbili gɔ, nɛ nde nɛ bá tɛ nɛ we nɛ do sila nɛ vɛ̃.

1 SAMUƐLƐ 10:1

Samuɛlɛ ba daka nɔɛ kɛ a tɛa do nɛ ni, nɛ a a ma dɛ zu Saulo. Nɛ a 'be a dɛ tɛ̃ a, nɛ a na: “Wi a NWA hã a saka mɔ na, mɔ ɔ nwa ngɔ obe Israɛlɛ. Mɔ dungu sɛ nwa ngɔ wa, nɛ mɔ kpasa sɛ wa ti kɔ̃ owi sɛnɛ wa vɛ̃. Mɔ zɔ́ mɛ kɛ ma be sɛ hã mɔ na, wi a NWA hã a saka mɔ do wi ngɔ owinɔ 'da a ni ma kɛ.

1 SAMUƐLƐ 12:4

Nɛ obe Israɛlɛ wa gese na: “Ma a mɔ tɔ̃a ni. Fala kpo mɔ ɔ̀kɔ̀lɔ̀ lɛ, tabi mɔ zu mɔ kɔ lɛ gɔ. Mɔ kpà mɔ kɔ̃ wele iko gɔ.”

1 SAMUƐLƐ 12:5

Nɛ Samuɛlɛ na: “NWA Gale mba do wele kɛ a saka a hã nɛ ni, wa a Otemɔɛnɔ 'da mi sɔɛ gɛ na, nɛ kpà mbe mi do 'dã mɔ kpo gɔ.” Nɛ wa gese na: “Ĩi, mɛ a gbãlã we.”

1 SAMUƐLƐ 2:35

'Do kɛ wa fe sɛ ni, nɛ mi saka sɛ nganga kɛ a dɛ olo nu mi, nɛ a dɛ mɛ zã mi kɔ̃a ni. Mi hã sɛ obe kɔ nu fɛlɛ a, nɛ wa sɛ a onganganɔ 'da mi. Nɛ wa dɛ sɛ toe 'da wa fala nɛ kpo do nwa mi nɛ saka sɛ a ni fai.

1 SAMUƐLƐ 24:11

Mɔ ĩ́ na, NWA Gale do tɛ̃ a, a ia mɔ sɔɛ gɛ dɛ kɔ̃ mi, 'da fala mɔ sɔ kɔ ta ni. Wa tɔ̃a hã mi na, mi gbɛ mɔ. Nɛ nde i dɛa 'bako hã mɔ, nɛ mi tɔ̃a hã wa na, mi gbɛ́ sɛ mɔ gɔ, we kɛ NWA Gale a saka mɔ we dɛ to nwa gɛ.

1 SAMUƐLƐ 24:6

'Do kɛ Davidi 'bili nu tuli 'da Saulo ni, nɛ sila a ma ngɔ to nganda wena.

1 SAMUƐLƐ 24:7

Nɛ a tɔ̃ hã owinɔ 'da a na: “E kɔ NWA Gale gala mi na, mi tɛ dɛ̃ 'dã mɔ do nwa 'da mi Saulo, ɔ nɛ kɛ nɛ tɔ̃ gɛ gɔ. Mba gɔ, Gale do tɛ̃ a hã a saka a na, a dungu nwa.”

1 SAMUƐLƐ 26:11

Nɛ nde e kɔ nwa fɔmɔ mi na, mi tɛ dɛ 'dã mɔ do nwa kɛ a saka a ni gɔ. Lɛ ba tati a sɛlɛ, do daka lì kɛ a ia kɔlɔ do zu a ni, kɔ lɛ la do ma.”

1 SAMUƐLƐ 26:9

Nɛ Davidi gese hã a na: “Mɔ tɛ gbɛ a gɔ. Mɔ lengge na, wele wia tɛ dɛ 'dã mɔ do nwa kɛ Gale saka a ni, nɛ a zɔlɔ kpa etumbu nde?