1 SAMUƐLƐ 12:2 - WE NU GALE 1995

² Yolo do sɔɛ gɛ, a kpe sɛ dati nɛ, we kɛ mi dɛa gbɛlɛ do'do, nɛ mi 'bɔ do ngawi bina. Obenɔ 'da mi, wa sanga nɛ gɛ boe. Mi fɔmɔ zi nɛ, yolo ngɔ be tɛ mi gbaa we hɔ sɔɛ gɛ.

1 SAMUƐLƐ 12:2 Iomraidhean Croise

Zumanɔ 71:18

Ngangga gɛ, mi dɛa kpasa wi, nɛ zu mi kutu mbu, nɛ nde Gale, mɔ tɛ bɛ gɛnɛ mi gɔ. Mɔ ɔ́ do mi fala nɛ kpo, takɔ mi tɔ̃ lɛnggɛ mɛnɔ mɔ dɛa do ngawi 'da mɔ ni hã obe zã lɛ kɛ wa sanza gɛ.

Tɔlɔ Mɔ 27:17

Ma wia na, wi ni ɔ wi kɛ a kã sɛ owinɔ 'da mɔ falanɔ vɛ̃ ni na, dɔ wa ó nɛ obata kɛ wa zɔlɔ wi fɔmɔ wa ni gɔ.”

2 TIMOTE 4:6

Kɔ we mi, ngba soe kɛ na mi hã tɛ mi nɛ́ dɔnggamɔ hã Gale ni ma wia ia. Tũ fio 'da mi ma kɔla ia.

Yozue 23:1

'Do kɛ NWA kpasa obe Israɛlɛ ti kɔ̃ owi sɛnɛ wa ni, nɛ a hã dungu fio hã wa 'do nɛ nyɛlɛ wena. 'Da fala ni, nɛ nde Yozue dɛ gbɛlɛ wena.

Yozue 23:2

Nɛ a sa mɔ hã obe Israɛlɛ vɛ̃ na, wa mba ngba wa dɛ ti ɛ. A sa mɔ hã ogã wi ngɔ nu fɛlɛ kulanɔ, do okumunɔ, do owi 'bili wenɔ, do ogã wi ngɔ sodanɔ, nɛ a tɔ̃ hã wa na: “Nɛ zɔ́, mi dɛ gbɛlɛ wena.

2 PETRO 1:14

Mi ĩ na, tũ dungu nza 'da mi 'bànà wena gɔ. Mi fe sɛ ɔ nɛ kɛ Nwa 'da lɛ Yezu Kristo bia zi hã mi ni.

1 SAMUƐLƐ 2:22

Heli dɛ zi gbɛlɛ wena. Nɛ a zila we 'dã mɛnɔ vɛ̃, kɛ benɔ 'da a wa dɛ ma dɛ 'da obe Israɛlɛ ni. Nɛ a zila 'bɔ we kɛ wa ɔ do owukonɔ, kɛ wa dɛ toe tɛ nu tɔa we le dɛ kɔ tɔa Tande 'da Gale ni,

1 SAMUƐLƐ 2:29

Kɔ gulu kɛ dɔnggamɛnɔ mi ba nu mi na, wa tɛ nɛ tɛ fala dɔnggɔ do mi ni, nɛ zɔ ma yala we ge nde? Nɛ gulu kɛ nɛ kala dia nɔ sa'denɔ kɛ owinɔ 'da mi, obe Israɛlɛ, wa tɛ nɛ hã mi ni, nɛ nɛ nyɔngɔ ma takɔ nɛ gã nɛ ni we ge nde? Ma dè gɔ. Nɛ mɔ Heli, gulu kɛ mɔ dɔnggɔ benɔ 'da mɔ nɛa ngɔ mi ni we ge nde?

1 SAMUƐLƐ 3:10

Nɛ NWA tɛa, nɛ a yolo, nɛ a sa mɔ ɔ nɛ kɛnɔ sɔ dati ni. A na: “Samuɛlɛ, Samuɛlɛ!” Nɛ Samuɛlɛ gese na: “NWA, mɔ tɔ̃́ hã mi, wi dɛa toe 'da mɔ, hã mi zele.”

1 SAMUƐLƐ 3:13

Mi tɔ̃a hã a ia na, mi nɛ hã etumbu kɛ ma é sɛ gɔ ni hã nu fɛlɛ a, we duzu kɛ obenɔ 'da a wa dã zu li mi, nɛ a ĩ fala nɛ, nɛ nde a gà wa gɔ.

1 SAMUƐLƐ 3:16

Nɛ Heli sa mɔ hã a na: “Samuɛlɛ, be 'daa.” Nɛ a kɔ̃.

1 SAMUƐLƐ 8:1

'Da fala kɛ Samuɛlɛ hɔa kpasa wi do'do ni, nɛ a ia obenɔ 'da a do owi kpe dati obe Israɛlɛ.

1 SAMUƐLƐ 8:20

takɔ lɛ ɔ nɛ Owi kɔ gele lenɔ ni. Lɛ kɔ̃a nwa kɛ a gɔnɔ we 'da lɛ, nɛ a kpe dati lɛ, nɛ a mba do lɛ we bi bolo ni.”

1 SAMUƐLƐ 8:3

Nɛ nde obenɔ 'da Samuɛlɛ wa hɔ̀ a gɔ. Wa lengge tati a do mbilinɔ winɔ wa 'dɔlɔ hã wa ni, nɛ nde wa gɔ́nɔ́ wenɔ do bɔlɔ nɛ gɔ.

1 SAMUƐLƐ 8:5

Nɛ wa tɔ̃ hã a na: “Samuɛlɛ, mɔ zɔ́, mɔ hɔa kpasa wi ia, nɛ benɔ 'da mɔ wa hɔ mɔ gɔ. Kɔ ɔ nɛ kɛ wa dɛ ni ni, mɔ sáká nwa na, a fɔmɔ lɛ, ɔ nɛ kɛ ma dɛ tɛ̃ ɛ ngɔ nùi 'da ogele winɔ vɛ̃ ni.”