1 SAMUƐLƐ 12:12 - WE NU GALE 1995

¹² Nɛ nde 'da fala nɛ zɔa Nahasi, nwa ngɔ nù Amoni tɛ tɛ we bi nɛ do osodanɔ 'da a ni, nɛ nɛ bɛ̃a gɛnɛ NWA Gale na, a 'bɔ a nwa 'da nɛ gɔ. Nɛ nɛ tɔ̃a hã mi na: ‘Lɛ kɔ̃a gɛnɛ wele na, a ɔ nwa ngɔ lɛ.’

1 SAMUƐLƐ 12:12 Iomraidhean Croise

Ndo Nyanga Dɛ Mɔ 17:7

“Gba tɔkɛ kɛ mi nɛ gba do mɔ gɛ, ma 'bana sɛ 'bana fai. Nɛ ma 'bana sɛ 'bɔ sanga tɛ ngba lɛ do obe zã mɔ gbaa kɔ sabɛlɛ do sabɛlɛ. Na mɛ ni, nɛ mi sɛ a Gale 'da mɔ, do obe zã mɔ olo mɔ gɛ fai.

Zumanɔ 74:12

Aa Gale, yolo do gulu, mɔ fai a nwa 'da lɛ. Zi dati, mɔ gala zi lɛ na, lɛ nɛ ngɔ owi sɛnɛ lɛ tɛ ngɔ nùi gɛ.

Ezai 33:22

Ofɛlɛnɔ kɛ Owi sɛnɛ lɛ wa kpo do bɛndɛlɛnɔ 'da wa ni, ma gɔnɔ sɛ, nɛ fo sɛ 'bɔ wala na, wa gbɔtɔ bɛndɛlɛnɔ 'da wa dɛ ngɔ bina. Do 'da fala ni, nɛ lɛ kɛ̃ sɛ sanga gba gili mɔ olo wa dɛ kɔ̃ lɛ vɛ̃. Gɛnɛ kɔ Owi 'dã nyanganɔ, nɛ wa kpa sɛ mɔ olo Owi sɛnɛ lɛ. NWA Gale a wi kpasa lɛ. A dungu sɛ nwa ngɔ lɛ, nɛ a gɔnɔ ngbangganɔ 'da lɛ.

Yeremi 40:11

Do 'da fala ni, nɛ obe Yuda kɛ wa ɔ zi tɛ 'da Omoabɛ, Oamoni, Oedɔmɛ, do kɔ ogele lenɔ ni, wa zila na, nwa ngɔ nù Babilonia la mbe owinɔ dɛ ngɔ nù Yuda, nɛ a ia Gɛdalia do wi fɔmɔ wa.

OZE 13:10

Nwa 'da nɛ, do ogã wi ngɔ nɛ wa a do nde? Nɛ aka zi mi na, mi hã wa hã nɛ, kɔ ngangga gɛ wa gálá 'bɔ nɛ gɔ nde?

Tɔlɔ Mɔ 23:21

Mi zɔ̃ 'dã mɔ mɔ́ obe zã Yakɔbɔ kpo gɔ. Fo ngamɔ ngɔ nù Israɛlɛ bina, we kɛ NWA do wa boe.

Owi kpe dati 8:23

Nɛ Zedeoni tɔ̃ hã wa na: “Mi hɔ́ sɛ wi kpe dati nɛ gɔ, nɛ be 'da mi hɔ́ sɛ 'bɔ wi kpe dati nɛ gɔ. Nɛ nde NWA Gale sɛ a wi kpe dati nɛ.”

Owi kpe dati 9:18

Kɔ nɛ zɔ̀, nɛ siki li nɛ dɛ tɛ nu fɛlɛ kula 'da a, nɛ nɛ gbɛ obenɔ 'da a 'bu wa sambo ni vɛ̃ dɛ ngɔ kpangba ta kpo! Nɛ nɛ e Abimelɛkɛ, be kɛ a kua a do wuko wi dɛa to 'da a ni do nwa ngɔ nɛ, we duzu kɛ a kɔ nu fɛlɛ kula 'da nɛ.

1 SAMUƐLƐ 10:19

Wi a mi, Gale 'da nɛ, kɛ mi fua zi ongamɛnɔ, do 'bakonɔ 'da nɛ vɛ. Nɛ nde sɔɛ gɛ, nɛ bɛ̃a gɛnɛ mi, nɛ nɛ aka mi na, mi hã nwa hã nɛ. Ma a dia, kɔ nɛ mbá ngba nɛ, nu kpala nɛ do nu fɛlɛ kpo do kpo, nɛ nɛ hɔ dati mi NWA Gale.’ ”

1 SAMUƐLƐ 8:3

Nɛ nde obenɔ 'da Samuɛlɛ wa hɔ̀ a gɔ. Wa lengge tati a do mbilinɔ winɔ wa 'dɔlɔ hã wa ni, nɛ nde wa gɔ́nɔ́ wenɔ do bɔlɔ nɛ gɔ.