1 SAMUƐLƐ 11:2 - WE NU GALE 1995

² Nɛ Nahasi gese hã wa na: “Mi dɛ sɛ na do nɛ. Nɛ nde mi kɔ̃a na, mi 'dɔ gbali nɛ kɛ si ngawili kɔ̃, takɔ ma ya fala tɛ obe Israɛlɛ vɛ̃, sɛ nɛ mi dɛ na do nɛ de.”

1 SAMUƐLƐ 11:2 Iomraidhean Croise

Ndo Nyanga Dɛ Mɔ 34:14

Nɛ wa gese we hã Sikɛmɛ do baa a na: “Lɛ hã́ sɛ boko nya lɛ hã wi wili kɛ a nɛ̀ gaza gɔ ni gɔ. Lɛ dɛ mɔ na mɛ ni, nɛ mɛ sɛ a sape we duzu lɛ.

2 Onwanɔ 18:31

Nɛ zélé tati a toe kɛ nwa ngɔ nù Asiri tumba hã nɛ na, nɛ hɔ nza kɔ le 'da nɛ, hã lɛ dɛ na do nɛ ni. Fala kɛ nɛ dɛ ni, nɛ wele do wele sanga nɛ gɛ, a nɔ sɛ dɔ̃ vinɔɛ kɛ a mi ma ni, nɛ a nyɔngɔ sɛ kpalɛ li fɔɛ 'da a, nɛ a nɔ sɛ lì kɔ 'de 'da a.

Zumanɔ 44:13

Mɔ bia gole lɛ, owinɔ 'da mɔ dɛ nù, nɛ mɔ 'dɔlɔ lɛ, nɛ mɔ kpà si olo nɛ gɔ.

Kulu Tɔa 3:6

Mi a Gale kɛ oyaa mɔ wa dɔnggɔ zɛ́ mi ni. Mi a Gale 'da Abrahama, Izaka do Yakɔbɔ.” Nɛ Mɔizɛ usu li ɛ, we kɛ a zi do kili we zɔ NWA Gale.

GBA WENƆ 12:10

Wi dia sila lengge do mɛnɔ kɛ onadalamɛnɔ 'da a wa do wɔ nɛ ni. Nɛ nde dɛa mɔ tɛ 'dã wi tati a zɛlɛ te ongba a.

Yeremi 39:7

Dɛ 'do nɛ, nɛ a ba nu a, nɛ wa 'dɔ gbali Sedekiasi, nɛ wa ɛnzɛ a kiti kiti, nɛ wa la do a si tɛ Babilɔnɛ.

Tɔlɔ Mɔ 16:14

Ma wè gɔ. Mɔ nɛ do lɛ dɛ ngɔ nù kɛ nyɔngɔmɔ la li ngele tɛ nɛ ni gɔ, nɛ mɔ hã̀ 'bɔ ofɔ vinɔ hã lɛ do mɔ́ lɛ gɔ. Mɔ zɔ lɛ ɔ nɛ owi tandu kɛ wa wè tɛ zɔ mɛnɔ mɔ dɛ ni gɔ nde? Lɛ bɛ̃a, lɛ nɛ́ sɛ i mɔ gɔ.”

Owi kpe dati 16:21

Nɛ Ofilisti wa ba Samsoni, nɛ wa o li a bɔa nɛ, nɛ wa la do a dɛ kɔ le Gaza i, nɛ wa ɛnzɛ a do fɛlɛ dɔkpɔ kɛ wa dɛa ma do tũ mɔ bolo ni. Nɛ wa fi a bɔlɔkɔ hé ngbá ni, nɛ wa e a do wi Sɔkpɔ gbãlã ble.

1 SAMUƐLƐ 11:10

Nɛ wa tumba to mbana hã nwa Nahasi na: “Bindɛ, nɛ lɛ vɛ̃ lɛ nɛ sɛ, takɔ lɛ ɔ ti nwa 'da mɔ. Nɛ mɔ dɛ sɛ do lɛ, ɔ nɛ kɛ mɔ kɔ̃a ni.”

1 SAMUƐLƐ 12:12

Nɛ nde 'da fala nɛ zɔa Nahasi, nwa ngɔ nù Amoni tɛ tɛ we bi nɛ do osodanɔ 'da a ni, nɛ nɛ bɛ̃a gɛnɛ NWA Gale na, a 'bɔ a nwa 'da nɛ gɔ. Nɛ nɛ tɔ̃a hã mi na: ‘Lɛ kɔ̃a gɛnɛ wele na, a ɔ nwa ngɔ lɛ.’

1 SAMUƐLƐ 17:26

Davidi aka osodanɔ kɛ zã a ni na: “Wi kɛ a gbɛ Filisti gɛ, hã a fo sape li obe Israɛlɛ ni, nɛ a kpa sɛ mɔ ge nde? Be Filisti gɛ, kɛ a a manda'ba iko, a wia we nɛ ngɔ osodanɔ 'da Gale wele kpasi nde?”