1 SAMUƐLƐ 11:1 - WE NU GALE 1995

¹ Olo nɛ la zɛkɛ kpo, nɛ Nahasi, nwa ngɔ Oamoni nɛa do osodanɔ 'da a, nɛ wa linggi le Yabɛsi tɛ ngɔ 'bili tɛ nù Galadɛ. Owi Yabɛsi wa nɛa we zɔ ni, nɛ wa tɔ̃ hã nwa Nahasi na: “Mɔ kɔ̃, nɛ mɔ dɛ na do lɛ, nɛ lɛ kɔ̃ sɛ gɛnɛ mɔ na, mɔ ɔ nwa ngɔ lɛ.”

1 SAMUƐLƐ 11:1 Iomraidhean Croise

Ndo Nyanga Dɛ Mɔ 26:28

Nɛ wa gese hã a na: “Ngangga ni, lɛ ĩ wá na, NWA fala nɛ kpo do mɔ boe. Nɛ lɛ lingga na, ma wia na lɛ dɛ mɔ kɛ ma be dɛa na sanga tɛ ngba lɛ do mɔ ni.

2 SAMUƐLƐ 10:1

'Do nɛ là nyɛlɛ gɔ, nɛ nwa 'da Oamoni fe, nɛ be 'da a Hanunɛ dungu nwa olo a.

2 SAMUƐLƐ 10:2

Davidi nɛa we zele ni, nɛ a tɔ̃ na: “Mi nɛ be dia zã hã Hanunɛ, be 'da Nahasi, ɔ nɛ kɛ baa a dɛa zi do mi ni.” Nɛ a tombo ombe Owi olo li a na wa nɛ, kɔ wa ɔ do Hanunɛ olo fio baa a. Owi olo li Davidi wa nɛa we hɔ ngɔ nùi 'da Oamoni i,

2 SAMUƐLƐ 17:27

Davidi nɛa we hɔ Mahanaimɛ, nɛ a kpa ngba a do Sobi, be 'da Nahasi, kɛ a a wi kɔ le Raba. Raba zi a gã le 'da Oamoni. A kpa 'bɔ ngba a do Makirɛ, be 'da Amiɛlɛ, wi kɔ le Lo-Dabarɛ. Nɛ a kpa 'bɔ Barzilai, wi kɔ le Rogɛlimɛ, tɛ ngɔ nu Galadɛ.

2 SAMUƐLƐ 2:5

nɛ a tombo Owi tonɔ 'da a we tɔ̃ hã wa na: “E kɔ NWA wele nu a tɛ nɛ, tɛ kɛ nɛ mi nwa 'da nɛ Saulo, nɛ nɛ bia kɔ̃a zã 'da nɛ hã a ni.

1 Onwanɔ 20:34

Nɛ Bɛnɛ-Hadadɛ tɔ̃ hã Akabɛ na: “Lenɔ kɛ zi baa mi bi, nɛ a kala ma kɔ̃ baa mɔ ni, mi gisa ma hã mɔ. Nɛ mɔ wia we dɛ tɔa be do golenɔ 'da mɔ tɛ kɔ le Damasi, ɔ nɛ kɛ baa mi dɛa zi kɛnɔ 'da a tɛ Samaria nga ni.” Nɛ Akabɛ kɔ̃a, nɛ a tɔ̃ hã a na: “Mi kɔ̃ sɛ na, lɛ 'dafa we dɛa na do mɔ, nɛ mi gese mɔ iko.” Wa 'dafa we dɛa na ni do'do, nɛ Akabɛ gese Bɛnɛ-Hadadɛ.

1 Sakonɔ 10:11

Owi Yabɛsi, tɛ ngɔ nù Galadɛ, wa zila tɛlɛ tɛ kɛ Ofilisti wa dɛa do Saulo ni.

1 Sakonɔ 10:12

Nɛ mbe Owi kpã silanɔ kɔ le ni, wa nɛ, nɛ wa ba wɔlɔ Saulo, nɛ wa kala 'bɔ wɔlɔ obenɔ 'da a, nɛ wa si do ma dɛ Yabɛsi, nɛ wa mi gbãlã wa dɛ ti mbe gba gbɛlɛ te kɔ le ni. Nɛ wa bɛ̃ nyɔngɔmɔ 'do tũ sambo.

YƆBƆ 41:4

Mi nɛ tɔ̃ di ni lɛnggɛ ngɔ ngawi 'da nga'bala, do kili tɛ̃ a, do dia ndala tɛ̃ a.

Kulu Tɔa 23:32

Da dɛ kɔ nɛ gbá tɔkɔ do wa, tabi do ogalenɔ 'da wa gɔ.

Ezai 36:16

Nɛ nde nɛ tɛ kɔ̃̀ gɛnɛ lɛnggɛ 'da Ezekiasi gɔ. Nɛ zélé tati a toe kɛ nwa ngɔ nù Asiri tumba hã nɛ na, nɛ hɔ́ nza kɔ le 'da nɛ, hã lɛ dɛ na do nɛ ni. Fala kɛ dɛ ni, nɛ wele do wele sanga nɛ gɛ, a nɔ sɛ dɔ̃ vinɔɛ kɛ a mi ma ni, nɛ a nyɔngɔ sɛ kpalɛ li fɔɛ 'da a, nɛ a nɔ sɛ lì kɔ 'de 'da a.

Yeremi 40:11

Do 'da fala ni, nɛ obe Yuda kɛ wa ɔ zi tɛ 'da Omoabɛ, Oamoni, Oedɔmɛ, do kɔ ogele lenɔ ni, wa zila na, nwa ngɔ nù Babilonia la mbe owinɔ dɛ ngɔ nù Yuda, nɛ a ia Gɛdalia do wi fɔmɔ wa.

Yeremi 40:14

nɛ wa tɔ̃ hã a na: “Mɔ ĩ na Balisi, nwa 'da Oamoni tumba Ismaɛlɛ we gbɛ mɔ.” Nɛ nde Gɛdalia kɔ̃̀ zi we zele wa gɔ.

EZEKIƐLƐ 17:13

Nɛ a saka mbe wele kpo kɔ nu fɛlɛ nwa, nɛ a gba tɔkɔ do a. Nɛ a ba nu a hã wi ni na, a kana tɛ̃ a na, a dɛ sɛ mbula 'dɛ ɛ fai. Ĩ na, a fua okumunɔ ngɔ nùi ni do'do na,

Mbulanɔ 23:3

“Wele kɛ wa kua a do gele wuko ni, a lé sɛ kɔ mba li ngba wi 'da winɔ 'da nwa gɔ. Gɛnɛ kɔ wa ko, hã wa sanza fala 'bu, nɛ nde obe yaa a wa mbá sɛ do owinɔ 'da nwa gɔ.

Owi kpe dati 10:7

Nɛ zã NWA nɔ̃lɔ̃ dɛ tɛ wa, nɛ a 'dɔlɔ wa hã Ofilisti do Oamoni.

Owi kpe dati 11:4

'Do nɛ là tũ dɛlɛ gɔ, nɛ Oamoni wa bi obe Israɛlɛ.

Owi kpe dati 21:8

Nɛ wa ma ngɔ aka dɛ ngbala wa we ĩ na, wi sanga obe Israɛlɛ kɛ a nɛ̀ zi tɛ mba li ngba wi dati NWA tɛ Mispa i gɔ ni a wio nde? Nɛ wa kpa na, winɔ vɛ̃ kɔ le Yabɛsi kɛ ma ngɔ nù Galadɛ ni, wa nɛ̀ zi gɔ.

1 SAMUƐLƐ 12:12

Nɛ nde 'da fala nɛ zɔa Nahasi, nwa ngɔ nù Amoni tɛ tɛ we bi nɛ do osodanɔ 'da a ni, nɛ nɛ bɛ̃a gɛnɛ NWA Gale na, a 'bɔ a nwa 'da nɛ gɔ. Nɛ nɛ tɔ̃a hã mi na: ‘Lɛ kɔ̃a gɛnɛ wele na, a ɔ nwa ngɔ lɛ.’

1 SAMUƐLƐ 14:47

Yolo do kɛ Saulo hɔa nwa ni, nɛ a bi bolo do Owi sɛnɛ Oisraɛlɛ, ngɔ nùnɔ kɛ zã Israɛlɛ vɛ̃ ni. Owi sɛnɛ wa zi a: Omoabɛ, Oamoni, Oedɔmɛ, do Onwanɔ ngɔ nù Soba, do Ofilisti. Nɛ kɔ bolonɔ ni vɛ̃, Saulo nɛa zi ngɔ Owi sɛnɛ a.