1 SAMUƐLƐ 10:1 - WE NU GALE 1995

¹ Samuɛlɛ ba daka nɔɛ kɛ a tɛa do nɛ ni, nɛ a a ma dɛ zu Saulo. Nɛ a 'be a dɛ tɛ̃ a, nɛ a na: “Wi a NWA hã a saka mɔ na, mɔ ɔ nwa ngɔ obe Israɛlɛ. Mɔ dungu sɛ nwa ngɔ wa, nɛ mɔ kpasa sɛ wa ti kɔ̃ owi sɛnɛ wa vɛ̃. Mɔ zɔ́ mɛ kɛ ma be sɛ hã mɔ na, wi a NWA hã a saka mɔ do wi ngɔ owinɔ 'da a ni ma kɛ.

1 SAMUƐLƐ 10:1 Iomraidhean Croise

2 SAMUƐLƐ 1:14

Nɛ Davidi na: “Nɛ mɔ mbe do kili we gbɛ nwa kɛ NWA Gale saka a ni bina nde?”

2 SAMUƐLƐ 19:39

Nwa Davidi gese na: “Mi kɔ̃a, Kimahamɛ a si sɛ do mi, nɛ mi dɛ sɛ do a ɔ nɛ kɛ mɔ kɔ̃a ni. Mɛ vɛ̃ mɔ aka sɛ kɔ̃ mi ni, nɛ mi hã sɛ ma hã mɔ.”

2 SAMUƐLƐ 20:19

Le 'da lɛ gɛ, ma kɔ lenɔ kɛ ma do dungu fio wena, nɛ owi kɔ nɛ wa dɛ mbula 'da Oisraɛlɛ do wala olo nɛ. Nɛ nde mɔ kɔ̃a we 'danga ma na mɛ ni we ge nde? Mɔ kɔ̃a we 'danga mɔ mɔ NWA Gale nde?”

2 SAMUƐLƐ 5:2

Do 'da fala zi Saulo a nwa ngɔ lɛ ni, nɛ nde mɔ zi a mɔ kpe dati osoda Israɛlɛ. Nɛ nwa tɔ̃a zi hã mɔ na, mɔ a mɔ nɛ zɔ sɛ mɔ tɛ obe Israɛlɛ, winɔ 'da ɛ. Mɔ sɛ a nwa ngɔ wa.”

1 Onwanɔ 1:34

Kɔ nɛ hɔ i mɔ, nɛ mɔ, nganga Sadɔkɛ, do mɔ Natanɛ, wi gba olo nu Gale, nɛ a sɛ nɔ zu Salɔmɔ, we be na, a hɔa nwa ngɔ Israɛlɛ. Nɛ dama sɛ mɔtũlũ, nɛ nɛ he mɔ na: ‘Nwa 'da lɛ, wi a mɔ, Salɔmɔ!’

1 Onwanɔ 19:18

Nɛ nde mi la sɛ Owi wili koto sambo kɔ obe Israɛlɛ do tunu li wa. Wi sɛ a owanɔ kɛ wa gù gba zugolo dati gale Bala gɔ, nɛ wa nzɔ̀'bɔ̀ nu kpikimanɔ 'da a gɔɛ ni.”

2 Onwanɔ 20:5

a kpolo tɛ̃ a hã a tɔ̃ hã Ezekiasi gã wi ngɔ owinɔ 'da ɛ na: “Mi NWA Gale 'da yaa mɔ Davidi, mi zila sambala 'da mɔ, nɛ mi zɔa mili kɔ̃a li mɔ. Kɔ mi kpasa sɛ mɔ. 'Do tũ talɛ, nɛ mɔ kulu sɛ ngɔ, nɛ mɔ nɛ kɔ tɔa Tɛmpɛloe 'da mi i.

2 Onwanɔ 9:1

Mbe ngba soe kpo, nɛ Elize, wi gba olo nu Gale sa mɔ hã mbe zagbãlã kpo sanga owi gba olo nu Gale, nɛ a tɔ̃ hã a na: “Mɔ 'dafa tɛ mɔ, hã mɔ ba daka nɔɛ gɛ, kɔ mɔ wɛlɛ do tɛ mɔ dɛ Ramɔtɛ, tɛ ngɔ nù Galadɛ.

2 Onwanɔ 9:12

Nɛ wa gese na: “Mɔ 'bili bɛlɛ. Mɔ tɔ̃ we ngboo kɛ a tɔ̃a hã mɔ ni hã lɛ.” Nɛ Yehu gese na: “Nɛ zélé! We a tɔ̃a hã mi gɛ ma kɛ: NWA tɔ̃a na, ɛ a nɔ zu mi, nɛ ɛ ia mi nwa ngɔ nù Israɛlɛ.”

Zumanɔ 135:4

NWA saka lɛ obe Israɛlɛ, obe zã Yakɔbɔ, nɛ lɛ hɔa owinɔ 'da a ngboo.

Zumanɔ 78:71

A fua a 'do onadalamɛnɔ 'da a, nɛ a e a do nwa ngɔ owinɔ 'da a, obe Israɛlɛ, nɛ a hɔa wi zɔ mɔ tɛ wa.

Kulu Tɔa 30:23

“Mɔ kálá odia fũ yɔmbɔ kɛ ma unu de wena ni. Mɛ sɛ a fũ mirɛ kilo mɔlɔ, sinamɔmɛ kilo bɔa do dɔ nɛ, kanɛlɛ kilo bɔa do dɔ nɛ,

Yeremi 10:16

Nɛ nde NWA Gale 'da obe Israɛlɛ, a ɔ̀ nɛ wa ni gɔ. Wi dɛa mɔ nyanga nza vɛ̃, wi a a, nɛ a saka obe Israɛlɛ do owinɔ 'da a. Li a a NWA ngɔ mɔ nyanga nza vɛ̃.

EZEKIƐLƐ 16:13

Wa dɛa mɔ 'dafa tɛ winɔ ni zi vɛ̃ do fɛ̃a mɔ bolo, do mɔ mbali, nɛ tulu tɛ mɔ zi vɛ̃ a tulu olo gã gole, kɛ wa ngbɔa ma dia nɛ ge nde ni. Nyɔngɔmɔ nu mɔ zi a mapa kɛ wa dɛa do dia farini, do nɔ gɔlɔ, do nɔ olivɛ. Mɔ de zi zɔnga wena, nɛ wa saka mɔ do wuko nwa.

OZE 13:2

Nɛ nde wa 'bana tɛ dɛ 'dã mɔ fai. Wa dolo okpikima do fɛ̃a mɔ bolonɔ 'da wa, nɛ wa dɔnggɔ ma. Nɛ nde ĩ na, mɛ a mɔ kɛ wi dɛ to kɔ̃ wi a dolo ma iko. Nɛ wa tɔ̃ na: “Lɛ nɛ́, hã lɛ gbɛ́ sa'de we dɔnggɔ do kpikimanɔ.” Kɔdɛ kɛ wa wia we gbɛ wele, nɛ wa dɔnggɔ do kpikima ni nɛ nde?

Owi Nɛ Tonɔ 13:21

Nɛ wa aka Samuɛlɛ na, lo kɔ̃a we kpa nwa. Nɛ Gale saka Saulo, be 'da Kisi, tɛ kɔ nu kpala Bɛnzamɛ do nwa ngɔ wa. Nɛ a dɛa to nwa 'da a 'do 'bu sabɛlɛ nalɛ.

Mbulanɔ 32:9

Nɛ nde a saka obe zã Yakɔbɔ, nɛ a e wa do winɔ 'da a ngboo.

1 TƐSALONIKƐ 5:26

Nɛ nɛ fáná onya lɛ vɛ̃, nɛ nɛ úfú zala wa ɔ nɛ kɛ ma wia do owinɔ 'da Gale ni.

OHEBRE 2:10

Gbãlã we, ma wia zi na, Gale kɛ a dɛa mɛnɔ vɛ, nɛ a zɔ mɔ tɛ nɛ vɛ ni, a 'dafa tɛ mɛ 'bɔ Yezu, nɛ a we ngboo, we duzu zɛlɛ tɛ a kpa ni. Gale dɛa na mɛ ni, takɔ Yezu hũi wala kpasi hã ogba gili wele, nɛ wa hɔ benɔ 'da Gale, nɛ wa mba kpo do a kɔ dɔ̃lɔ̃ li 'da a.

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

1 SAMUƐLƐ 12:3

Ma kɛ mi yolo dati nɛ, nɛ mi aka nɛ na, nɛ tɔ̃ 'dã we tɛ mi dɛ li NWA Gale, do li nwa wele kɛ a saka a ni. Mi zũ mbe ngɔmbɔ tabi punda mɔ́ wele nde? Mi nyɔngɔ mbe mɔ kɔ̃ wele do mbana nde? Mi 'bili ngbangga mɔ́ wele do 'dã nɛ nde? Wele hã mbe mɔ hã mi na, mi umu li mi dɛ ngɔ 'dã mɛ 'da a nde? Fala kɛ mi dɛ mɔ ɔ ni, nɛ mi gese sɛ olo nɛ hã nɛ.”

1 SAMUƐLƐ 13:14

Nɛ nde mɔ 'danga ma ia. 'Do to nwa 'da mɔ nyɛ́lɛ́ sɛ 'bɔ gɔ. NWA Gale a kpa mbé wele kɛ zã a kɔ̃a a ni ia. A e sɛ a do nwa ngɔ owinɔ 'da a, we kɛ mɔ bɛ̃a dɛ mbula nu a.”

1 SAMUƐLƐ 15:1

Samuɛlɛ tɔ̃a hã Saulo na: “Mi a wi kɛ nwa tumba zi a we a nɔ zu mɔ, takɔ mɔ hɔ nwa ngɔ owinɔ 'da a. Kɔ mɔ zélé we NWA Gale kɛ a do nganda vɛ̃ tɔ̃a gɛ.

1 SAMUƐLƐ 15:17

Nɛ Samuɛlɛ na: “Gɛnɛ kɔ mɔ zɔ zi tɛ mɔ na, mɔ a wele yala iko ni, nɛ nde mɔ a nwa ngɔ onu kpala Israɛlɛ. Wi a NWA, a a nɔ zu mɔ na, mɔ hɔ nwa ngɔ obe Israɛlɛ.

1 SAMUƐLƐ 16:1

NWA tɔ̃a hã Samuɛlɛ na: “Mɔ nɛ he kɔ̃a Saulo hia fai nde? Mi bɛ̃a gɛnɛ a ia, a 'bɔ mbé nɛ a nwa ngɔ nù Israɛlɛ gɔ. Na mɛ ni, mɔ kúlú ngɔ, kɔ mɔ bá daka nɔɛ 'da mɔ, kɔ mɔ nɛ́ 'da mbe wi wili kpo tɛ kɔ le Bɛtleɛmɛ, li a a Yɛse. We kɛ mi saka nwa kɛ mi kɔ̃a a ni sanga obenɔ 'da a.”

1 SAMUƐLƐ 16:13

Samuɛlɛ ba daka nɔɛ, nɛ a a ma dɛ zu Davidi dɛ gbali onya a ni. A nɛa we a nɔɛ zu a, nɛ Hi Wi 'da nwa lia kɔ Davidi, nɛ yolo dɛ di ni, NWA zi do a fala nɛ kpo. Nɛ 'do nɛ, nɛ Samuɛlɛ kpula tɛ̃ ɛ dɛ Rama i.

1 SAMUƐLƐ 2:10

NWA dɛ na, kolo o dã tɛ li nza 'di, nɛ a gbɛ owi sɛnɛ a. A gɔnɔ wenɔ gbaa tɛ ndɔti nùi vɛ̃. A hã nganda hã nwa kɛ a saka a ni. Nɛ a hã ngawi hã dɛa to nwa 'da a.”

1 SAMUƐLƐ 24:6

'Do kɛ Davidi 'bili nu tuli 'da Saulo ni, nɛ sila a ma ngɔ to nganda wena.

1 SAMUƐLƐ 26:11

Nɛ nde e kɔ nwa fɔmɔ mi na, mi tɛ dɛ 'dã mɔ do nwa kɛ a saka a ni gɔ. Lɛ ba tati a sɛlɛ, do daka lì kɛ a ia kɔlɔ do zu a ni, kɔ lɛ la do ma.”

1 SAMUƐLƐ 26:9

Nɛ Davidi gese hã a na: “Mɔ tɛ gbɛ a gɔ. Mɔ lengge na, wele wia tɛ dɛ 'dã mɔ do nwa kɛ Gale saka a ni, nɛ a zɔlɔ kpa etumbu nde?

1 SAMUƐLƐ 8:19

Obe Israɛlɛ wa bɛ̃a we zele wenɔ Samuɛlɛ tɔ̃a hã wa ni. Nɛ wa na: “Ma dɛ́ mɔ gɔ! Lɛ kɔ̃a tɛ mɛ we kpa nwa ngɔ lɛ,

1 SAMUƐLƐ 8:9

Kɔ ma wia na, mɔ kɔ̃ gɛnɛ kɛ wa tɔ̃a ni. Nɛ nde mɔ tɔ̃́ tɛlɛ tɛ mɛnɔ vɛ̃ nwa ni a dɛ sɛ do wa ni, takɔ wa ĩ fala nɛ do dia nɛ.”

1 SAMUƐLƐ 9:16

“Bindɛ do kpo sa gɛ, nɛ mi dɛ sɛ na, mɔ kpa ngba mɔ do mbe wi wili kpo kɔ nu kpala Bɛnzamɛ. Nɛ mɔ a sɛ nɔ zu a na, a ɔ nwa ngɔ owinɔ 'da mi, obe Israɛlɛ. Nɛ a fo sɛ wa ti kɔ̃ Ofilisti. Mi zɔa ngamɛ 'da owinɔ 'da mi, nɛ mi zila ala nu wi 'da wa.”

1 SAMUƐLƐ 9:27

Wa nɛa we hɔ tɛ nu ngba le i, nɛ Samuɛlɛ tɔ̃ hã Saulo na: “Mɔ tɔ̃̀ hã wi toe 'da mɔ na, a la dati.” Wi toe la do'do, nɛ Samuɛlɛ tɔ̃ 'bɔ hã Saulo na: “Mɔ yóló nù dɛ bi sĩ, kɔ mi tɔ̃ olo nu Gale hã mɔ.”