1 YOANƐ 5:4 - WE NU GALE 1995

⁴ Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

1 YOANƐ 5:4 Iomraidhean Croise

1 KORINTƐ 15:57

Nɛ nde lɛ dɔ́nggɔ́ Gale, a dɛa na, lɛ nganda nɛ ngɔ fio do wala 'da Nwa 'da lɛ Yezu Kristo.

1 YOANƐ 4:4

Kɛ 'da nɛ benɔ 'daa, nɛ a winɔ 'da Gale, nɛ nɛ nɛa ngɔ owinɔ wa gba do nu Gale do bɛlɛ ni. Mba gɔ, Hi Wi Santo kɔ nɛ ni, a nganda nɛa ngɔ hi wi kɔ owi nùnɔ.

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

1 YOANƐ 3:9

Wi kɛ a a be 'da Gale ni, a dɛ́ 'bɔ 'dã mɔ gɔ. Mba gɔ, mbé kpasi kɛ Gale hã hã a ni, ma ɔ dɛ kɔ sila a, nɛ fala do kɛ na, a dɛ 'bɔ 'dã mɔ ni bina, we kɛ a hɔa be 'da Gale ia.

1 YOANƐ 5:5

Wi kɛ a wia we nɛ ngɔ 'dã mɛnɔ nù gɛ a wio nde? Wi a wele kɛ a kɔ̃a na, Yezu a Be 'da Gale ni.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 3:12

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi e sɛ a ɔ nɛ bɛlɛduma kɔ Tɛmpɛloe 'da Gale 'da mi, nɛ a 'bana sɛ dɛ di ni fai. Nɛ mi kɔmɔ sɛ li Gale 'da mi, do li le 'da Gale 'da mi bula li a. Mɛ a mbé le Yeruzalɛmɛ kɛ ma yolo 'da Gale 'da mi tɛ li nza i ni. Nɛ mi kɔmɔ sɛ 'bɔ mbé li mi bula li a.

USU MƐNƆ 2:26

Wi kɛ a kunu sila a kɔ ngamɛnɔ, kɔ a dɛ mɛ kɛ zã mi kɔ̃a ni gbaa we hɔ ndɔti nɛ, nɛ mi hã sɛ ngawi kɛ Baa mi hã hã mi ni hã a, nɛ a dungu sɛ nwa ngɔ ogele winɔ. A sɛ do dɔndɔlɔ mɔ bolo kɔ̃ a we zɛ do winɔ, ɔ nɛ kɛ wele zɛ zã kpana, nɛ ma o ni. Nɛ mi hã sɛ 'bɔ gbandolo titole hã a.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 2:17

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ mana kɛ ma usu tɛ̃ ɛ ni hã a na a nyɔngɔ. Nɛ mi hã sɛ 'bɔ fɛ̃a ta kɛ mi kɔma mbé li wele ngɔ nɛ ni hã a. Nɛ gele wele ĩ́ sɛ ti gulu li ni gɔ, tati a wi kpa ma iko.”

YOANƐ 1:13

Nɛ nde wa hɔ̀ zi benɔ 'da Gale do tɛlɛ tɛ linggamɔ zu wele, tabi do tɛlɛ tɛ tunu tɛ wi mɔ́ wele, tabi do tɛlɛ tɛ kɛ wa ko do wele ngɔ nù gɛ ni gɔ. Gale a kua wa.

YOANƐ 3:3

Nɛ Yezu gisa hã a na: “Mi tɔ̃ hã mɔ do gbãlã we na, fala kɛ wa kò wele fala bɔa gɔ, nɛ nde a zɔ́ sɛ le nwa 'da Gale gɔ.”

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 5:18

Lɛ ĩ na, wi kɛ a a be 'da Gale ni, a dɛ́ 'dã mɔ gɔ, we kɛ Yezu Be 'da Gale tɛ zɔ mɔ tɛ a, nɛ Satana wè tɛ dɛ mɔ kpo do a gɔ.