1 YOANƐ 5:3 - WE NU GALE 1995

³ Mba gɔ, fala kɛ lɛ kɔ̃ gɛnɛ Gale kɔ̃a, nɛ lɛ dɛ sɛ mbulanɔ 'da a. Nɛ mbulanɔ kɛ a hã hã lɛ ni, ma ngàndà la li gɔ.

1 YOANƐ 5:3 Iomraidhean Croise

2 Onwanɔ 18:6

Ezekiasi ba zi tɛ̃ a vɛ̃ hã NWA, nɛ a bɛ̃̀ mbe we nu NWA fala kpo gɔ. A dɛa zi mbulanɔ vɛ̃ kɛ NWA hã zi ma hã Mɔizɛ ni.

Zumanɔ 119:140

Mbulanɔ 'da mɔ ma dɛa tɛ̃ ɛ gbãlã we, nɛ mi, wi dɛa toe 'da mɔ, mi kɔ̃a gɛnɛ nɛ.

Zumanɔ 119:45

Mi yɛnggɛ sɛ do mbɔkɔ sila, nɛ fo sɛ mɔ amba mi bina, we kɛ mi gbini zã mi do we nu mɔ.

Kulu Tɔa 20:6

Nɛ nde wanɔ kɛ wa kɔ̃a gɛnɛ mi, nɛ wa dɔnggɔ we nu mi dɔngga ni, mi be dia zã 'da mi hã wa, do obe zã wa kɔ sabɛlɛ do sabɛlɛ.

GBA WENƆ 3:17

Wele kɛ a do hã zã ni, a kpa sɛ dia dungu. Nɛ mɔ kpo dɛ́ sɛ a gɔ.

DANIƐLƐ 9:4

Mi sambala NWA, nɛ mi gbala 'dã mɛnɔ 'da owinɔ 'da mi hã a. Mi na: “Aa NWA, mɔ a Gale kɛ mɔ gã wena, nɛ lɛ wia tɛ dɛ kili mɔ. Mɔ dɛ olo gba tɔkɛ kɛ mɔ gba do owinɔ 'da mɔ ni fai, nɛ mɔ be dia zã 'da mɔ hã owanɔ wa kɔ̃a gɛnɛ mɔ, nɛ wa dɛ mbulanɔ 'da mɔ ni.

Mike 6:8

Gɔ! NWA Gale bia mɛ kɛ lɛ wia tɛ dɛ nɛ ni hã lɛ. A aka lɛ na, lɛ dungu do dia sila, nɛ lɛ dɛ bɔlɔ zu dɛa mɔ do ongba lɛ, nɛ ti kɔ̃ lɛ le ngbɛ ɛ do a kɔ dɛa to tɛ lɛ.

MATIE 23:4

Ma ɔ nɛ kɛ wa ɛnzɛ gã tole, nɛ wa e zu winɔ, nɛ nde wa do tɛ wa, wa é mbe kɔ̃ wa tɛ nɛ gɔ ni.

YOANƐ 14:15

“Fala kɛ nɛ kɔ̃ gɛnɛ mi, nɛ nɛ dɛ sɛ mbulanɔ 'da mi.

YOANƐ 15:10

Fala kɛ nɛ dɛ mbula 'da mi, nɛ mi kɔ̃ sɛ gɛnɛ nɛ fai, ɔ nɛ kɛ mi dɛ mbulanɔ 'da Baa mi, nɛ a 'bana tɛ kɔ̃ gɛnɛ mi fai ni.

YOANƐ 15:14

Kɔ fala kɛ nɛ dɛ mbula 'da mi, nɛ nde nɛ a oyali ngba mi.

ROMA 7:12

Mbula 'da Mɔizɛ ma yula 'da Gale, nɛ wenɔ vɛ kɛ mbula be ni, ma yula 'da Gale, nɛ ma a bɔlɔ, nɛ ma a dia.

ROMA 7:22

Mba gɔ, mi do yangga dɛ mbula 'da Gale kɔ sila mi wena,

Mbulanɔ 5:10

Nɛ nde wanɔ kɛ wa kɔ̃a gɛnɛ mbulanɔ 'da mi, nɛ wa dɔnggɔ we nu mi dɔngga ni, mi be sɛ dia zã 'da mi hã wa, do obe zã wa kɔ sabɛlɛ do sabɛlɛ.

Mbulanɔ 7:9

Nɛ ĩ́ na tati a NWA Gale 'da nɛ, a zu a kpo a ngbongbo Gale. Winɔ kɛ wa dɛ mbulanɔ 'da a dɛa ni, a be sɛ kɔa zã 'da a hã wa, nɛ a dɛ sɛ olo gba tɔkɛ 'da a do wa kɔ sabɛlɛ do sabɛlɛ.

OHEBRE 8:10

Nɛ Nwa tɔ̃a 'bɔ na: “Mbé gba tɔkɛ mi gba sɛ do Oisraɛlɛ ni, ma kɛ: Do ngba soenɔ ni, nɛ mi dɛ sɛ na mbulanɔ 'da mi le dɛ zu wa, nɛ mi kɔmɔ sɛ ma dɛ kɔ sila wa. Mi sɛ a Gale 'da wa, nɛ wa sɛ a winɔ 'da mi.

1 YOANƐ 2:3

Fala kɛ lɛ dɛ mbulanɔ 'da Gale, nɛ ma be sɛ na, lɛ ĩ ti a.

2 YOANƐ 1:6

Nɛ zɔ́, wi kɛ a kɔ̃ gɛnɛ Gale, nɛ a dɛ sɛ mbulanɔ 'da a. Nɛ kpo mbula kɛ nɛ zila zi dati belee ni, mɛ a kɛ na, nɛ kɔ̃́ gɛnɛ ongba nɛ fai.