1 YOANƐ 5:1 - WE NU GALE 1995

¹ Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

1 YOANƐ 5:1 Iomraidhean Croise

MATIE 16:16

Nɛ Simɔ Petro gese na: “Mɔ a Mɛsiya, Be 'da Gale, wele kpasi.”

LUKA 7:5

we kɛ a kɔ̃ gɛnɛ winɔ 'da lɛ wena. Nɛ wi dɛa 'bɔ tɔa mbula hã lɛ, wi a a.”

YOANƐ 1:3

We ni dɛa mɛnɔ ngɔ nù gɛ vɛ̃ do ngawi 'da Gale. Fo mɔ kpo kɛ a dɛ̀ ma ngɔ nù gɛ gɔ ni bina.

YOANƐ 15:23

Wi kɛ a sɛnɛ mi, nɛ nde a sɛnɛ tɛ mɛ 'bɔ Baa mi.

YOANƐ 3:3

Nɛ Yezu gisa hã a na: “Mi tɔ̃ hã mɔ do gbãlã we na, fala kɛ wa kò wele fala bɔa gɔ, nɛ nde a zɔ́ sɛ le nwa 'da Gale gɔ.”

YOANƐ 6:69

Lɛ kɔ̃a zu li mɔ, nɛ lɛ ĩ 'bɔ na, mɔ a Santo kɛ Gale tumba mɔ.”

YOANƐ 8:42

Nɛ Yezu tɔ̃ hã wa na: “Fala kɛ Gale sɔ a Baa nɛ ngboo, nɛ nɛ kɔ̃ sɔ gɛnɛ mi, we kɛ wi a Gale hã a tumba mi, ma kɛ mi tɛa ngɔ nù gɛ ni. Mi tɛ̀ do linggamɛ 'da mi iko gɔ, nɛ nde Gale a tumba mi.

Owi Nɛ Tonɔ 8:36

Nɛ wa la ní gbaa, nɛ wa kpa lì. Nɛ gã wi ni tɔ̃ na: “Mɔ zɔ́ lì hã! Mɛ ma wia we amba mi na, mi tɛ kpà batisimɔ gɔ ni a ge nde?” [

Owi Nɛ Tonɔ 8:37

Nɛ Filipɛ tɔ̃ hã a na: “Fala kɛ mɔ kɔ̃ zu li Yezu do sila mɔ vɛ̃, nɛ mi wia we hã batisimɔ hã mɔ.” Nɛ gã wi ni gese na: “Mi kɔ̃a zu li Yezu Kristo na, a a Be 'da Gale.”]

ZAKE 1:18

A kɔ̃a do sila a, nɛ a hã kpasi hã lɛ do wala 'da we nu a kɛ mɛ a gbãlã we ni. A dɛa ni, takɔ lɛ ɔ Owi dati kɔ mɛnɔ a dɛa ma ni vɛ̃.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

1 YOANƐ 2:10

Nɛ wi kɛ a kɔ̃ gɛnɛ nya a ni, a hɔa kɔ sa fala ia. Fo 'dã mɔ kpo kɔ sila a we tombo wele li 'dã wala bina.

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 3:14

Lɛ ĩ na, lɛ hɔa nza kɔ fio, nɛ lɛ do kpasi. Lɛ ĩ ní we kɛ lɛ kɔ̃a gɛnɛ ongba lɛ ni. Kɔ wi kɛ a kɔ̃̀ gɛnɛ ongba a gɔ ni, a 'bana kɔ fio.

1 YOANƐ 3:17

Kɔ fala kɛ mbe wi kpamɔ zɔ wele kɔ sã, kɔ a gàlà a gɔ, nɛ a nɛ dɛ fala tɔ̃ na, ɛ kɔ̃a gɛnɛ Gale kɔ̃a ni nɛ nde?

1 YOANƐ 3:9

Wi kɛ a a be 'da Gale ni, a dɛ́ 'bɔ 'dã mɔ gɔ. Mba gɔ, mbé kpasi kɛ Gale hã hã a ni, ma ɔ dɛ kɔ sila a, nɛ fala do kɛ na, a dɛ 'bɔ 'dã mɔ ni bina, we kɛ a hɔa be 'da Gale ia.

1 YOANƐ 4:2

Kɔ mɛ kɛ ma be hã lɛ na, wele do Hi Wi 'da Gale kɔ a boe ni, ma kɛ: Wi kɛ a kɔ̃a we 'da Yezu Kristo na, a hɔa wele, nɛ a tɛa ngɔ nù gɛ ni, wi ni do Hi Wi kɛ a yula 'da Gale.

1 YOANƐ 4:20

Wi kɛ a tɔ̃ na, ɛ kɔ̃a gɛnɛ Gale, kɔ a sɛnɛ ngba a, nɛ nde a a wi 'bili bɛlɛ. Mba gɔ, a zɔ ngba a zɔa, nɛ a kɔ̃̀ gɛnɛ ngba a ni gɔ, nɛ a nɛ dɛ fala kɔ̃ gɛnɛ Gale, kɛ a zɔ́ a gɔ ni nɛ nde?

1 YOANƐ 4:7

Aa nɛ, oyali ngba mi, ma wia na, lɛ kɔ̃ gɛnɛ ngba lɛ, we kɛ wele kɔ̃a zã a mɔ́ Gale. Wi kɛ a kɔ̃ gɛnɛ ngba a ni, a a be 'da Gale, nɛ a ĩ ti Gale.

1 YOANƐ 5:18

Lɛ ĩ na, wi kɛ a a be 'da Gale ni, a dɛ́ 'dã mɔ gɔ, we kɛ Yezu Be 'da Gale tɛ zɔ mɔ tɛ a, nɛ Satana wè tɛ dɛ mɔ kpo do a gɔ.

1 YOANƐ 5:4

Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

1 YOANƐ 5:5

Wi kɛ a wia we nɛ ngɔ 'dã mɛnɔ nù gɛ a wio nde? Wi a wele kɛ a kɔ̃a na, Yezu a Be 'da Gale ni.