1 YOANƐ 4:9 - WE NU GALE 1995

⁹ Nɛ zɔ́ tɛlɛ tɛ kɛ Gale bia do kɔ̃a zã 'da a dɛ 'da lɛ ni, mɛ a kɛ a tumba kpo Be 'da a ngɔ nù nga, takɔ lɛ kpasa do wala 'da a ni.

1 YOANƐ 4:9 Iomraidhean Croise

Ndo Nyanga Dɛ Mɔ 22:2

Nɛ Gale tɔ̃ na: “Mɔ bá kpo bulu be 'da mɔ Izaka, kɛ mɔ kɔ̃a gɛnɛ a nɛ ge nde ni, kɔ mɔ kulu ngɔ, hã nɛ nɛ do a dɛ ngɔ nù Mɔria. Mɔ hɔ i mɔ, nɛ mɔ kũ kala kɛ mi be sɛ ma hã mɔ ni, nɛ mɔ gbɛ be 'da mɔ dɛ di ni we dɔnggɔ do mi.”

Zumanɔ 2:7

Nwa ni tɔ́a na: “Nɛ zélé wenɔ kɛ NWA Gale wila hã mi gɛ! A na: ‘Yolo do sɔɛ gɛ, mi hɔa baa mɔ, nɛ mɔ a bulu be 'da mi.

MARKO 12:6

Nɛ wele fɔɛ 'bana tati a do bulu be 'da a kpo, kɛ a kɔ̃a gɛnɛ a nɛ ge nde ni iko. Nɛ do sɔkpɔ nɛ vɛ̃, nɛ a tombo be 'da a hã wa, nɛ a tɔ̃ na, fala kɛ wa zɔ be 'da ɛ, nɛ wa dɔnggɔ sɛ a.

LUKA 4:18

“Hi Wi 'da Nwa Gale ngɔ mi boe, a saka mi na, mi be Dia Sakoe hã owi sãnɔ. A tumba mi na, mi tɔ̃ hã owi bɔlɔkɔ na, wa hɔa nza kɔ bɔlɔkɛ ia, nɛ mi hũi li owi lɔa linɔ na, wa zɔ mɔ, nɛ mi fo owinɔ kɛ ogele wele wa zɛlɛ tɛ wa ni ti kɔ̃ Owi zɛlɛ tɛ wa do'do.

YOANƐ 10:10

Nɛ nde wi zũ tɛ kɛ 'dɛ ɛ we zũ mɔ, do 'danga mɔ, do gbɛ sa'de iko. Kɛ 'da mi, mi tɛa, takɔ mi hã kpasi kɛ ma dia la li ngele ni hã Owele.

YOANƐ 14:6

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

YOANƐ 3:16

Gale kɔ̃a gɛnɛ winɔ ngɔ nù gɛ la li ngele, ma kɛ a hã kpo Be 'da a na, wi kɛ a kɔ̃ zu li a, nɛ nde a fé sɛ fio gɔ, nɛ a sɛ do kpasi kɛ ma é sɛ gɔ ni.

YOANƐ 3:18

“Wi kɛ a kɔ̃a zu li Be 'da Gale ni, a do ngbangga bina. Nɛ wi kɛ a kɔ̃̀ zu li a gɔ ni, ngbangga tia ngɔ a ia. We duzu kɛ a kɔ̃̀ zu li kpo Be 'da Gale gɔ.

YOANƐ 5:23

A dɛa na mɛ ni, takɔ winɔ vɛ̃ wa dɔnggɔ mi Be 'da a, ɔ nɛ kɛ wa dɔnggɔ do a ni. Kɔ wele kɛ a dɔ́nggɔ́ mi gɔ ni, a dɔ́nggɔ́ tɛ mɛ 'bɔ Baa mi, kɛ a tumba mi ni gɔ.

YOANƐ 6:29

Nɛ Yezu gese hã wa na: “Mɛnɔ kɛ zã Gale kɔ̃a na nɛ dɛ́ ni, mɛ a kɔ̃ zu li mi kɛ a tumba mi ni.”

YOANƐ 6:51

Mi a nyɔngɔmɛ kɛ ma yula ngɔ i, nɛ ma hã kpasi ni. Fala kɛ wele nyɔngɔ ma, nɛ a sɛ do kpasi fai. Nyɔngɔmɛ mi hã sɛ ma hã nɛ ni, mɛ a kili tɛ mi. Mi hã sɛ ma, takɔ winɔ ngɔ nù gɛ, wa kpasa.”

YOANƐ 6:57

Baa mi kɛ a tumba mi ni, a do kpasi boe, nɛ mi tɛ mɛ 'bɔ do kpasi we duzu a. Na mɛ ni, wele kɛ a nyɔngɔ kili tɛ mi ni, a 'bɔ do kpasi boe we duzu mi.

YOANƐ 8:29

Baa mi kɛ a tumba mi ni, a do mi boe. A là mi zu mi kpo gɔ, we kɛ mi dɛ fai a mɔ kɛ ma de tɛ̃ a ni.”

YOANƐ 8:42

Nɛ Yezu tɔ̃ hã wa na: “Fala kɛ Gale sɔ a Baa nɛ ngboo, nɛ nɛ kɔ̃ sɔ gɛnɛ mi, we kɛ wi a Gale hã a tumba mi, ma kɛ mi tɛa ngɔ nù gɛ ni. Mi tɛ̀ do linggamɛ 'da mi iko gɔ, nɛ nde Gale a tumba mi.

YOANƐ 9:3

Nɛ Yezu gese hã wa na: “Tandui ni, ma we 'dã mɛnɔ 'da a gɔ, nɛ ma 'bɔ we 'dã mɛnɔ 'da owi ko a gɔ. Nɛ nde wa kua a na mɛ ni, takɔ Gale dɛ gba mɔ do wala 'da a.

ROMA 8:32

Gale kɛ a bè zi zu Be 'da a ngboo ni hã lɛ gɔ, nɛ a 'dɔlɔ a we lɛ vɛ̃ ni, a hã́ sɛ tɛ mɛ 'bɔ mɛnɔ hã lɛ fala nɛ kpo do Be 'da a gɔ nde?

OHEBRE 1:5

Mba gɔ, Gale tɔ̃̀ mbe hã anzɛ na: “Mɔ a Be 'da mi, ndo do sɔɛ gɛ, mi a baa mɔ” gɔ. Nɛ a tɔ̃̀ 'bɔ we ngɔ mbe anzɛ na: “Mi sɛ a baa a, nɛ a sɛ a be 'da mi” gɔ.

1 YOANƐ 3:16

Yezu bia tɛlɛ tɛ kɛ wele wia we kɔ̃ do gɛnɛ ngba a ni hã lɛ: A hã tɛ̃ a, nɛ a fia we duzu lɛ. Kɔ ní, nɛ lɛ wia we hã tɛ mɛ 'bɔ tɛ lɛ we duzu ongba lɛ.

1 YOANƐ 4:10

Nɛ kɔ̃a zã ni, mɛ a kɛ na, lɛ a lɛ kɔ̃̀ zi gɛnɛ Gale dati gɔ, nɛ nde a kɔ̃a gɛnɛ lɛ dati, nɛ a tumba Be 'da a, takɔ a fe we si ku'da 'dã mɛnɔ zu lɛ.

1 YOANƐ 4:16

Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.

1 YOANƐ 5:11

We Gale tɔ̃a ngɔ Be 'da a ni, mɛ a kɛ na, ɛ hã kpasi kɛ ma é sɛ gɔ ni hã lɛ, nɛ kpasi ni, ma a kɔ Be 'da ɛ.

1 YOANƐ 5:13

Mi kɔma wenɔ gɛ hã nɛ, kɛ nɛ kɔ̃a zu li Yezu Be 'da Gale ni, takɔ nɛ ĩ na, nɛ do kpasi kɛ ma é sɛ gɔ ni boe.