1 YOANƐ 4:7 - WE NU GALE 1995

⁷ Aa nɛ, oyali ngba mi, ma wia na, lɛ kɔ̃ gɛnɛ ngba lɛ, we kɛ wele kɔ̃a zã a mɔ́ Gale. Wi kɛ a kɔ̃ gɛnɛ ngba a ni, a a be 'da Gale, nɛ a ĩ ti Gale.

1 YOANƐ 4:7 Iomraidhean Croise

YOANƐ 13:34

Mi hã mbé mbula hã nɛ na, nɛ kɔ̃́ gɛnɛ ngba nɛ. Nɛ ma wia na, nɛ kɔ̃ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

1 KORINTƐ 8:3

Nɛ nde wi kɛ a kɔ̃ gɛnɛ Gale ni, nɛ Gale ĩ ti a.

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

GALATI 4:9

Kɔ ngangga ni, nɛ ĩ ti Gale, tabi we tɔ̃ do ngbongbo nɛ, Gale ĩ ti nɛ. Ní a dɛ do kɛ nɛ gili 'bɔ tɛ nɛ 'da oyia hi winɔ kɛ wa do ngawi bina ni nɛ nde? Nɛ kɔ̃a we hɔ 'bɔ ngbánɔ 'da wa nɛ́ kɛ zi dati ni nde?

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

2 TIMOTE 1:7

Mba gɔ, Gale hã̀ zi Hi Wi 'da a hã lɛ na, lɛ ɔ do kili gɔ, nɛ nde lɛ ɔ do ngawi, lɛ kɔ̃ gɛnɛ ngba lɛ, nɛ lɛ ɔ do kpã sila.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

1 YOANƐ 2:10

Nɛ wi kɛ a kɔ̃ gɛnɛ nya a ni, a hɔa kɔ sa fala ia. Fo 'dã mɔ kpo kɔ sila a we tombo wele li 'dã wala bina.

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 2:3

Fala kɛ lɛ dɛ mbulanɔ 'da Gale, nɛ ma be sɛ na, lɛ ĩ ti a.

1 YOANƐ 2:4

Kɔ wi kɛ a tɔ̃ na, ɛ ĩ ti Gale, nɛ nde a dɛ́ mbulanɔ 'da a gɔ ni, a a wi 'bili bɛlɛ, nɛ fo gbãlã we kɔ sila a bina.

1 YOANƐ 2:7

Aa oyali ngba mi, mbula mi kɔmɔ hã nɛ gɛ, mɛ a mbé mbula gɔ. Mɛ a ã mbula kɛ wa bia zi ma hã nɛ, ndo do kɛ nɛ kɔ̃a zu li Kristo ni.

1 YOANƐ 3:9

Wi kɛ a a be 'da Gale ni, a dɛ́ 'bɔ 'dã mɔ gɔ. Mba gɔ, mbé kpasi kɛ Gale hã hã a ni, ma ɔ dɛ kɔ sila a, nɛ fala do kɛ na, a dɛ 'bɔ 'dã mɔ ni bina, we kɛ a hɔa be 'da Gale ia.

1 YOANƐ 4:11

Aa nɛ, oyali ngba mi, nɛ́ kɛ Gale kɔ̃a gɛnɛ lɛ ní ni, má wia na, lɛ tɛ mɛ 'bɔ, lɛ kɔ̃ gɛnɛ ngba lɛ.

1 YOANƐ 4:12

Wele kpo zɔ̀ Gale gɔ. Kɔ fala kɛ lɛ kɔ̃ gɛnɛ ngba lɛ, nɛ nde Gale kɔ lɛ boe, nɛ kɔ̃a zã 'da a ma be sɛ tɛ̃ ɛ kɔ lɛ dɛ wila fala.

1 YOANƐ 4:16

Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.

1 YOANƐ 4:20

Wi kɛ a tɔ̃ na, ɛ kɔ̃a gɛnɛ Gale, kɔ a sɛnɛ ngba a, nɛ nde a a wi 'bili bɛlɛ. Mba gɔ, a zɔ ngba a zɔa, nɛ a kɔ̃̀ gɛnɛ ngba a ni gɔ, nɛ a nɛ dɛ fala kɔ̃ gɛnɛ Gale, kɛ a zɔ́ a gɔ ni nɛ nde?

1 YOANƐ 4:8

Nɛ wi kɛ a kɔ̃̀ gɛnɛ ngba a gɔ ni, a ĩ̀ ti Gale gɔ, we kɛ Gale a wele kɔ̃a zã.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

2 YOANƐ 1:5

Ngangga ni, mi tɔ̃ hã mɔ, Naa lɛ na, lɛ kɔ̃́ gɛnɛ ngba lɛ. Mbula mi kɔma hã mɔ gɛ, mɛ a mbé mbula gɔ, nɛ nde mɛ a ã mbula kɛ lɛ zila zi dati belee, ndo do kɛ lɛ kɔ̃a zu li Yezu ni.