1 YOANƐ 4:4 - WE NU GALE 1995

⁴ Kɛ 'da nɛ benɔ 'daa, nɛ a winɔ 'da Gale, nɛ nɛ nɛa ngɔ owinɔ wa gba do nu Gale do bɛlɛ ni. Mba gɔ, Hi Wi Santo kɔ nɛ ni, a nganda nɛa ngɔ hi wi kɔ owi nùnɔ.

1 YOANƐ 4:4 Iomraidhean Croise

YOANƐ 12:31

Ngangga ni, Gale nɛ 'bili we 'da winɔ ngɔ nù gɛ, nɛ a ndaka sɛ Satana, nwa ngɔ nùi gɛ do'do.

YOANƐ 14:30

Mi wélé sɛ 'bɔ mbé we hã nɛ wena gɔ, we kɛ Satana, nwa ngɔ nùi gɛ tɛ tɛ nɛ. Nɛ nde a do ngawi kpo ngɔ gɛlɛ mi bina.

YOANƐ 16:11

Wa ĩ̀ ti gulu 'bili we 'da Gale gɔ, we kɛ Gale 'bili we 'da Satana, nwa ngɔ nùi gɛ ia.

YOANƐ 17:23

Mi mba do wa, nɛ mɔ mba do mi, takɔ wa vɛ̃ wa ɔ wele kpo, nɛ owinɔ wa ĩ na, mɔ tumba mi, nɛ mɔ kɔ̃a gɛnɛ wa kpasaa ɔ nɛ kɛ mɔ kɔ̃a do gɛnɛ mi ni.

ROMA 8:31

Kɔ lɛ nɛ tɔ̃ 'bɔ na ge nde? Fala kɛ Gale 'do lɛ boe, nɛ wi nɛ sɛnɛ lɛ a wio nde?

ROMA 8:37

Nɛ nde kɔ mɛnɔ ni vɛ́, lɛ nɛ ngɔ ma nɛa fai, we ngawi 'da Kristo, kɛ a kɔ̃a gɛnɛ lɛ ni.

1 KORINTƐ 2:12

Kɔ we lɛ, lɛ kpà hi wi kɛ a yula ngɔ nùi gɛ gɔ, lɛ kpa Hi Wi kɛ a yula 'da Gale, takɔ lɛ ĩ ti mɛnɔ vɛ kɛ Gale hã ma hã lɛ do dia zã 'da a ni.

1 KORINTƐ 6:13

Nɛ tɔ̃a na: “Gale dɛa nyɔngɔmɔ we zã wi, nɛ a dɛ zã wi we nyɔngɔmɔ.” Mɛ a gbãlã we, ĩ na, Nwa Gale a 'danga sɛ mɛnɔ ni bɔa nɛ. Gale dɛ̀ kili tɛ wele, takɔ wele dɛ do mɔ sape gɔ. Nɛ nde a dɛa ma, takɔ wele dɛ do to hã Nwa Yezu. Nɛ wi a a hã a zɔ mɔ tɛ kili tɛ wi.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

EFƐZƐ 2:2

Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.

EFƐZƐ 3:17

Nɛ a dɛ́ na, Kristo ɔ dɛ kɔ sila nɛ fai we duzu kɔ̃a we nɛ kɔ̃a do a ni. Mi aka 'bɔ Gale na, tɛlɛ tɛ kɛ nɛ kɔ̃a do a, nɛ nɛ kɔ̃ 'bɔ do ongba nɛ ni, ma bá nù kɔ sila nɛ fai.

EFƐZƐ 6:10

Tala lɛnggɛ 'da mi, mɛ a kɛ na, nɛ mbá kpo do Nwa, nɛ ngawi 'da a kɛ ma gã la mɔ vɛ ni, ma kpãlã sila nɛ.

1 YOANƐ 2:1

Aa benɔ 'daa, mi kɔma mbɛti gɛ hã nɛ na, dɔ nɛ dɛ́ 'bɔ 'dã mɔ gɔ. Kɔ fala kɛ mbe sanga nɛ dɛ 'dã mɔ nde, nɛ nɛ ĩ́ na, lɛ do Wi tɔ̃ we ngɔ lɛ dati Gale Baa lɛ boe. Wi a Yezu Kristo, kɛ a a wi bɔlɔ zu ni.

1 YOANƐ 2:13

Kɛ 'da nɛ, obaa mi, mi kɔma hã nɛ na, nɛ ĩ ti wi kɛ a zɛ́ boe fai, yolo do ndo nyanga mɛnɔ ni. Nɛ nɛ, zagbãlãnɔ, mi kɔma ma hã nɛ na, nɛ nɛa ngɔ Satana.

1 YOANƐ 3:20

Mba gɔ, fala kɛ linggamɔ zu lɛ da lɛ na, lɛ a Owi dɛ 'dã mɔ, nɛ nde we bina. Gale ĩ ti linggamɔ zu lɛ nɛa ngɔ lɛ wele nɛ, tua kɛ a ĩ ti mɛnɔ vɛ.

1 YOANƐ 3:24

Owinɔ kɛ wa dɛ mbulanɔ 'da Gale dɛa ni, wa a kɔ Gale, nɛ Gale tɛ mɛ 'bɔ kɔ wa boe. Nɛ lɛ ĩ na, a 'bana dɛ kɔ lɛ, we kɛ Hi Wi Santo kɛ a hã a hã lɛ ni, a a tɔ̃ ma hã lɛ.

1 YOANƐ 4:13

Lɛ ĩ na, lɛ 'bana dɛ kɔ Gale, nɛ Gale 'bana dɛ kɔ lɛ, we kɛ a hã Hi Wi 'da a hã lɛ ni.

1 YOANƐ 4:16

Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.

1 YOANƐ 4:6

Kɔ we duzu lɛ, lɛ a owinɔ 'da Gale, nɛ wi kɛ a ĩ ti Gale ni, a zele lɛ zila. Nɛ nde wi kɛ a ĩ̀ ti Gale gɔ ni, a zélé lɛ gɔ. Na mɛ ni, lɛ ĩ ti gɔnɔ sanga Hi Wi 'da Gale, kɛ a be gulu gbãlã we hã winɔ ni, do hi wi ɔlɔ winɔ.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

1 YOANƐ 5:4

Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.