1 YOANƐ 4:1 - WE NU GALE 1995

¹ Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.

1 YOANƐ 4:1 Iomraidhean Croise

1 Onwanɔ 13:18

Nɛ gbɛlɛ ni tɔ̃ hã a na: “Mi tɛ mɛ 'bɔ a wi gba olo nu Gale ɔ nɛ mɔ ni. Nɛ NWA tumba anzɛ kpo we tɔ̃ hã mi na, mi kpa mɔ, kɔ mi kpolo tɛ mi do mɔ, takɔ mɔ nyɔngɔ mɔ, nɛ mɔ nɔ mbe lì sɛ nɛ de.” Ĩ na, a tɔ̃ zi a bɛlɛ iko.

GBA WENƆ 14:15

Wi kɛ li a ĩ̀ mɔ gɔ ni, a kɔ gɛnɛ wenɔ vɛ̃ wa tɔ̃ hã a ni. Nɛ nde wi gbisa zu lengge mɔ dati sɛ nɛ a dɛ de.

Yeremi 14:14

Nɛ NWA gisa hã mi na: “Owinɔ wa gba olo nu mi ni wa ɔkɔlɔ winɔ do zu li mi iko. Mi a mi tòmbò wa gɔ. Mi bà nu mi hã wa gɔ, nɛ mi wèlè we kpo hã wa gɔ. Wenɔ wa tɔ̃ hã nɛ ni, mɛ a lɛnggɛ bɛlɛ kɛ ma do gulu nɛ bina, mɛ a olɛnggɛ kɛ wa do tɛ wa wa kũ ma we ɔkɔlɔ do winɔ iko.

Yeremi 23:16

NWA ngɔ mɔ nyanga nza vɛ̃ tɔ̃a hã owi kɔ le Yeruzalɛmɛ na: “Nɛ tɛ zèlè wenɔ owi gba olo nu mi wa tɔ̃ ni gɔ. Wa ɔlɔ nɛ iko. Wenɔ wa tɔ̃ hã nɛ ni, ma yòlò nu mi gɔ, ma yula kɔ zu wa wele nɛ.

Yeremi 5:31

Owi gba olo nu mi Gale wa 'bili bɛlɛ iko, onganganɔ wa fa tati a kpasi 'da wa wele nɛ. Nɛ nɛ, owinɔ 'da mi, nɛ zɔa ma, nɛ nɛ kɔ̃a gɛnɛ nɛ wena. Kɔ ngba soe mɛnɔ ni ma e, nɛ nɛ dɛ sɛ nɛ nɛ nde?”

MARKO 13:21

“Kɔ fala kɛ wele hɔ, hã a tɔ̃ hã nɛ na: ‘Nɛ zɔ́, Mɛsiya a tɛ dɛ!’, tabi ‘Mɛsiya a i mɔ ni!’, nɛ nɛ tɛ kɔ̃̀ gɔ.

LUKA 12:57

“Gulu kɛ nɛ wele nɛ, nɛ wè tɛ 'dafa we mɔ́ nɛ dɛ sanga ngba nɛ iko gɔ we ge nde?

LUKA 21:8

Nɛ Yezu gisa hã wa na: “Li nɛ sɔ̃́ na, da dɛ kɔ wele ɔ́lɔ́ nɛ gɔ. We duzu kɛ Owele wena wa hɔ sɛ do zu li mi, nɛ wa tɔ̃ sɛ na, lo a Mɛsiya. Nɛ wa tɔ̃ sɛ 'bɔ na, ngba soe tɛa 'da Mɛsiya ma kɔla ia! Nɛ nde nɛ tɛ nɛ̀ 'do wa gɔ.

Owi Nɛ Tonɔ 17:11

Nɛ nde Oyudanɔ di ni ni, wa zi do dia sila nɛa ngɔ wanɔ tɛ Tɛsalonikɛ i ni, nɛ wa zila we nu Gale do dia nɛ. Tũ kpo kpo, wa tɛ yambala 'Buki 'da Gale, takɔ wa ĩ na, wenɔ kɛ Polo be ni tabi a gbãlã we nde.

Owi Nɛ Tonɔ 20:29

Mba gɔ, mi ĩ na, fala kɛ mi la do'do, nɛ o'dã wele wa hɔ sɛ, nɛ wa pɛsɛ sɛ sanga nɛ ɔ nɛ kɛ gɔ̃̀ pɛsɛ do sanga obata ni.

1 KORINTƐ 12:10

Nɛ kpo Hi Wi Santo ni hã 'bɔ ngawi dɛ gba sɔ̃ mɔ hã ombe, nɛ a hã ngawi gba olo nu Gale, tabi ngawi ĩ ti gɔnɔ sanga 'dã hi winɔ do ngbongbo Hi Wi 'da Gale hã ombe nɛ. Nɛ ombe wa kpa ngawi tɔ̃ gele nu kpi do kpi, nɛ a hã 'bɔ ngawi tɔ̃ gulu gele nui ni hã ombe nɛ.

1 KORINTƐ 14:29

Nɛ wanɔ wa kpa ngawi gba olo nu Gale ni, ma wia na wele bɔa tabi talɛ wa wele we, nɛ Owi Kristonɔ wa zele, nɛ wa gɔnɔ sanga nɛ, tabi ma yula 'da Gale nde.

1 TƐSALONIKƐ 5:20

'Da fala kɛ wele gba olo nu Gale, nɛ nɛ tɛ zɔ̀ ma yala iko gɔ.

1 TƐSALONIKƐ 5:21

Nɛ nde nɛ yámbá wenɔ ni vɛ̃, nɛ nɛ saka dia kɛ, nɛ nɛ kɔ̃ gɛnɛ nɛ,

2 TƐSALONIKƐ 2:2

fala kɛ wele tɔ̃ hã nɛ na, ngba soe tɛa 'da Nwa hɔa ia nde, nɛ ma tɛ vĩ̀ zu nɛ gɔ, nɛ sila nɛ tɛ ɔ̀ ngɔ gɔ. Gɛnɛ kɔ mbe wele tɔ̃ na Hi Wi Santo bia hã ɛ ni, tabi owele wa be do we, tabi wa tɔ̃ na, lɛ a lɛ kɔma ma do mbɛti nde, nɛ nɛ tɛ kɔ̃̀ gɛnɛ nɛ gɔ.

1 TIMOTE 4:1

Hi Wi Santo tɔ̃a dɛ wila fala na, 'da fala ndɔti nùi kɔlɔ, nɛ ombe winɔ wa la sɛ fala kɔ̃a we 'da wa, nɛ wa e sɛ sila wa ngɔ hi wi bɛlɛnɔ, do bia wenɔ kɛ ma yolo kɔ o'dã hi winɔ ni.

2 TIMOTE 3:13

Nɛ o'dã winɔ do Owi ɔlɔ winɔ, 'dã mɛ 'da wa ma gã sɛ dɛ dati fai. Wa ɔlɔ sɛ winɔ, nɛ Owele wa ɔlɔ sɛ tɛ mɛ 'bɔ wa.

2 PETRO 2:1

Zɛ́ dati, Owi gba olo nu Gale do bɛlɛ wa zɛ́ sanga owinɔ 'da Gale boe. Na mɛ ni, ombe wi be we bɛlɛnɔ, wa hɔ sɛ 'bɔ sanga nɛ gɛ, nɛ wa be sɛ we bɛlɛ, kɛ ma wia tɛ 'danga kɔ̃a we 'da winɔ ni hã nɛ. Nɛ wa bɛ̃ sɛ 'bɔ gɛnɛ Nwa Yezu Kristo, kɛ a gɔnɔ zi zu wa ni. Nɛ nde 'da kala sɛ gɔ, nɛ gi'da 'dã mɛ wa dɛ ni, ma te sɛ zu wa wele nɛ.

1 YOANƐ 2:18

Aa benɔ 'daa, ngba soe ndɔti nùi kɔla ia. Nɛ zila zi na, Wi sɛnɛ Yezu Kristo a hɔ sɛ. Kɔ lɛ zɔa na ngangga gɛ, ogili wi sɛnɛ Yezu wa hɔa ia. Ma kɛ lɛ ĩ na, ndɔti nùi kɔla ia.

1 YOANƐ 2:7

Aa oyali ngba mi, mbula mi kɔmɔ hã nɛ gɛ, mɛ a mbé mbula gɔ. Mɛ a ã mbula kɛ wa bia zi ma hã nɛ, ndo do kɛ nɛ kɔ̃a zu li Kristo ni.

2 YOANƐ 1:7

Mi tɔ̃ we gɛ hã nɛ, we kɛ Owi 'bili bɛlɛnɔ wa kpa do ngɔ nù gɛ vɛ, nɛ wa kɔ̃̀ we 'da Yezu Kristo na, a hɔa wele, nɛ a tɛa ngɔ nù gɛ ni gɔ. Nɛ wi kɛ a tɔ̃ na mɛ ni, a a wi ɔlɔ wi, nɛ a a wi sɛnɛ Yezu Kristo.

3 YOANƐ 1:11

Aa mɔ, yali ngba mi, mɔ tɛ 'bã̀ olo kɔ̃ o'dã winɔ gɔ, nɛ nde mɔ 'bã́ olo kɔ̃ odia wele. Wi kɛ a dɛ de mɔ fai ni, a a be 'da Gale, nɛ wi kɛ a dɛ 'dã mɔ fai ni, a ĩ̀ ti Gale gɔ.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.