1 YOANƐ 3:9 - WE NU GALE 1995

⁹ Wi kɛ a a be 'da Gale ni, a dɛ́ 'bɔ 'dã mɔ gɔ. Mba gɔ, mbé kpasi kɛ Gale hã hã a ni, ma ɔ dɛ kɔ sila a, nɛ fala do kɛ na, a dɛ 'bɔ 'dã mɔ ni bina, we kɛ a hɔa be 'da Gale ia.

1 YOANƐ 3:9 Iomraidhean Croise

YƆBƆ 19:28

Nɛ zɔ mi, nɛ nɛ tɔ̃ na, lo nɛ dɛ do zɛlɛ tɛ̃ a nɛ nde? We lo nɛ tɔ̃ dɛ ngɔ a, takɔ wa 'bili 'dã we hã a ni a ge nde?

Zumanɔ 119:3

Wa dɛ́ 'dã mɔ fala kpo gɔ, nɛ wa dɛ mɔ tɛ wa nɛ́ kɛ zã NWA kɔ̃a ni.

Levitɛnɔ 11:37

Fala kɛ fia sa'de te ngɔ gbãlã kpalɛ kɛ wa nɛ mi ma mi ni, nɛ kpalɛ ma 'bana sɛ sa li Gale.

MATIE 7:18

Dia te wè tɛ ko 'dã wala te gɔ, nɛ 'dã te wè tɛ ko dia wala te gɔ.

YOANƐ 1:13

Nɛ nde wa hɔ̀ zi benɔ 'da Gale do tɛlɛ tɛ linggamɔ zu wele, tabi do tɛlɛ tɛ tunu tɛ wi mɔ́ wele, tabi do tɛlɛ tɛ kɛ wa ko do wele ngɔ nù gɛ ni gɔ. Gale a kua wa.

YOANƐ 3:3

Nɛ Yezu gisa hã a na: “Mi tɔ̃ hã mɔ do gbãlã we na, fala kɛ wa kò wele fala bɔa gɔ, nɛ nde a zɔ́ sɛ le nwa 'da Gale gɔ.”

Owi Nɛ Tonɔ 4:20

We duzu lɛ, lɛ wè tɛ kpe nu lɛ dɛ ngɔ mɛ kɛ lɛ zɔa, nɛ lɛ zila do zala lɛ ni gɔ.”

ROMA 6:2

Ma na mɛ ni gɔ! Mba gɔ, we mɛnɔ vɛ kɛ ma zɔa 'dã mɔ ni, nɛ nde lɛ ɔ nɛ fio ni. Kɔ na mɛ ni, nɛ lɛ nɛ dɛ fala dɛ 'dã mɔ fai nɛ nde?

GALATI 5:17

Mba gɔ, wɔ kɔ kili tɛ wi tombo wele we dɛ mɛnɔ kɛ Hi Wi Santo bɛ ma ni. Nɛ Hi Wi Santo tombo lɛ we dɛ mɛnɔ kɛ kili tɛ lɛ kɔ̃̀ we dɛ ma gɔ ni. Gbãlã we, ma bɔa nɛ, ma kɔ̃̀ gɛnɛ ngbɛ ɛ gɔ. Ma kɛ nɛ wé sɛ tɛ dɛ dia mɛ kɛ zã nɛ kɔ̃a sɔ we dɛ ma ni gɔ.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

1 PETRO 1:23

Nɛ ĩ́ na, wa kua nɛ fala bɔa. Wi ko nɛ, wi a obaa wi kɛ wa fe fio fia ni gɔ, nɛ nde wi a Baa nɛ Gale kɛ a fé fio gɔ ni. A kua nɛ do we nu a kɛ ma hã kpasi, nɛ ma 'bana sɛ fai ndɔti nɛ bina ni.

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 3:6

Na mɛ ni, wi kɛ a 'bana dɛ kɔ Yezu ni, a dɛ́ 'bɔ 'dã mɔ gɔ. Nɛ wi kɛ a 'bana tɛ dɛ 'dã mɔ fai ni, a zɔ̀ Yezu gɔ, nɛ a ĩ̀ 'bɔ ti a gɔ.

1 YOANƐ 4:7

Aa nɛ, oyali ngba mi, ma wia na, lɛ kɔ̃ gɛnɛ ngba lɛ, we kɛ wele kɔ̃a zã a mɔ́ Gale. Wi kɛ a kɔ̃ gɛnɛ ngba a ni, a a be 'da Gale, nɛ a ĩ ti Gale.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

1 YOANƐ 5:18

Lɛ ĩ na, wi kɛ a a be 'da Gale ni, a dɛ́ 'dã mɔ gɔ, we kɛ Yezu Be 'da Gale tɛ zɔ mɔ tɛ a, nɛ Satana wè tɛ dɛ mɔ kpo do a gɔ.

1 YOANƐ 5:4

Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

3 YOANƐ 1:11

Aa mɔ, yali ngba mi, mɔ tɛ 'bã̀ olo kɔ̃ o'dã winɔ gɔ, nɛ nde mɔ 'bã́ olo kɔ̃ odia wele. Wi kɛ a dɛ de mɔ fai ni, a a be 'da Gale, nɛ wi kɛ a dɛ 'dã mɔ fai ni, a ĩ̀ ti Gale gɔ.